Matemáticas
Aquí vos deixamos un resumo de algunhas das actividades desta última semana. O grupo de 1º ESO de Proxecto Competencial estivo traballando no noso horto escolar para facer plantación de inverno. A ver que tal se da.
Alumnado da facultade de físicas da USC veu ao noso centro e organizou un obradoiro de óptica para o alumnado de 3º ESO. Xogando con lentes e luz láser resulta mopito máis doado entender conceptos como a difracción ou como funciona o ollo humano e como os lentes poden corrixir defectos de visión.
E hoxe as dúas últimas horas estiveron adicadas á ciencia. Os departamentos de Matemáticas, tecnoloxía, lingua galega e física organizaron unha serie de experiencias e obradoiros para espertar a curiosidade científica entre o alumnado de 1º e 2º ESO. Entre outras actividades puideron montar unha cúpula xeodésica, grabar voces e traballar con elas no ordenador, facer maxia matemática, descubrir certas propiedades dos coloides, entender como se constrúen e se manteñen en pé as pontes de arco...Era a primeira vez e foi todo un éxito e esperamos que o vindeiro ano siga crecendo.
Agradecemos a especial adicación do profesorado que organizou este evento: María Ana Domínguez (MAT), Tina Formoso (GAL), Jesús (TEC) Sara Lago (FQ), e por suposto aos alumnos e alumnas que participaron como monitores explicando as actividades aos compañeiros, sen todos os cales esta actividade non podería terse levado a cabo. Grazas a todos!
Como sabedes, no instituto queremos fomentar o uso responsable da bicicleta, como medio de transporte cómodo, rápido e ambientalmente responsable, que pode ser axeitado para determinado alumnado nunha franxa de idade e que viva a unha distancia intermedia do centro.
Previo á celebración do Día da Bicicleta, quixemos facer unha enquisa para saber como ven o uso da bici os alumnos e as familias, e que aporten ideas para facer máis cómodo e seguro o seu uso. Creemos que os resultados poden ser de interese para o Concello de Negreira, asociacións e institucións varias, para que tamén traballen a prol do fomento do uso da bicicleta.
Os países máis avanzados promoven e facilitan o uso da bicicleta como medio de transporte diario, que conleva aforro económico, menos atascos, mellora a saúde da poboación e mellora a calidade do aire das poboacións nas que se incrementa o seu uso.
Incluso estase a debatir o feito de pagar á xente por usar a bicicleta como medio de transporte diario ao traballo (ver ligazón)
Aquí tedes os resultados da enquisa.
Hoxe inauguramos a exposición de fotografía matemática cunha selección das imaxes presentadas no III Concurso de fotografía "Matemáticas na contorna". Estará todo o mes de maio no vestíbulo do edificio principal.
As láminas están acompañadas duns textos explicativos elaborados polo profesorado do departamento de matemáticas que nos axudarán a interpretar os conceptos matemáticos mostrados nas imaxes. Grazas a todos, alumnado e profesorado participante e a quenes axudaron na montaxe final.
Dentro da materia de programación (2º ESO ) os departamentos de Tecnoloxia e Matemáticas estamos a colaborar para deseñar unha serie de aplicacións informáticas que teñan utilidade na didáctica das matemáticas.
E aquí vos presentamos o primeiro traballo froto desta colaboración: un programa elaborado na plataforma Scratch, que pensamos axudará de forma lúdica a potenciar a capacidade de cálculo mental do alumnado. O cálculo mental é unha competencia clave na aprendizaxe das matemáticas. A práctica do cálculo mental mellora a capacidade de concentración, facilita a comprensión e sentido da magnitude e do número, proporciona versatilidade e rapidez no proceso de cálculo e axuda na reflexión para decidir e elixir.
O programa está aínda en desenvolvemento, e por tanto aberto ás vosas suxestións para melloralo e facelo máis completo e atractivo. Que esté feito en Scratch fai que o alumnado coñeza e comprenda o código e que poida modificalo ao seu gusto e adaptalo ás súas necesidades. Disfrutádeo.
O cálculo mental é unha competencia clave na aprendizaxe das matemáticas. A práctica do cálculo mental mellora a capacidade de concentración, facilita a comprensión e sentido da magnitude e do número, proporciona versatilidade e rapidez no proceso de cálculo e axuda na reflexión para decidir e elixir.
Dentro da materia de programación (2º ESO ) os departamentos de Tecnoloxia e Matemáticas estamos a colaborar na elaboración dunha serie de aplicacións informáticas que axuden ao alumnado a aprender matemáticas dun xeito lúdico e atractivo.
Froito desta colaboración presentámosvos o primeiro traballo: un programa realizado na plataforma Scratch que axudará a potenciar a capacidade de cálculo mental do alumnado. Que esté feito en Scratch fai que o alumnado coñeza e comprenda o código e que poida modificalo ao seu gusto para adaptalo ás súas necesidades.
O programa está aínda en desenvolvemento e gustaríanos recibir as vosas suxestións para facelo máis completo e atractivo. Esperamos que vos guste.
Neste mes de xaneiro estamos a ter un interesante ciclo de charlas científicas e de orientación para o noso alumnado de bacharelato que abranguen temas tan interesantes como a elaboración dos manuscritos medievais, o tratamento e valorización das augas residuais, os principios de funcionamento e usos do laser, ou o impacto medioambiental da industria. Non deixamos de insistir en que un gran nicho do traballo no futuro está na reciclaxe, recuperación de materias primas, e reducción de impacto medioambiental. Tamén tivemos unha charla específica para alumnado de 2º de bacharelato sobre a realización das ABAU e orientación para a escolla dos seus estudos universitarios. Grazas a todos os poñentes, profesores e catedráticos da USC: Anuska Mosquera, Francisco J. Pena , Sandra Piñeiro, Raúl de la Fuente e Almudena Hospido.
Neste mes de xaneiro estamos a ter un interesante ciclo de charlas científicas e de orientación para o noso alumnado de bacharelato que abranguen temas tan interesantes como a elaboración dos manuscritos medievais, o tratamento e valorización das augas residuais, os principios de funcionamento e usos do laser, ou o impacto medioambiental da industria. Non deixamos de insistir en que un gran nicho do traballo no futuro está na reciclaxe, recuperación de materias primas, e reducción de impacto medioambiental. Tamén tivemos unha charla específica para alumnado de 2º de bacharelato sobre a realización das ABAU e orientación para a escolla dos seus estudos universitarios. Grazas a todos os poñentes, profesores e catedráticos da USC: Anuska Mosquera, Francisco J. Pena , Sandra Piñeiro, Raúl de la Fuente e Almudena Hospido.
Para celebrar o Día do Medio Ambiente no Xulián Magariños o alumnado de FPB deseñou e plantou un horto escolar e o alumnado de ESO dirixido pola profesora Carmen Vales fixo un estudo sobre o lixo atopado nos arredores do centro e redactou unhas interesantes propostas de mellor que sen dúbida teremos en conta. Grazas a todos/as
A NOSA HORTA: Cultivaremos produtos de tempada e de xeito ecolóxico
O alumnado de 1º FPB de Comercio está a traballar co profesor do módulo de Ciencias Aplicadas, Jesús M. Calvo, nun proxecto meteorolóxico no que comparan as prediccións dos servizos meteorolóxicos cos valores reais obtidos na estación de medida do centro. Segundo as primeiras valoracións a precisión das prediccións para Negreira é bastante alta!
