Lingua castelá e Literatura
Para conmemorar o Día Internacional dos Dereitos Humanos, que se celebra cada ano o 10 de decembro, os alumnos de Valores Éticos de 2º de ESO B buscaron nos xornais exemplos de noticias que amosaban situacións nas que non se respectaban algúns dos dereitos que ten calquera ser humano polo mero feito de existir. A actividade serviulles para analizar cunha mirada crítica a realidade cotiá e comprobar que queda moito por facer. O resultado do seu traballo pode verse na exposición que montaron no hall de entrada ao instituto.
Seis alumnas de bacharelato representaron ao IES Xulián Magariños como parte do xurado do Premio San Clemente de Narrativa. O acto tivo lugar no IES Rosalía de Castro de Santiago o pasado xoves 3 de novembro. As alumnas deliberaron con representantes de varios institutos tanto de Galicia como de fóra da nosa Comunidade e despois deron a coñecer o nome dos gañadores nunha rolda de prensa. Mais tarde, xunto co resto dos membros do xurado, foron invitadas a unha comida no Casino de Santiago. Unha experiencia moi enriquecedora que se completará dentro duns meses coa cerimonia de entrega de premios, na que poderán coñecer persoalmente aos galardoados.
A prensa fíxose amplo eco da noticia, dada a importancia deste premio.
A memoria histórica e o hiperrealismo máxico imponse no Premio San Clemente Abanca con tres mulleres galardoadas (galiciaconfidencial.com)
El Premio San Clemente Abanca galardona en Santiago de Compostela a tres autoras (elespanol.com)
La memoria histórica y el hiperrealismo mágico se imponen en el Premio San Clemente Abanca con tres mujeres galardonadas (europapress.es)
Atentos/as se vos gusta a escritura. Tedes a ocasión de mostrar o voso talento no II CONCURSO LITERARIO IES XULIÁN MAGARIÑOS. Se queredes participar tomade nota das bases de participación e lembrade que o prazo para presentarse remata o 21 de abril de 2022.
Onte 23 de Abril do 2021,Día do Libro, non puidemos celebralo de mellor xeito que premiando no certame literario organizado polos Departamentos de Lingua Castelá e Lingua Galega, o enorme talento literario que ano tras ano amosa o alumnado deste centro.
Así damos os nosos orgullosos parabéns a María Castro Andrade polo seu primeiro premio na categoría de Primeiro Ciclo da ESO co fermoso relato dunha flor chea de curiosidade e beleza: "A flor viaxeira" e a Nerea García Guzmán que gañou o accésit cun relato pandémico pero cheo de humor "O cambio de Quico", ámbalas dúas de 1º da ESO.
Parabéns tamén a Héctor Lago Esperante de 3ª da ESO, gañador do primeiro premio na categoría de 2º ciclo da ESO co seu magnífico relato "Un extraño visitante" e á alumna de 4º da ESO Mª Carmen Dosil Fuentes polo accésit co relato cheo de sensibilidade : “ Frágil crisálida”
Na categoría de Bacharelato o primeiro premio foi para Paula Rodríguez Pais polo seu relato de orixinal factura “Una pequeña queja” e o accésit para a madurez na escrita de Reyes Freire por “Outro segredo que agochar”. Parabéns ás dúas.
Parabéns tamén a todas e todos os participantes, grazas por achegarnos a vosas creacións e pola calidade dos traballos presentados. O ano que vén máis. A literatura en Galicia ten moito futuro con tanto xove talento nas nosas aulas.
No Facebook do noso centro tedes unha galería de imaxes da ceremonia de entrega dos premios.
RELATOS GAÑADORES
- A flor viaxeira (María Castro Andrade)
- Un extraño visitante (Héctor Lago Esperante)
- Una pequeña queja (Paula Rodríguez Pais)
Os departamentos de Lingua Castelá, Lingua Galega e a Biblioteca do IES Xulián
Magariños convocan un CONCURSO DE RELATOS para todo o alumnado do centro.
DATA LÍMITE DE PRESENTACIÓN DAS OBRAS: 16 de ABRIL
No día mundial contra a violencia de xénero, toda a comunidade educativa do IES Xulián Magariños facemos público o noso apoio a esa causa na procura dunha sociedade máis libre, xusta e igualitaria. A educación en igualdade e respeto é un dos nosos obxectivos prioritarios.
Nun acto que tivo lugar durante o recreo o alumnado do equipo de igualdade do centro leeu un manifesto e logo cantaron a súa versión en galego da canción:"Lo que es nuestro" de Lucía e Natalia Gil.
Alumnos de Química de 2 de bacharelato visitaron o centro de investigación avanzada en química (CIQUS) da USC, onde aparte de coñecer o persoal, os laboratorios e os equipamentos máis avanzados para a investigación, levaron a cabo varias prácticas. Carmen Luaces, xefa do departamento de Física e Química foi a coordinadora da actividade.
O alumnado de Primeiro de ESO visitou esta semana o Museo do Pobo Galego e o Centro Galego de Arte Contemporánea, nunha actividade coordinada polos departamentos de Plástica, Lingua Galega e o Equipo de Dinamización Linguística. E de paso rendiron homenaxe a excelsa Rosalía de Castro coa entrega dun ramo de flores que colocaron na súa tumba.
O alumnado de 1º ESO, coordinado pola profesora Ana Barrientos, forma un equipo de redacción moi dinámico. Aquí tedes a primeira edición do seu diario, composto por variadas seccións (internacional, sociedade, local, deportes...)
O xoves o alumnado de 3º e 4º ESO foi a Coruña a disfrutar da obra de teatro " Don Juan Tenorio" e visitar varios museos DOMUS, MUNCYT) acompañados dos profesores Ana Barrientos, Natalia Freire, Susana Madrea e Pedro Núñez. Ata tiveron tempo de achegarse a torre de Hércules. Unha excursión moi completa.
E o venres, o alumnado de 1º e 2º de ESO poido asistir a unha sesión interactiva sobre cultura americana organizada polo departamento de inglés.
O alumnado de 3º de ESO traballou durante o segundo trimestre a época do Renacemento nas materias de Xeografía e HIstoria, Lingua Castelá, Lingua Galega e Lingua Inglesa. Ao longo do trimestre foron elaborando unha serie de pósters, tanto traballando en grupo como de forma individual, recabando información en diferentes páxinas web, compartíndoa a través da Aula VIrtual e utilizando a aplicación Postermywall. Aquí tedes unha pequena mostra do resultado, que en breve poderedes contemplar en forma de exposición nos corredores do centro.
Podedes descargar aquí os pósters en formato PDF
O vindeiro 1 de marzo o alumnado de 1º ESO asistirá en Santiago a unha representación de teatro musical organizada polos departamentos de Música e Lingua Española. Sairán ás 11 e regresarán as 14:25.
