Lingua galega e Literatura
A nosa compañeira e coordinadora da biblioteca, Teresa Araújo, elaborou unha presentación moi útil onde resume as posibilidades de acceso e servizos que ofrecen as bibliotecas dixitais, tanto do Ministerio de Cultura como da Xunta. Seguro que nos axudará a toda a comunidade educativa a atopar novas e interesantes lecturas. Moitas grazas, Teresa.
Clica na imaxe para acceder á información en PDF
Atentos/as se vos gusta a escritura. Tedes a ocasión de mostrar o voso talento no II CONCURSO LITERARIO IES XULIÁN MAGARIÑOS. Se queredes participar tomade nota das bases de participación e lembrade que o prazo para presentarse remata o 21 de abril de 2022.
O pasado venres o alumnado de 4º ESO foi de excursión a Santiago onde percorreron a zona vella seguindo un completo itinerario organizado polos departamentos de Galego, Educación Plástica e Xeografía e Historia.
ITINERARIO PERCORRIDO POLA COMPOSTELA LITERARIA E MONUMENTAL 17 /12 2021
1. Casas Reais. Sociedade Económica de Amigos do País (organización académica e cultural do século XIX onde estudaron autores do Rexurdimento como Rosalía de Castro ou Aurelio Aguirre e centro de encontro dos intelectuais e escritores do momento como Eduardo Pondal. Nos seus escenarios Rosalía interpreta con 15 anos “Rosamunda” con grande éxito de público)
2. Praza de Cervantes (chamada no s. XII Praza do Foro por ser lugar de pregóns) e Igrexa neoclásica de San Bieito do Campo de Prado Mariño do s.XVIII, unha xoia do Neoclásico galego)
3. Praza de Abastos: visita a toda unha institución en Compostela. Construída en 1941 polo arquitecto Joaquín Vaquero Palacios a partir do primixenio edificio que data de 1873 e do que aínda se conserva o enlosado de granito e a muralla con escalinata.
4. Facultade de Historia e Xeografía. Visita ao edificio e á biblioteca
5. Catedral e pazos renacentistas da cidade vella, coas súas ruelas e perspectivas barrocas
6. Biblioteca municipal Anxel Casal.
7. Antigo cárcere municipal, centro de reclusión na ditadura.
8. Paseo da Alameda e homenaxe ás irmás Fandiño Ricart, máis coñecidas como as dúas Marías. Lectura dun texto elaborado pola alumna Nuria Juncal.
E tamén o venres pasado o alumnado de 1º ESO puido disfrutar da visita a dous museos emblemáticos de Santiago, o museo do Pobo Galego e o museo de Arte Contemporánea. Axentes infiltrados nos informan de que o pasaron estupendamente. Tedes máis información no Facebook do centro.
Onte 23 de Abril do 2021,Día do Libro, non puidemos celebralo de mellor xeito que premiando no certame literario organizado polos Departamentos de Lingua Castelá e Lingua Galega, o enorme talento literario que ano tras ano amosa o alumnado deste centro.
Así damos os nosos orgullosos parabéns a María Castro Andrade polo seu primeiro premio na categoría de Primeiro Ciclo da ESO co fermoso relato dunha flor chea de curiosidade e beleza: "A flor viaxeira" e a Nerea García Guzmán que gañou o accésit cun relato pandémico pero cheo de humor "O cambio de Quico", ámbalas dúas de 1º da ESO.
Parabéns tamén a Héctor Lago Esperante de 3ª da ESO, gañador do primeiro premio na categoría de 2º ciclo da ESO co seu magnífico relato "Un extraño visitante" e á alumna de 4º da ESO Mª Carmen Dosil Fuentes polo accésit co relato cheo de sensibilidade : “ Frágil crisálida”
Na categoría de Bacharelato o primeiro premio foi para Paula Rodríguez Pais polo seu relato de orixinal factura “Una pequeña queja” e o accésit para a madurez na escrita de Reyes Freire por “Outro segredo que agochar”. Parabéns ás dúas.
Parabéns tamén a todas e todos os participantes, grazas por achegarnos a vosas creacións e pola calidade dos traballos presentados. O ano que vén máis. A literatura en Galicia ten moito futuro con tanto xove talento nas nosas aulas.
No Facebook do noso centro tedes unha galería de imaxes da ceremonia de entrega dos premios.
RELATOS GAÑADORES
- A flor viaxeira (María Castro Andrade)
- Un extraño visitante (Héctor Lago Esperante)
- Una pequeña queja (Paula Rodríguez Pais)
O Equipo de Dinamización e Normalización Lingüística coordinado pola profesora Begoña Leal está volcado na celebración do Día das Letras Galegas.
O alumnado de 1º ESO e de 2º Bacharelato gravou poemas de Xela Arias que enviamos á radio, porque ían facer un programa sobre a poeta. Onte foron á radio Negreira as alumnas de 2º ESO que deseñaron o tríptico sobre Xela Arias que distribuiremos no centro.
Os departamentos de Lingua Castelá, Lingua Galega e a Biblioteca do IES Xulián
Magariños convocan un CONCURSO DE RELATOS para todo o alumnado do centro.
DATA LÍMITE DE PRESENTACIÓN DAS OBRAS: 16 de ABRIL
No día mundial contra a violencia de xénero, toda a comunidade educativa do IES Xulián Magariños facemos público o noso apoio a esa causa na procura dunha sociedade máis libre, xusta e igualitaria. A educación en igualdade e respeto é un dos nosos obxectivos prioritarios.
Nun acto que tivo lugar durante o recreo o alumnado do equipo de igualdade do centro leeu un manifesto e logo cantaron a súa versión en galego da canción:"Lo que es nuestro" de Lucía e Natalia Gil.
Alumnos de Química de 2 de bacharelato visitaron o centro de investigación avanzada en química (CIQUS) da USC, onde aparte de coñecer o persoal, os laboratorios e os equipamentos máis avanzados para a investigación, levaron a cabo varias prácticas. Carmen Luaces, xefa do departamento de Física e Química foi a coordinadora da actividade.
O alumnado de Primeiro de ESO visitou esta semana o Museo do Pobo Galego e o Centro Galego de Arte Contemporánea, nunha actividade coordinada polos departamentos de Plástica, Lingua Galega e o Equipo de Dinamización Linguística. E de paso rendiron homenaxe a excelsa Rosalía de Castro coa entrega dun ramo de flores que colocaron na súa tumba.
Con motivo do día das Letras galegas 2019 adicado a Antón Fraguas os departamentos de Galego e o Equipo de Normalización e Dinamización Lingüística expoñen diversos traballos realizados polo alumnado sobre a vida e obra deste destacado historiador e etnógrafo e sobre Luis Seoane.
Así mesmo expoñen, no corredor de acceso á biblioteca unha serie de posters que tamén glosa a obra de Antón Fraguas.
Non queremos esquecer outras actividades organizadas arredor da festividade do Día das Letras Galegas como foron a participación no Correlingua 2019 e a asistencia á obra de teatro "made in Galiza" de Sechu Sende feita pola compañía "Os Quinqulláns"
O equipo do Club de Debate outro ano máis gaña a Gran Final Galega de Clubs de Debate. Noraboa ao alumnado participante, á preparadora Sara Porrit, a delegada do centro María José e a todos os participantes nesa festa da palabra. Queremos agradecer tamén o incondicional apoio dos compañeiros e familiares que acompañaron o equipo a Pontevedra.
Este domingo é o día de Rosalía de Castro. Na materia de lingua galega o alumnado está a preparar uns pósters coas obras máis coñecidas da autora.
