Comunicados
O alumnado que aprobou todas as materias en xuño e queira iniciar/continuar os seus estudos en ESO o Bacharelato deberá formalizar a matrícula para o vindeiro curso 2021-2022 preferentemente segundo o seguinte calendario. A data límite será en todo caso o 13 de xullo. (Lembramos que o 9 de xullo é festivo local)
Alumnado que vai cursar
- 1º ESO (Apelidos de A-L ) : 25 de xuño || (Apelidos de M-Z) : 28 de xuño
(documentación adicional a aportar: fotocopia DNI alumno, fotocopia DNI pai e nai, 2 fotos actuais, 5 selos tarifa A. Autorización uso imaxe. Enquisa medios tecnolóxicos)
- 2º ESO : 29 de xuño
(documentación adicional a aportar: fotocopia DNI alumno, 1 foto actual, 5 selos tarifa A. Autorización uso imaxe. Enquisa medios tecnolóxicos)
- 3º ESO : 30 de xuño
(documentación adicional a aportar: fotocopia DNI alumno, 1 foto actual, 5 selos tarifa A, resgardo do abono do seguro escolar. Autorización uso imaxe. Enquisa medios tecnolóxicos)
- 4º ESO : 1 de xullo
(documentación adicional a aportar: fotocopia DNI alumno, 1 foto actual, 5 selos tarifa A, resgardo do abono do seguro escolar. Autorización uso imaxe. Enquisa medios tecnolóxicos)
- 1º BAC : 2 de xullo
(documentación adicional a aportar: fotocopia DNI alumno, 2 fotos actuais, 5 selos tarifa A, resgardo do abono do seguro escolar. Autorización uso imaxe. Autorización saída do centro. Enquisa medios tecnolóxicos)
- 2º BAC : 6 de xullo
(documentación adicional a aportar: fotocopia DNI alumno, 1 foto actual, 5 selos tarifa A, resgardo do abono do seguro escolar. Autorización uso imaxe. Autorización saída do centro. Enquisa medios tecnolóxicos)
INFORMACIÓN PARA ALUMNADO DE CICLOS
FPB : en setembro (admisión do 1 ao 10 de setembro)
1º CM e 1º CS : O alumnado ten que participar no proceso telemático de admisión (prazos do 25 de xuño ao 5 de xullo ata 13:00 horas). O alumnado que repite 1º ten que marcar a casiña correspondente a "repetidor no mesmo centro por primieira vez".
2 CM e 2º CS : Do 25 de xuño ao 5 de xullo aquí no centro. Presentar o ANEXO I e resgardo do abono de seguro escolar
SOBRES DE MATRÍCULA
O día de recollida do boletín de cualificacións o alumnado de ESO recibitrá os sobres de matrícula cos impresos para cumplimentar. En calquera caso os sobres de matrícula están dispoñibles en conserxería.
Lembramos que o alumnado a partir de 3º ESO e ata os 28 anos de idade, ten que aboar o Seguro Escolar Obrigatorio (1,12 euros)
IMPRESOS
(publicanse aquí a modo informativo)
1º ESO // 2º ESO // 3º ESO // 4º ESO (ensinanzas académicas) // 4º ESO (ensinanzas aplicadas) // 1º BAC (Ciencias) // 1º BAC (Humanidades e CCSS) // 2º BAC (Ciencias) // 2º BAC ( Humanidades e CCSS)
- Os libros de texto que teñen que ser devoltos obrigatoriamente son os que pertencen ao fondo solidario de libros de texto xestionado polo centro e os libros de texto adicionais prestados polos departamentos didácticos.
- O alumno traerá o día 22 de xuño (último día de clase) todos os libros que se lle prestaron, que serán comprobados polo titor/a.
- Se ten algunha materia suspensa para setembro, o día 24, cando recolla o boletín de notas, poderá levar de volta para casa os libros correspondentes a esas materias suspensas para estudar durante o verán.
- Os libros que se leven para casa durante o verán serán devoltos en setembro cando veñan facer os exames das materias suspensas.
1- Con anterioridade á entrega as familias deberán:
- Comprobar que os libros teñen o selo e numeración do centro.
- Retirar forros vellos, etiquetas e calquera outro elemento persoal. Comprobar o estado dos libros e identificar os que estean moi deteriorados ou se consideren inservibles.
2- Agradecemos a doación de libros de texto
O curso anterior tivemos a sorte de contar coa desinteresada axuda de familias que mercaron libros de texto e considerando que xa non os ían necesitar os doaron ao centro co cal incrementamos a cantidade de libros dispoñible e puidemos repartir máis libros que nunca, o que favoreceu a toda a comunidade educativa.
Polo tanto, se tedes libros de texto propios que estean vixentes e pensades que xa non os ides necesitar, podedes traelos tamén e nós estaremos encantados de recollelos. Outras familias volo agradecerán.
O xoves 24 de xuño farase entrega presencial ao alumnado de ESO do boletín de cualificacións e do Consello Orientador. Será no seguinte horario:
1º ESO : 12:30 h
2º ESO : 13 h
3º ESO : 13:30 h
4º ESO : 14 h
Ese mesmo día, o alumnado que recibira libros do fondo solidario este curso e teña algunha materia suspensa pode solicitar levar durante o verán os libros das materias suspensas, que devolverán en setembro.
Tamén estará aberta a biblioteca do centro desde as 11:00 para alumnado que desexe levar algún libro de lectura para o verán.
IMPORTANTE: Lembren que a partir do día 23 xa non haberá transporte escolar
Información relevante para aquel alumnado que vaia cursar bacharelato ou ciclos formativos de grao medio ou superior.
As becas de estudios do Ministerio de Educación inclúen un apartado específico de RESIDENCIA. Nesta circular aclárase quen ten dereito a solicitar esa contía.
Achégase comunicado do equipo directivo con información relevante en relación ao fin de curso
Permítannos presentarnos en primeiro lugar. Os nosos nomes son Francisco Javier Fernández Fernández e Iván Area, e seremos o Secretario e o Presidente da Comisión Delegada 08 na que realizará os exames de ABAU o alumnado do seu centro.
Queremos enviar neste correo distintas informacións altamente importantes para o bo funcionamento da comisión e a realización das probas de ABAU. Agradeceriamos confirmen a recepción do presente correo.
En primeiro lugar, en relación co acceso ás aulas, remitimos un arquivo pdf no que pode ver por que porta debe facer a entrada o alumnado do seu centro, así como de todos os centros da Comisión Delegada 08. Pregamos que o alumnado tente non aglomerarse e faga unha entrada o máis ordeada posíbel, a partir das 08.55. A Comisión Delegada 08 examinará ao alumnado dos seguintes centros
15023338 IES Praia Barraña Boiro
15026807 IES Félix Muriel Rianxo
15026391 IES Xulián Magariños Negreira
15023466 IES Lamas de Abade Santiago
36012471 IES Castro Alobre Vilagarcía de Arousa
e cada centro realizará a entrada por unha porta distinta. Pregamos respecten as portas de acceso e os espazos asignados para evitar aglomeracións.
Ademais, queremos informarlles de que o pasado mércores 26 tivemos unha reunión co Tribunal Único da ABAU onde recibimos distintas informacións importantes. Durante a celebración das probas, os representantes dos centros non terán acceso aos exames, que serán feitos públicos na páxina web da CiUG ao rematar cada unha das sesións. As copias dos exames (enunciados de preguntas) non se poden sacar da aula ata a finalización de cada proba. Debe terse en conta que tanto os vogais como os representantes de centro que estean na aula de exame tampouco poderán usar ningún dispositivo electrónico que comunique co exterior (móbiles, tabletas, ordenadores, etc.). Ademais non se pode abandonar a aula ata pasada a primeira media hora.
Non está permitido o uso de reloxos de ningún tipo. Os teléfonos móbiles e dispositivos electrónicos terán que estar completamente apagados e gardados nas mochilas/bolsos que se deberán colocar o carón da cadeira onde se realice o exame. Só está permitido o uso de calculadoras non programables e sen capacidade gráfica nas materias correspondentes. O incumprimento desta norma será motivo de medida disciplinaria.
a. Antes de comezar o primeiro exercicio, chamarase por lista a cada alumno/a dúas veces, tomando nota das ausencias que se produzan en todos e cada un dos exames. Os/as alumnos/as deberán identificarse mostrando o seu DNI ou un documento equivalente (pasaporte, normalmente) e seranlles entregadas as etiquetas adhesivas que deberán colocar en cada exame. O representante de centro axudará na identificación do alumnado. De acordo co protocolo COVID publicado na web da CIUG, todas as persoas deberán de levar en todo momento máscara.
b. Cada alumno/a ocupará o mesmo posto na aula durante todas as probas, na medida do posíbel, e colocará en lugar visible o documento de identificación.
c. Todo o alumnado deberá manter os pavillóns auditivos despexados para a verificación de que non se usan dispositivos auditivos non permitidos.
d. Cómpre aconsellar ao alumnado que dea bo trato ás tiras que levan o seu código de identificación para evitar que, no momento da lectura de cabeceiras, se produzan atrasos e impedimentos nas sesións de gravación. Debe advertirse tamén deben evitar o contacto do xel hidroalcohólico coas etiquetas adhesivas, xa que poden alterarse os códigos identificativos.
e. Durante a realización dos exames o alumnado deberá manter os pavillóns auditivos despexados.
f. No folio de enunciados indícase o número máximo de preguntas que deben ser respondidas; se se responde a máis das indicadas, só se corrixirán as primeiras realizadas (segundo a orde de disposición no caderno de respostas) ata completar o número máximo.
g. Nos exames de Latín II e Grego II pódese usar dicionario. Poderán conter apéndices gramaticais, pero non páxinas con contidos literarios ou de evolución do latín para o galego ou castelán. Os dicionarios non poderán conterán anotacións nin ningún apéndice engadido que non sexa orixinal da obra. Os vogais deberán verificar que non existen e, de atopalas, serán consideradas como chuletas e o alumno/a será expulsado da aula e cualificado con 0 (cero) puntos nese exame.
h. Nos exames de idioma moderno (inglés, francés, alemán, portugués e italiano) non se pode empregar dicionario.
i. Nos exames de Matemáticas II, Matemáticas aplicadas ás Ciencias Sociais e Química entregaránselle ao alumnado as correspondentes táboas complementarias.
j. As calculadoras non programables e sen capacidade gráfica pódense empregar naquelas materias nas que se precisen.
k. As copias dos exames (enunciados de preguntas) non se poden sacar da aula ata a finalización de cada proba. Os enunciados dos exames colgaranse na Web da CiUG ao final de cada xornada.
O/a alumno/a que detecte algún erro na súa matrícula da ABAU deberá comunicalo á presidencia da correspondente Comisión Delegada na hora establecida para a presentación o primeiro día das probas (9:00-10:00 horas), mediante solicitude por escrito. Unha vez finalizada esa hora de presentación do primeiro día da ABAU, non se permitirá ningún cambio de materia. A aquel/a alumno/a que se examine dunha materia distinta á que figura na súa matrícula, anularáselle o exame desta materia.
O caderno do exame está formado por dúas follas tamaño A-3 pregadas e grampadas, do que resultan 8 páxinas de formato A-4. Na primeira páxina os/as alumnos/as só poderán pegar a cabeceira. Aínda que esta páxina aínda contén as clásicas opcións A e B, non hai que marcalas tendo en conta os modelos de exame desta convocatoria. Tampouco hai que indicar nada relativo a que preguntas se deben corrixir ou deixar de corrixir xa que, tal e como xa se indicou "No folio de enunciados indícase o número máximo de preguntas que deben ser respondidas; se se responde a máis das indicadas, só se corrixirán as primeiras realizadas (segundo a orde de disposición no caderno de respostas) ata completar o número máximo."
Os alumnos/as poden utilizar todas as páxinas agás a primeira. Non se pode arrincar non engadir follas. Ademais, os alumnos/as disporán dun só caderno de examen para cada materia. Aqueles que deban realizar o exercicio de Debuxo Técnico, farano soamente no propio papel que inclúe o texto do exame. Os alumnos/as que teñan que facer a proba de Deseño recibirán unha folla especial para tal fin.
Os exames poden realizarse indistintamente en galego ou en castelán, agás no caso dos correspondentes a Lingua Castelá e Literatura, Lingua Galega e Literatura, e Lingua(s) estranxeira(s) que deberán responderse na propia lingua do exercicio.
Finalmente, os exames deben facerse con bolígrafo azul ou negro e ningún exame pode asinarse nin presentar marcas de ningún tipo que poidan permitir unha eventual identificación. Todos os exames realizados, incluso os que o/a alumno/a deixe en branco, deberán entregarse a un membro do Tribunal, esperando a que este comprobe que se lle entregan no número e condicións debidas.
O alumnado non poderá permanecer dentro do edificio unha vez remate o exame.
Atentamente
Francisco Javier Fernández Fernández e Iván Area Carracedo
A partir do vindeiro curso 21-22 entramos a formar parte do proxecto EDIXGAL. A posta en marcha do proxecto será paulatina comenzando por 1º ESO. Polo tanto a partir de setembro os estudantes de 1º ESO xa empezarán a traballar cos libros e material dixital e cos ordenadores portátiles (para uso persoal e educativo) proporcionados polo proxecto. Iráse extendendo progresivamente ano a ano hasta 4º ESO no ourso 24-25.
Para saber máis do proxecto EDIXGAL clica aquí
Artigo na "Voz de Galicia" con información para as familias sobre EDIXGAL
O pasado venres fixémoslle unha merecida homenaxe aos tres compañeiros xubilados ao longo deste ano académico: Pedro, María e Juan. A situación sanitaria non nos permitiu celebrar unha comida todos xuntos, como era costume, pero alomenos tivemos tempo de conversar e que nos contaran en que andan a traballar agora. E tamén lembramos á nosa querida excompañeira, Sofía Noya, recentemente falecida.
Queremos agradecer aos @atrevidosdebarcala, ex-alumnos nosos, a súa colaboración para amenizar este encontro.
A CIUG (Comisión Interuniversitaria de Galicia) publica na súa Web toda a información necesaria para matricularse nas ABAU
TODA A INFORMACIÓN SOBRE AS ABAU EN CiUG | ABAU
1.PROCESO DE RESERVA DE PRAZA (REMATADO)
Finalizado o proceso de reserva de praza dos alumnos procedentes de centros adscritos, informamos que todas as solicitudes presentadas desde os centros adscritos para 1º de ESO e 1º de Bacharelato, foron admitidas.
2. PROCESO DE ADMISIÓN (PECHADO)
ACTUALIZACIÓN: todo o alumnado que solicitou praza neste centro está admitido. Non é necesario que acheguen ningunha documentación. Terá que facer a formalización da matrícula, como o resto do alumnado a partir do 22 de xuño (informarase das datas concretas nesta web no seu debido tempo).
O prazo de admisión de alumnado procedente doutros centros educativos (non adscritos) era entre o 1 e o 22 de marzo.
INSTRUCIÓNS e ligazón á aplicación da Consellería para cubrir a solicitude
Postos escolares ofertados e vacantes
| CURSO | Prazas ofertadas | Vacantes |
| 1º ESO | 90 | 10 |
| 2º ESO | 90 | 6 |
| 3º ESO | 90 | 28 |
| 4º ESO | 90 | 44 |
| 1º BAC CIENCIAS | 33 | 5 |
| 1º BAC HHCCSS | 33 | 3 |
| 2º BAC CIENCIAS | 33 | 19 |
| 2º BAC HHCCSS | 33 | 8 |
MOI IMPORTANTE
Cada alumno só pode presentar unha única solicitude no centro no que solicite praza en primeiro lugar; a infracción determinará a perda dos dereitos de prioridade que poidan corresponderlle.
O alumnado que ten garantía de permanencia nun centro, se presenta solicitude de admisión noutro distinto deberá comunicalo, ao mesmo tempo, ao centro de orixe.
INFORMACIÓN SOBRE O NOSO CENTRO
O proxecto educativo, as Normas de organización, funcionamento e convivencia, o plan de actividades complementarias e extraescolares e outros documentos de interese poden consultalos na nosa web nesta ligazón.
Poden seguir o día a día do noso centro nesta web e no noso espazo nas redes sociais (Facebook)
