Posto que o vindeiro venres conmemórase o DÍA INTERNACIONAL CONTRA A VIOLENCIA DE XÉNERO, durante esta semana imos ir realizando cada día unha actividade destinada a que nenos e nenas entendan a igualdade entre homes e mulleres. Hoxe visionamos o conto "Xela volveuse vampira" de Fina Casalderrey. Despois, o representaron no libro de Daniel, aquí tedes o fermosísimo debuxo de Nerea.

Posto que xa cedo imos comezar a traballar as características dos peixes, @s nen@s de infantil desta escola quixeron adiantarse coloreando un apetitoso bacallau nada máis e nada menos que con SAL DE CORES. Aquí están, aledando un recunchiño...

Estos son os barquiños do magosto, para gardar as castañas quentiñas! e tamén fixemos á castaña Catarina para levala nos xogos. Fermosos, non si?

Estamos feitos uns verdadeiros científicos. Vos presentamos os nosos dous últimos experimentos: observamos o que acontecía cunhas flores de papel que metemos en auga dobradiñas (tedes que probar a ver...), incluso as deixamos un día sumerxidas para seguir a investigar; e logo construímos unha medusa coa axuda inestimable da mestra Marta (sen ela como que non ía sair, je) e puidemos comprobar que, unha vez mergullada nunha botella, cando apretabamos subía e se soltabamos baixaba. Desfrutamos COMA TOLOS!!!

Aquí temos dúas novas entregas do ALFABETO DA AUGA. Coa letra "H" non foi doado, tivemos que consultar un dicionario; apareceu a palabra HIDROAVIÓN e representámolo con rotus permanentes sobre unha lámina de acetato. 

Por outra banda, o "I" estivo chupado, ILLA foi a nosa palabra, lembrando onde vivía a nosa serea preferida: a Maruxaina; empregamos lás para silueteala.

Ante a proximidade do benquerido MAGOSTO lembramos os xogos típicos da época para encher os nosos recreos. Aí tedes unhas fotiños...

Seguimos a experimentar no noso obradoiro científico. Esta vez elaboramos o noso propio océano nun tarro, para isto empregamos auga do mar - que a mestra Marta foi recoller para nós especialmente (GRAZAS, profe)-, aceite, colorante alimentario e uns fermosos barquiños de casca de noz e cortizo. Observamos que auga e aceite non se mesturan e creamos as nosas oleaxes, je. Moi divertido, SÍ SEÑOR.

Con este tempiño de outono botamos de menos a Lourenzo, de aí xurdiu a idea de expoñer os nosos "Lourenzos", agardamos que vos gusten...

Este venres na Escola de Rañó

festexaremos o MAGOSTO.

O grande acontecemento:

é que hai un casamento

de Don Tizón e Dona Castaña.

Que moi xuntiños

han de arder

para que os nenos e nenas

as poidan comer.

E como non ía ser menos

estes dous recén casados

dixéronlle a un paxariño...

QUE ESTADES TOD@S CONVIDADOS!