Os nenos e nenas da Escola de Abuín queremos darlle as grazas á nosa mestra Marta. Como estivo de aniversario este finde, convidounos a unha riquísima torta de chocolate feita con moito agarimo, da que demos boa conta, je. Mmmmmmmmmmmm... qué rica!

 Traballamos as formas xeométricas e a técnica do mosaico xirando ó redor  do mar, estos son os nosos barquiños de mosaico, QUE VOS PARECEN?

O venres levamos a cabo a nosa peculiar "busca do tesouro" coa axuda da profe Marta. Varias pista-adiviñas leváronnos ata o areeiro do patio e ata alí desprazámonos embarcados e unidos por unha corda para descubrir un cofre. Por suposto, o tesouro que había no seu interior encantounos... unha actividade moi fructífera e divertida.

Continuamos a xogar cos nosos nomes, axudados por este xoguetiño que nos deixaron os Reis Magos o Nadal pasado. Buscamos as letras do noso nome, as colocamos en horizontal e en vertical, limos o nome do dereito e do revés, comparamos as lonxitudes, contamos as vogais coñecidas e, entre todos, construímos un fermoso castelo. Divertidísimo, non credes?

Como nos gustan tanto os habitantes do País das Letras, quixemos elaborar os nosos personaxes; por suposto, como nós non somos letras ocorréusenos seren folliñas do outono. As nosas creacións decoran agora un dos mobles da biblioteca. Así de fermosos quedaron os nosos personaxes...

Ós nenos e nenas de Abuín prodúcenlle moita curiosidade as teas de araña. Aproveitando, a semana pasada xogamos a crear a nosa "TEA DO ELOXIO" (do eloxio, non do Euloxio, jeje). Primeiro falamos do que era un eloxio, e despois, cada neno ía pasando a "tea" e dicindo algo fermoso do compañeiro ou compañeira á que lle pasaba. O resultado foi unha tea chulísima e un subidón de autoestima.

Neste curso seguimos a traballar no libro "O ALFABETO DA AUGA", orientándonos, por suposto, máis cara ó mar; así, na letra B, debuxamos unha balea (escollida democraticamente no faladoiro ou asemblea) empregando a técnica do PUNTILLISMO que nos encantou.

A pasada semana estivemos a xogar cos nosos nomes, sobre todo, porque temos un compañeiro novo, Raúl, e tiñamos que familiarizarnos co seu. Así, establecimos comparacións de todo tipo: polo número de letras ou sílabas, pola inicial, por teren letras iguais, colocadas no mesmo lugar... e deste modo, "construímos" fermosas imaxes. Despois, xogamos a adiviñar a que obxectos se parecían... PASÁMOLO EN GRANDE XOGANDO COS NOSOS NOMES!

O luns 19 de setembro tivemos a nosa primeira saída do curso: visitamos o Auditorio de Rianxo para asistir ó concerto "As músicas do cinema infantil" interpretado pola Banda da Escola de música de Rianxo. Desfrutamos A TOPEEEEE!...como ben podedes observar nestas fotiños

As actividades lectivas iniciaranse o vindeiro LUNS 12 DE SETEMBRO DE 2011. Durante dita xornada o horario escolar será de 10:00 h. a 12:00 h.

A partires do Martes 13 de Setembro o horario escolar será o habitual: de 9:00 h. a 14:h.

Aproveitamos para saudalos desde a Escola de Abuín e dar a benvida a este novo curso que comeza, así como lembrar que o VENRES 16 DE SETEMBRO é festivo local en Rianxo e, polo tanto, será xornada non lectiva.