Hoxe Nerea leunos o fermoso conto "El hombrecillo de papel". Gustounos moito facer un sombreiro e un barquiño de papel de xornal, tal como facía a nena do conto e buscar e escribir palabras fermosas coas que encher a recén lavada silueta do homiño.

Durante toda esta semana os nenos e nenas de educación primaria da Escola de Abuín imos preparar e contar contos relacionados co tema da paz. Xogaremos a ser contacontos por un día!!! Aquí tedes algúns dos contiños que imos ler...

Nerea e o homiño de papel

Rafael e Nadarín

Marta: Grandes contra pequenos

Raúl: La pequeña Masai

Marco e as Voces na lagoa do espantallo

Anxo: Negros e brancos

Noel quixo compartir connosco a súa equipación para xogar o golf (gorra con luz incluída) e incluso prestóunola para dar uns golpeciños. Este mozo ten un bo swing SÍ SEÑOR! GRAZAS NOEL.

Raúl tróuxonos por sorpresa un instrumento "majorero", temos pendente investigar sobre o seu verdadeiro nome, trátase dunha cana de bambú cunha fenda que se agarra cunha man e se golpea coa outra. Ensinounos a tocalo e fíxonos moita graza o seu son. Grazas Raúl por ensinarnos tantas cousiñas da túa terra, es un galego-majorero xenial!

Ola a todos e todas! estas dúas últimas semanas de curso tivemos unha boneca de neve viaxeira; puxémoslle un nome moi mariñeiro jeje: chámase MARIÑA. Nos nosos fogares e coa axuda das nosas familias fomos poñéndolle cousiñas: agora ten cabelo, ollos, orellas, brazos... e ata pestañas. O último día sorteámola e agora vai adornar o fogar de Marco e vivir un verdadeiro Nadal en familia. ATA SEMPRE, MARIÑAAAAA!

Queda instituída na nosa escola a tradición de comer os gusanitos para celebrar o fin de ano, contamos coa presenza do acio de uvas-Nerea que foron estoupando ao ritmo dos doce toques de triángulo que o reloxo-Raúl marcou con moito tino. Pasámolo pipa, despedimos o ano e o trimestre con gargalladas, como ten que ser!

Xa elaboramos os nosos marcapáxinas do peixe vermello, un peixe de papiroflexia, unha plumiña e uns depresores ben pintadiños e voilá! aquí está o resultado, bonitos non si?

Na Escola de Abuín celebramos o Día dos Dereitos Humanos lembrando a figura de Rosa Parks, a primeira muller negra detida por non ceder o sitio no autobús a un branco; encantounos coñecer a anécdota que marcou a súa vida, ver fotos delas en internet, comentar sobre a súa historia... despois, plasmamos no libro de amigos e amigas de Daniel o que aprenderamos nestes debuxos...

Hoxe, martes 29 de novembro, acompañados polas escolas de Pazo e Rañó, os nenos e nenas da Escola de Abuín visitamos a aula activa do mar na que puidemos visionar dúas pelis moi interesantes, sobre o mar como fonte de alimentos e a súa conservación. Despois, fomos ó polideportivo no que o pasamos moi ben, realizando xogos centrados no noso corpo. Despois de repoñer forzas coa merenda, tamén houbo tempo para o xogo libre. ENCÁNTANOS IR Ó POLI!!!

Como seguimos a traballar no aforro da auga, agora dispoñemos duns bonitos dispositivos (reloxos de area) que nos van axudar a controlar o tempo do lavado de mans dunha forma divertida.