O Xoves 16 de Maio festexamos as Letras Galegas

xunto con todos os compañeiros e compañeiras do CRA.

Nesta ocasión a choiva desluciu moito o festexo,

aínda así realizamos as actividades previstas:

Primeiro tiveron lugar as carreiras infantís:

fixémolo MOI BEN!

Despois correron os adultos:

tamén o fixeron MOI BEN!

A continuación tivo lugar unha pequena homenaxe a Roberto Vidal Bolaño,

a cargo dos nenos e nenas da Escola de Rañó.

PARABÉNS chic@s!!!

Unha pequena sorpresa da man do profe Rubén e a profe Tamara,

reparto de medallas e merenda para repoñer forzas!!!

O 15 de Maio conmemorouse o Día Internacional da Familia.

Para festexalo elaboramos uns portafotos

que achegamos ata casa con moita ilusión

e a intención de completalos con fotografías de toda a familia.

Quedáronnos así de bonitos:

MAIRA E VALERIA ESTIVERON A VISITAR

OS PETRÓGLIFOS DOS BALLOTES (BAMIO)

QUE É UNHA DAS ESTACIÓNS DE ARTE RUPESTRE

MÁIS VISITADO POR INVESTIGADORES ILUSTRES.

PODENSE ADMIRAR VARIEDADE DE ANIMAIS,

SOBRE TODO CÉRVIDOS, REPRESENTACIÓNS XEOMÉTRICAS

E CAZOLETAS.

O prómimo martes 28 de maio visitaremos o Parque Arqueolóxico de Arte Rupestre de Campo Lameiro, un lugar estupendo para rematar o curso retomando moitas das cousas que traballamos ao longo do ano a través do noso proxecto histórico.

O Parque Arqueolóxico é un lugar para aprender, pero tamén para divertirse e emocionarse cos petróglifos e cos grupos humanos da Idade do Bronce que os crearon no pasado. Na nosa visita, o parque ofrécemos unha viaxe emocionante ao pasado guiados por monitores especializados, que pasa polas seguintes etapas:

• Paseo pola área arqueolóxica, na que é posible observar os deseños xeométricos e naturalistas propios dos petróglifos galegos, e contemplar algúns dos paneis gravados máis salientables de Galicia.

• Acceso á recreación dun pequeno poboado da Idade do Bronce, un espazo no que é posible realizar unha viaxe no tempo e aproximarse aos modos de vida propios desa época.

• E si da tempo: realización dun pequeno obradoiro.

Queridos alumnas e alumnos todo isto nos espera en Campo Lameiro non vos queremos mostar máis fotos para non "destripar" toda a visita, con este aperitivo pretendemos que se abra o voso apetito investigador e queirades vir ao parque para ser arqueólogos por un día facendo "traballo de campo", dende o equipo de Atividades Complementarias vos animamos a participar. Moitos biquiños a ata a próxima.

O TEMPO NON NOS ACOMPAÑOU PERO DEMOS FEITO A NOSA CARREIRA DAS LETRAS GALEGAS

NO PAVILLÓN E NUNHA DAS INSTALACIÓNS DO C.E.P. BREA SEGADE,(MOITAS GRAZAS)

COMEZARON AS CARREIRAS COS COMPAÑEIROS E COMPAÑEIRAS ANIMANDO CUN FORTE

"LETRAS GALEGAS!, LETRAS GALEGAS!"

NÓS AMOSÁBAMOS BEN AS NOSAS CAMISETAS VERDES!

OS NENOS E NENAS DE RAÑÓ LERON O MANIFESTO DAS LETRAS GALEGAS

ESTE ANO ADICADAS A ROBERTO VIDAL BOLAÑO.

LOGO CANTARON "ADIOS RÍOS, ADIÓS FONTES" DE ROSALÍA DE CASTRO.

NÓS RESPONDEMOS CON UN FORTE APLAUSO, MOI MERECIDO!

OS MESTRES TAMARA E RUBÉN, E UN PAPÁ DE OUTEIRO TOCÁRONNOS O HIMMO GALEGO!

OUTRO FORTE APLAUSO!!!

HOUBO ENTREGA DE MEDALLAS E DIPLOMAS, PORQUE NESTA CARREIRA TODOS SOMOS GAÑADORES.

UN GRAN APLAUSO PARA TODOS!!! E OUTRO FORTE APLAUSO PARA AS NOSAS LETRAS!!!

E LOGO DE TANTO ESFORZO, COMEMOS!!!

PREMEDE SE QUEREDES VER MÁIS:

ACHEGÁBASE A NOSA CARREIRA DAS LETRAS GALEGAS E QUERÍAMOS AMOSAR AS  VERDES CAMISETAS VERDES

APOIANDO UN ENSINO PÚBLICO DE CALIDADE PARA TODOS

POR ISO, ADEMÁIS DE PREPARAR AS MEDAIAS E DORSAIS, 

ESTES DÍAS ESTIVEMOS MOI ATAREFADOS PINTANDO... , XA FALTAN MOI POUQUIÑAS....

E LUCAS ANIMOUSE A PINTAR A CAMISETA DA SÚA NAI!

CANDO MOISÉS FOI XUNTA AO SEU PAI A SUIZA VISITARON ESTE  CASTELO.

É  COMO UNHA PEQUENA CIDADE MEDIEVAL QUE MOISÉS TIÑA MOITAS GAÑAS DE COMPARTIR CON TODOS VOS.

                                                                                                                 Grazas Moisés e familia!

COMO XA CONTAMOS, OS AVÓS DE LUCAS TEÑEN PANEIS SOLARES. 

EXPLICOUNOS QUE RECOLLÍAN A ENERXÍA DO SOL E A CONVERTÍAN EN ENERXÍA TÉRMICA,

COA QUE QUENTABAN A AUGA, E TAMÉN EN ENERXÍA ELÉCTRICA.

Logo de investigar decidimos facer o noso panel solar : precisábamos unha caixa de cartón,

unha botella de plástico, pintura negra, papel de aluminio e papel celofán. Logo auga e que quentara o sol.

Preparamos a caixa inclinando as paredes interiores. Logo pintámola de negro igual que a botella de plástico.

Por último, forramos a caixa con papel de aluminio.

Esperamos a que viñera un día de calor e saímos todos ao patio. Enchemos a botella de auga,

pechámola ben e metémola dentro do noso panel, logo envolvemos todo en papel celofán.

Recordamos o funcionamento dos paneis solares e repasamos a construcción do noso.

Despois buscamos o mellor lugar para situalo no noso patio xa que lle tiña que dar ben o sol.

Cando rematou a mañán, volvemos ao patio e descubrimos que a botella e a auga estaban quentes.

RECORDANDO O TRABALLO DE ANOS ANTERIORES, NO LIBRO WEB “LIBRO DA AUGA”

LUCAS E LIDIA AMOSÁBANNOS O SEU MUÍÑO SITUADO PRETO DA SÚA CASA.

CONTÁBANNOS QUE A FORZA DO RÍO PEDRE (que pasa polo lado da nosa escola) ERA A QUE FACÍA FUNCIONAR O SEU MUÍÑO.

ALÍ OS SEUS AVÓS ÍAN MOER O GRAO DE MILLO PARA OBTER A FARIÑA COA QUE FACÍAN O PAN.

E nós, que estamos feitos uns grandes experimentadores quixemos comprobar como a forza da auga era quen de mover

un muiño que temos na escola. O noso muíño é unha maqueta de xoguete.

Así, utilizamos a forza da auga cando cae da regadeira, e observamos que daba movido as paletas do pequeño muíño.

Fai moitos anos, o home apenas contaba con outro tipo de enerxía que non fose a súa forza.

Co tempo, foi deseñando artellos que lle faciltasen o traballo. Un deles foi o muíño hidráulico,

que supuxo a substitución da forza humana pola da auga como fonte de enerxía para a producción da fariña.

Este tipo de muíño é o que ten maior presencia na nosa terra.

Aquí, son poucos os que seguen en funcionamento.

O muíño de Lucas e Lidia na actualidade serve de almacén dos aparellos de labranza.

GEISERS, AUGAS TERMAIS OU VOLCÁNS DEMOSTRAN A GRAN FORZA QUE HAI NO INTERIOR DA TERRA.

FORZA QUE SE PODE TRANSFORMAR NUN TIPO DE ENERXÍA CHAMADA XEOTÉRMICA.

ESTA É OUTRA DAS ENERXÍAS RENOVABLES QUE, DE FORMA ECOLÓXICA, PRODUCE CALEFACCIÓN NO INVERNO,

FRESCO NO VERÁN E AUGA QUENTE TODO O ANO.

NA ACTUALIDADE XA HAI CASAS QUE TEÑEN ESTE SISTEMA DE CALEFACCIÓN-REFRIXERACIÓN.

PARA EXEMPLIFICAR O FUNCIONAMENTO DA ENERXÍA XEOTÉRMICA USAMOS A MAQUETA DO VOLCÁN

QUE SE FIXO EN PRIMARIA O CURSO PASADO (porque reutilizar tamén é aforrar).

NO SEU INTERIOR BOTAMOS TÉMPERA VERMELLA, UN POUCO BICARBONATO E VINAGRE. CANDO ESTE ÚLTIMO

ENTROU EN CONTACTO CO BICARBONATO FIXO QUE A MASA QUE SE CREARA DENTRO

SAÍRA RÁPIDAMENTE PARA FÓRA, SIMULANDO ASÍ O VOLCÁN EN ERUPCIÓN EXPULSANDO A LAVA

LOGO QUIXEMOS COMPROBAR SE TAMÉN QUEIMABA, PERO NON, ERA SO UNHA SIMULACIÓN...