Un día de sol estupendo anima a saír a coidar a natureza.

Hoxe pola mañá @s nen@s de 3º puxemos a punto a nosa hortiña. Sachamos, arrancamos as malas herbas, coidamos as cenorias que tiñamos sementadas e plantamos remolacha, allo porro e máis plantas de amorodos porque somos moi lambonciños.

GALERÍA DE FOTOS

E por fin chegou o gran día! O día da degustación.

Onte baixamos ata o horto en grupos e apañamos o que había comestible: un brócoli marabilloso, ravos, mizuna e algunha que outra cenoria.

Con estes ingredientes preparamos uns canapés saudables e riquísimos cos que convidamos a todo o alumnado e profesorado de primaria. Velaquí algunhas fotos de todo o proceso, realizado coas máis estritas normas de sanidade e seguridade: momento da selección e colleita, confección dos canapés coa axuda do alumnado voluntario de 5º e 6º, mostra da presentación dos mesmos e degustación.

A actividade serviu para desfrutar dos alimentos saudables cultivados no noso horto e tamén para observar as propias emocións adquirindo o gusto por sabores novos.

GALERÍA FOTOS

Empezamos a ver resultados! Mirade que ravos tan estupendos e que brocoli máis fermoso!

Para a semana faremos a degustación da nosa colleita. Xa vos contaremos. Non vos mete cobiza?

A primeira quenda de reparto de froita no noso centro foi realizado no mes de xaneiro.

Aquí tedes unha mostra do alumnado de ESO participando neste programa da Consellería no se realiza a distribución de froitas frescas ao alumnado de centros escolares:

Choveu arreo estes días, onte as nosas hortiñas estaban asolagadas. E mira hoxe que ben locen! Canto medraron as coles e o pak-soi! E o brócoli e allo porro!

Xa podemos empezar a degustar os primeiros ravos. Apetécenvos?

Agradecemos hoxe a colaboración da teacher Merchy, que nos acompañou no pavillón nunha nova sesión de ioga en lingua inglesa co alumnado de 3º.

We recommend you practise yoga at home because it is very relaxing and entertaining. We can have a lot of fun with this activity. Try! You can do it!

Ao longo desta semana continuamos cos labores de limpeza e mantemento dos nosos hortos. Imos saíndo por grupos, aproveitando o bo tempo, para arrancar malas herbas, remover a terra e comprobar os efectos do frío e das xiadas.

Mirade o traballo que temos por diante...

E que ben locen as plantas e agradecen os coidados que lles prestamos:

Agardaremos a que mellore o tempo e veña o caloriño para que medren.

Pese ao frío, saímos ao horto a realizar labores de mantemento. Arrancamos malas herbas e removemos un pouquiño a terra.

Iso si, ben abrigadiños e gozando do sol que nos acompaña estes días.

O alumnado de 1º e 2º de Primaria participou hoxe nunha actividade de ioga en Galician/English. A sesión levouse a cabo no pavillón do cole coas profes Merchy e Jose. Ambientada a clase cunha música relaxante (a very relaxing music), practicamos a respiración consciente (conscious breathing), o saúdo ao sol (the sun salutation) e diferentes posturas (poses) relacionadas cos animais e a natureza (animals and nature): can (downward-facing dog), gato (happy and angry cat), bolboreta  (butterfly), xirafa (giraffe), flamenco  (flamingo), cobra, árbore (tree), montaña (mountain),...

Aquí nos tendes, moi atentos ás indicacións das profes:

Hoxe baixamos ao horto cos nen@s de 3º para revisar como van as nosas plantacións. Tivemos que arrancar as malas herbas que van nacendo. Polo demáis, todo segue segundo o previsto. As cenorias e os allo porros xa están abrochando.

E... para sorpresa de tod@s, atopamos unha planta de amorodo con flor e froito. Será un indicativo do cambio climático?

Animamos a todos a que visitedes as nosas plantacións e vexades os coidados que lles proporcionamos.