Conmemoramos o Día Internacional Contra a Violencia Cara as Mulleres creando unha fermosa exposición cos nosos corazóns violetas. O alumnado de todo o centro recortou  corazóns de cor violeta nos que escribiron poemas  relacionados co tema que se conmemora este día.

GALERÍA DE FOTOS

Os corazóns de tod@s foron colgados no espazo do patio de primaria onde xa, noutros cursos, realizáramos outras exposicións ao respecto da igualdade.

GALERÍA DE FOTOS

Ademais disto, o alumnado e profesorado novo atravesou a porta violeta colocando unha foto de cada un deles.

GALERÍA DE FOTOS

Tamén puxemos as máscaras e camisetas co lema DODRO EN NEGRO que nos enviou o Concello para compartir con eles esta conmemoración.

GALERÍA DE FOTOS

Finalmente, cada grupo, visitou a exposición facendo unha reflexión sobre o tema tratado na mesma.

GALERÍA DE FOTOS

 No mes da ciencia nas bibliotecas queremos presentarvos as recomendacions lectoras de Galix (Asociación Galega do Libro Infantil e Xuvenil):

EMERXENCIA LITERARIA. LIBROS PARA SALVAR O PLANETA

Vivimos tempos de alarma, de emerxencia climática, un estado de cousas que derivan do maltrato á natureza, de vivir de costas a ela.

É salientable a fazaña de Greta Thunberg, a rapaza que comezou unha folga escolar polo clima cando tiña quince anos e foi recoñecida mundialmente. Isto fainos pensar que a rapazada vai ter que seguir asumindo responsabilidades pois, se as cousas non cambian, será a mocidade quen teña que converterse en activista na defensa do medio ambiente.

Necesitarán, para poder levalo a cabo, libros nos que apoiarse, historias que lles axuden a espertar, a decatarse de que é necesario actuar para que ninguén acabe co seu mundo.

Os libros están aquí, veñen dereitiños a atender a urxencia, porque tamén eles queren salvar o planeta.

No enlace podedes acceder á páxina de "O Salón" onde podedes descargar a bibliografía, unha chea de títulos que seguro van ser atractivos para vós:

ENLACE

Durante a mañá deste xoves @s nen@s de 1º e 2º saímos ao horto e plantamos coliflor, brócoli, cebolo e porros.

Velaquí estamos gozando en plena tarefa:

Agora, a esperar que prendan. Estaremos atentos!

 LEMBRAMOS QUE TODAS AS ACTIVIDADES LEVADAS A CABO POLO ALUMNADO DE PRIMARIA SON PUBLICADAS NO APARTADO DE "PRIMARIA-ACTIVIDADES".

No enlace teñen acceso ao Plan de Continxencia do centro para ensino en caso de confinamento:

PLAN DE CONTINXENCIA PARA ENSINO NON PRESENCIAL NO CASO DE CONFINAMENTO

No enlace poden acceder á modificación do protocolo COVID da Consellería:

PROTOCOLO A 5 DE NOVEMBRO DE 2020

Nos enlaces poden acceder ás novas notas informativas da Consellería de Educación respecto das instruccións no caso de confinamento:

Plan de Continxencia ante peches

Horarios e ensino virtual

No enlace poden acceder ás instruccións establecidas pola Consellería sobre como se ha desenvolver a actividade  lectiva no caso de confinamento:

ENLACE

MEIGAS FÓRA!!!

Aínda que pensándoo ben, tal e como está o panorama dos últimos tempos,  mellor será invocarmos todas as axudas posibles, incluídas as meigas. Sentidiño e recursiños!!

Que tal entón un

" VALÉDENOS, OH MEIGAS!

FACÉDEVOS BOAS NA SEXTA FEIRA

E CEIBÁDENOS DESTA PANDEMIA

COVID FÓRA!!!"

Este venres non quedamos sen celebración do SAMAÍN, así que  asistimos ás aulas cos nosos disfraces arredor da temática das MEIGAS (meigas, gatos negros, sapos, morcegos, demos, curuxas, esqueletos, virus...). Iso si, as únicas máscaras permitidas foron as de protección contra a Covid. E nada de obxectos intercambiables ( potes, vasoiras, coitelos...)! Queremos un ESCONXURO COMPLETAMENTE SEGURO. Porque... Que fixemos? ESCONXURAR O CORONAVIRUS! TREMENDO AQUELARRE!
No recreo grande lemos no patio os esconxuros que cada grupo-clase estivo a preparar estes días. Houbo un premio para o mellor esconxuro de Primaria e o mellor de Secundaria. Os textos gañadores imprimiranse sobre máscaras covid que cumpran coas especificacións técnicas do estándar de calidade UNE. Estas máscaras serán agasalladas a todo o alumnado do Centro.

"No Samaín do Eusebio,
o virus ao caldeiro,
coa axuda das meigas,
coa axuda  das máscaras,
 que habelas, hainas!"

E os gañadores do concurso de Esconxuros 2020-2021 foron 6º de Primaria e 2º de ESO B!!!. NORABOA GAÑADORES!!!

ESCONXURO ( 6º Primaria)

Xel hidroalcólico, máscara salvadora,

con esta protección, 

boto o virus fóra.

Covid meigo, virus traicioneiro,

marcha maldición e permite a diversión.

Lúa chea, luva branca,

ao confinamento espanta.

Mantén a distancia, non toques nada,

non sexas ignorante, non vaias de parranda.

Pandemia, pandemia,

non es nada bonita,

que esta noite, é a miña favorita.

Invoca a vacina, 

fermosa cura,

na noite escura.

COVID FÓRA!

NeverFóra ( 2º ESO B)

Invocamos os poderes máis antigos

da peste “neghra” e a “ghripe” española.

Con esta pócema feita de pel de cadáver primitivo,

escamas de peixe de Angola

e dun pano cheo de mocos usado ata chorrear.

Levade ó “paquetoi do coronaviros fóra de aquí xa!

“Isssa, Isssa”!

Aliñamos a pandemia cun chorriño de hidroxel

e unha volta ás clases con ganas de morrer.

Déixame as troulas e quedadas que habería.

Que se vaia “de eiquí” esta pandemia cabría!

“Isssa, Isssa”!

Déixate de olas e de Rianxeiras e embárcate á extinción.

“Isssa, Isssa”

ENLACE AOS ESCONXUROS

GALERÍA DE SAMAFOTOS

GALERÍA DE SAMAVÍDEOS

Hoxe tocounos comezar a posta a punto dos nosos hortos. O alumnado de 6º non dubidou en agarrar o sacho e meter as mans na terra para arrancar as malas herbas.

 A experiencia tamén nos serviu para lembrar conceptos de CCNN e mates pois estivemos investigando os componentes do abono co que fertilizamos a terra.

 Durante o traballo atopamos algún amigo despistado que fuxiu a toda présa:

 Tivemos unha mañá de sol estupenda para o traballo. Podedes vernos aquí lucindo as nosas mans cheíñas de terra.

No enlace poden acceder á páxina da Consellería onde se publica a  actualización do protocolo de centros e novos protocolos específicos ante a Covid 19:

http://www.edu.xunta.gal/portal/node/31984