Aquí tedes os carteis da campaña deste ano contra maltrato e abandono animal. A idea e o lema foi cousa do alumnado de 4º de ESO. As fotos foron tomadas por fotógrafos de La Diapo e a ilustración do cartel por J. L. Estévez, o gran "Huracán Estévez".
Na sección de Plan Proxecta 2015-16, En Rede de Centros Escolares Solidarios poderedes ver as actividades levadas a cabo no noso centro. Esperamos que vos gusten!!!
Recordamos que as clases do mércores pola tarde para o alumnado de Secundaria rematarán o día 31 de maio.
GRAZAS
Estimadas familias, as clases de apoio que se están a impartir os martes e xoves pola tarde (PROA) rematarán o día 15 de xuño. O último día, polo tanto, para o alumnado de Primaria será o martes día 14 e, para o alumnado de secundaria ampliarase o prazo ata o xoves 16 de maio debido a que aínda haberá exames finais.
Reciban un cordial saúdo
Como novidade, este ano só haberá que cubrir un único formulario que estará a disposición dos interesados no despacho de administración do centro.
A data límite para entregalos cubertos é o 23 de xuño.
http://www.xunta.gal/dog/Publicados/2016/20160516/AnuncioG0164-040516-0005_gl.pdf
Grazas e un saúdo
O vindeiro venres día 13 de maio recibiremos a visita de persoal do Refuxio de Bando, xunto con algún dos animais que teñen ao seu coidado.
A charla será de 11:15 a 12:40 e tratará sobre os coidados médicos, de hixiene e trato aos animais e sobre o traballo que se realiza nestes centros e como adoptar/apadriñar, ser socio o acoller animais nas nosas vivendas.
Invitamos a toda a comunidade educativa a participar !!!!
Convocatoria para a participación no programa de cursos para a formación complementaria en linguas estranxeiras do alumnado (CUALE).
Podedes acceder á información no seguinte enlace:
Estimados pais e nais:
A dirección do CPI Eusebio Lorenzo Baleirón, en representación do Claustro de profesores, ponse en contacto con vostedes a raíz dos problemas xurdidos dende o Concello de Dodro co servizo de limpeza e de conserxería do noso centro educativo.
Despois de varios reunións co Concello de Dodro a situación na que se atopa o centro é a seguinte:
As labores de conserxería que se viñan realizando dende ata o de agora quedan reducidas a apertura e peche do centro e custodia e vixiancia do mesmo.
A persoa que cubre este posto recibiu notificación do Concello por escrito do seu novo horario o 5 de febreiro de 2016 e orde de que non pode realizar as seguintes funcións: atención telefónica, atención ao público, custodia dos alumnos e outras tarefas administrativas como labores de reprografía (facer fotocopias) ou recoller correo, paquetes etc….
Esto está a provocar, como ben saben as familias, problemas serios de organización xa que estas labores pasan a ser realizadas polo profesorado no caso de que este estea dispoñible polo que pode darse o caso de que non se poida contestar ao teléfono ou atender aos pais ou nais nun momento dado debido a que non haxa profesores libres para facelo. Obviamente o profesorado non vai a desatender a labor docente para realizar este tipo de traballos.
Dende o Concello opinan que esas labores non lle corresponden á persoa que ocupa o posto de conserxe e dende o centro, o claustro de profesores, opina que ter que atender ás labores de subalterno, que, por outra banda, tampouco lle corresponden, está a deteriorar a calidade do ensino e o bo funcionameneto do centro educativo.
Con respecto ao servizo de limpeza hai que aclarar que dende o 11 de febreiro deste ano reduciuse o persoal de limpeza de dúas persoas a unha que, segundo o Concello, a conserxe, ademais de realizar as súas función de conserxería e vixiancia, debe asumir a limpeza de tres edificos que corresponden a Primaria, Secundaria e o ximnasio (cos seus correspondentes baños de alumnos e profesores e vestiarios) ademais dos patios que, aínda que non se limpan a diario, requiren dunha limpeza , polo menos mensual. A superficie total é de arredor de 4500m2.
Esto é a todas luces insuficiente e así foi comunicado ao representante do Concello no último Consello Escolar.
A día de hoxe as aulas estanse a limpar unha vez por semana o que nos obriga a traballar en condicións de falta de hixiene e salubridade.
Esperamos que as labores da conserxe queden aclaradas nun periodo de tempo o máis breve posible e reiteramos a nosa reclamación ao Concello para que solucione os problemas ocasionados co tema da limpeza.
Agradecendo de antemán a súa comprensión e paciencia
Reciban un cordial saúdo
A directora do CPI Eusebio Lorenzo Baleirón de Dodro
Ana Fernández Pérez
Publicada no DOG a ORDE do 14 de marzo de 2016 pola que se convocan axudas para a realización de actividades de formación en linguas estranxeiras no ano 2016 para o alumnado. Picando no enlace poderedes acceder a dita publicación.
En caso de dúbida as familias poderán achegarse ata o centro.
AS CLASES REANUDARANSE O MARTES 29 DE MARZO.
BOAS VACACIÓNS A TODOS.
Xunta de Galicia - Consellería de Educación, 2013 | ||
