A ANPA de Dodro organiza, en colaboración co CAFI, charlas obradoiro sobre condutas adictivas.
DATA: Venres 26 de Abril de 2019 ás 19:00H
LUGAR: Paxareira (Salón de Actos)
POÑENTE: Mónica González López (Licenciada en Psicología clínica. Diplomada en estudios avanzados en Psicología)
DIRIXIDA A: Familias (Pais e nenos)
A nosa compañeira de 4º de Primaria Saleta Rivo, coa axuda da súa mamá, elaborou un pastel exquisito coas cenorias cultivadas do noso horto e unha cuberta de chocolate.
A que se vos fai a boca auga? Estaba delicioso.
Coa axuda de Xavi repartiunos un cachiño a cada un e puidemos repetir. E aínda sobrou para convidar aos compañeir@s de 5º e 6º, que quedaron con gañas de máis...
Xa sabedes, hai que sementar cenorias para elaborar estes platos tan deliciosos.
Moitas grazas a Saleta e á súa mamá polo traballo realizado, Xa nos pasaredes a receita!
Un ano máis o alumnado de 3º e 4º de ESO participa no Club de Debate e un ano máis chegan á final !!
O noso alumnado acadou o segundo premio na fase de zona que se celebrou o venres 5 de abril en Negreira.
NORABOA RAPACES E RAPAZAS E NORABOA PROFES!!!! MOI BO TRABALLO!!!
O mércores e o xoves desta semana tod@s @s alumn@s de Primaria asistimos a unha xornada de promoción da actividade física na piscina municipal de Rianxo.
Simón, o técnico de mantemento, explicounos como se fan as medicións de cloro e PH, como se quenta a auga, a utilización de enerxías renovables,...
O mércores fixo bo tempo, cos maiores fixemos un circuito fóra.
O xoves estaba a chover e montamos a actividade no pavillón polideportivo:
Tamén bailamos zumba con Carmen.
Despois da actividade houbo tempo para unha merenda saudable.
E por fin chegou o momento da actividade acuática.
Como non, despois de tanto exercicio... deixamos lugar á relaxación, control de emocións e respiración:
Velaquí unhas fermosas fotos do grupo de cada día.
Foron unhas xornadas proveitosas, de fomento do hábito deportivo e a vida saudables.
Agradecemos a todo o equipo da Piscina Municipal de Rianxo a atención e o bo trato recibidos. Pasámolo moi ben!
Ao longo da semana fomos saíndo por grupos para poñer a punto o noso horto de cara á nova tempada.
O primeiro que fixemos foi colleitar o que tiñamos sementado durante o inverno. Apañamos unha boa morea de cenorias.
Despois arrancamos todas as malas herbas.
A continuación removemos ben a terra e abonamos con abono orgánico que trouxeron varios alumn@s das súas casas.
Por último, xa coa terra preparada, plantamos o noso horto e regamos. Agora agardaremos a ver se chove, e... se non é así, pois haberá que coller a mangueira!
Tamén o alumnado de 1º e 2º participou nas labores de horticultura
Hoxe 27 de marzo, Día Mundial do Teatro, o alumnado de 5º fomos ao Centro de Dia para representar a obriña Os cinco dedos para os nosos maiores.
Chegamos á praza da igrexa de Laíño moi contentos.
Aquí estamos entre bambalinas, preparándonos para saír a escena.
E chegou o momento da representación, o público estaba moi atento e os actores un chisco nerviosos.
Pero fixémolo moi ben!!
Despois da función posamos todos xuntos para unha foto de grupo.
E tivemos tempo para compartir impresións cos nosos maiores. Mesmo había alguén que nos coñecía, pois somos veciños, e non dubidou en darnos consellos e algún recadiño.
Nas seguintes fotos podedes ver distintos momentos compartindo impresións. A xente maior e a xente miúda, tan lonxe e tan cercanos ao mesmo tempo.
Foi unha xornada deliciosa, a obriña de teatro foi a escusa perfecta para achegarnos ao Centro de Día.
Agora tócalles a eles vir ao CPI a facernos unha visita. Xa quedaron convidados!
Arden as altas árbores, atardecer.
Botan berros de bruma e brasas.
Campías comestas cubertas de cinza,
Chans chorosos, cheiro a charamusca.
Días destruídos: dor, desesperanza.
Eucaliptos esfollados espallan esterilidade.
Fume funesto fumiga a fraga,
Gritos grises nas gorxas dos gorrións.
Hecatombe de hectáreas, herdo histórico.
Impotencia infestada, inútil ilusión.
Lume letal, loito da lúa,
Medo e morte manifestándose no monte.
Noite negra, neboenta e nostálxica,
Outro outono de odioso ocaso.
Piñeiros pedindo perdón polos pecados,
Queixumes queimados, queixándose quedos.
Rumorosos de ramas roídas, rabia.
Salvaxe sacrilexio sen sentido.
Tolemia, traxedia, tempo de tristura;
Utopía ultraxada ao unísono.
Vergoña. Vida que se vai co vento.
Xenocidio. Xente xemendo xustiza.
Zume zugado. Zona zero.
Para conmemorar o 8 de marzo, celebramos un acto no que colocamos as estrelas do noso propio Corredor da Fama. Nomes de mulleres que destacaron en diferentes ámbitos e épocas foron escritos nas "baldosas" elaboradas polo alumnado de 4º de ESO na materia de tecnoloxía, e traballados nas diferentes áreas educativas. Para lembrar o papel da muller na ciencia, música, tecnoloxía, deporte..... A todas elas, ás que xa foron, ás que son e ás que virán, NORABOA, BO TRABALLO MULLERES !!!!.
Ao final do acto o alumnado de 5º de primaria recitou uns versos ao ritmo da "Macarena"
Tamén o alumnado de primaria colocou unha exposición temporal cos traballos realizados para conmemorar este día tan especial. Aquí vos deixamos unha mostra:
A Asociación Cultural 25 Xastres de Monterroso celebra a IV FEIRA DO DISCO E LIBRO GALEGO que terá lugar o sábado 16 de marzo no recinto feiral da Cúpula, nesa localidade.
Trátase dun evento no que se unen disco e libro, elementos fundamentais da difusión cultural, nun mesmo espazo co galego como lingua vehicular. Stands para ollar, imaxinar e desfrutar e a posibilidade de presenciar música en directo, presentacións literarias e actividades, en espazos integrados na feira.
Unha xornada cargada de actividades para que vostedes, desfruten de xeito totalmente gratuíto, á vez que desfrutar das atractivas propostas dos nosos numerosos expositores.
Coma todos os cursos por estas datas celebramos o Entroido. Este ano o tema foi o cine así que houbo moita variedade de disfraces relacionados co tema: tartarugas ninja, dálmatas, personaxes de Toy Story, Xogo de Tronos, Os Incríbles, O Señor dor Aneis, Harryt Potter e algún que outro Freddie Mercury....
Fixemos o pasarúas ata o Centro de Día onde tocamos e cantamos para os maiores.
Tamén nos acompañaron os pequechos do CRA, aínda que a súa temática era diferente. Eles ían de países do mundo..todos preciosos, por certo!!...e cantaron unha canción maravillosa..
Nais, pais e profes tamén se animaron cos disfraces..
De volta a o centro queimamos, como é tradición, o noso meco que este ano foi o Ollo de Sauron..
Ao final da mañán degustamos os exquisitos doces ( e non tan doces, que seique había boliños preñados tamén..) típicos que as familias tiveron o ánimo e a paciencia de elaborar para nós... GRAZAS FAMILIAS!!!!!!!
Xunta de Galicia - Consellería de Educación, 2013 | ||
