CPI Luís Díaz Moreno

Taller de apicultura impartido por Nicolás Taracido, técnico de Medio Ambiente e fundador en Pontevedra de Apípolis, a cidade das abellas.

O  alumnado de 3º, 4º, 5º e 6º de Primaria puido coñecer o mundo das abellas, a súa organización, anécdotas e a súa importancia dentro dos ecosistemas. Na parte final degustaron os produtos que fabrican as abellas e elaboraron velas.

Esta semana fixemos un curso acelerado de portugués. Cos nosos profes Miguel Moreira e Irene López Batalha empezamos a coñecer as diferenzas e semellanzas que hai entre o portugués e o galego e as vantaxes de termos dúas linguas tan próximas. Esta actividade estivo organizada pola Deputación de Lugo e a AGAL (Associaçóm Galega da Língua).

O pasado mécores tivo lugar a primeira sesión da escola de nais e pais Barallando Xunt@s deste curso. Recibimos información e consellos moi importantes sobre a promoción do uso responsable do móbil en familia, da man de Lorena e María de Alar Galicia.

Tal e como vos prometemos na sesión déixovos aquí uns interesantes enlaces sobre ferramentas para o control parental:

• Ferramentas para o control parental (INCIBE) Instituto Nacional de Ciberseguridade: guía, apps para redes sociais, control parental, bloqueo de compras en línea, límites de uso de tempo.
• Family Link: app de Google que permite coñecer cánto tempo se emprega o dispositivo, configuración da privacidade, ubicación... 

Vémonos na vindeira xuntanza cara finais do mes de novembro cunha actividade en familia (pais/nais e fillas/os) da que máis adiante vos daremos detalle.

O biólogo Miguel Santamaría impartiu este taller ao alumnado de Educación Infantil, 1º e 2º de Primaria. Explicounos as características biolóxicas destes insectos e puidemos interactuar con eles.

O próximo mércores 18 ás 17:30h comeza a Escola de Pais e Nais deste curso cunha interesantísima charla sobre o Uso responsable dos teléfonos móbiles na rapazada que desenvolverá a asociación Alar Galicia. Abordaranse estratexias útiles para a súa xestión na familia, detección de posibles condutas aditivas e o manexo ante as mesmas.

Non volo perdades!!!

Lembrade que, un ano mais disporemos de servizo de gardería na biblioteca para as vosas fillas e fillos mentres dura a charla.

Mencionar tamén que o centro estableceu un convenio coa asociación Alar a través do Programa Morpheo, e que aquelas familias que detecten condutas de risco aditivo ao móbil en fillos ou fillas maiores de 12 anos, poderán solicitar intervención psicolóxica individualizada e gratuita na asociación. A solicitude poderase realizar a través da mediación do centro ou directamente na asociación Alar.

E por último, coa finalidade de axustarnos o máximo posible aos vosos intereses este curso, podedes cubrir esta breve enquisa, e seleccionar en menos dun minuto e de xeito anónimo as actividades e temáticas que vos interesa que abordemos. Faremos todo o posible por levalas a cabo.

Agardámosvos o vindeiro mércores!

EN ARQUIVO ADXUNTO TEDES O CALENDARIO ESCOLAR PARA O CURSO 2023/2024.

EN ARQUIVO ADXUNTO ESTÁ O LISTADO DE MATERIAL PARA O CURSO 2023-2024 PRIMARIA

Este curso 2023-24 haberá cambios no pago do comedor escolar no noso centro.

Faga click neste VÍDEO para informarse.

EN ARQUIVO ADXUNTO TEDES O LISTADO DEFINITIVO FONDO LIBROS ESO.

ABERTO O PRAZO PARA FACER A SOLICITUDE DE COMEDOR ESCOLAR PARA O VINDEIRO CURSO 2023-2024 (ata o 28 de xullo de 2023). En arquivo adxunto tedes a vosa disposición os impresos.

TAMÉN ESTÁ ABERTO O PRAZO PARA ANOTARSE COMO COLABORADOR/A DE COMEDOR PARA O VINDEIRO CURSO (ata o 1 de setembro 2023).