CPI Luís Díaz Moreno

SOLICITUDE DAS BECAS MEC PARA ALUMNADO CON NECESIDADE ESPECÍFICA DE APOIO EDUCATIVO

PRAZO

·       Do 30 de Abril ao 13 de setembro do 2024 (ambos inclusive)

ORDE DA CONVOCATORIA:

·       Resolución pola que se convocan axudas para o alumnado con necesidade específica de apoio educativo para o curso 2024-2025

TIPOS DE AXUDAS

·       Axudas directas á reeducación logopédica ou pedagóxica (máximo 913 euros) (Discapacidade igual ou superior ao 25% e cumprir criterios de renda)

·       Axudas para programas específicos e complementarios á educación regrada para o alumnado con Altas Capacidades (Cumprir criterios de renda)

·       Subsidios familia numerosa (Discapacidade igual ou superior ao 25%)

·       Subsidio de contía fixa e carácter xeral (400 euros)(Independente da renda. Require acreditación de discapacidade igual ou superior ao 25% ou Altas Capacidades)

QUEN PODE SOLICITALA

·       Aquel alumnado, incluído o TDAH, que requira de determinados  apoios e axudas específicas derivadas de discapacidade, trastornos graves da conduta ou trastornos graves da comunicación e da linguaxe asociados a necesidades educativas especiais.

•   Requírese acreditación de discapacidade igual ou superior ao 25%

·       Alumnado de altas capacidades para a realización de programas específicos complementarios á educación regrada

COMO SOLICITALA

·       A través da sede electrónica, cubrindo o formulario Aquí
·       Deberán cumprirse os requisitos establecidos na convocatoria anual

Con Tomás e Virginia, de Algarabía Animación, o alumnado de 6º de primaria e o de 3º da ESO fixo un obradoiro de animación empregando a técnica do stop motion. Neste obradoiro, o alumnado de 6º de primaria abordou o tema do uso das novas tecnoloxías e o de 3º de la ESO, o do medio ambiente. Aquí podedes ver o resultado desta actividade.

A asociación ambiental AMABUL veu esta semana ao noso colexio para dar a coñecer o problema das plantas exóticas invasoras mediante unha exposición. Os paneis desta exposición estarán toda a semana no corredor principal do centro e tamén nos prestaron recursos didácticos (libros, xogos e puzles) sobre este tema.

Carteis elaborados polo alumnado de 3º ESO para o concurso convocado pola AXENCIA DE DOAZÓN DE ÓRGANOS E SANGUE.

Preme AQUÍ para velos.

Visita ao Campus Terra Lugo USC de Noa Varela

Visitamos a residencia San Vitorio para aprender dos nosos maiores sobre os usos medicinais das plantas.

Máis información no ficheiro adxunto.

Ao longo desta semana o alumnado das etapas de infantil, primaria e ESO realizarán lecturas compartidas e visionado de varias curtametraxes co obxecto de sensibilizar e concienciar sobre o valor da diversidade e achegarse á realidade das persoas autistas.

Esta semana tivemos un planetario no colexio e todo o alumnado puido participar desta experiencia inmersiva.

Hoxe, na aula de Tecnoloxía, tivemos a visita do alumnado de Primaria. Os alumnos de 4º da ESO amosáronlles os proxectos feitos na materia de Tecnoloxía en 1º, 2º e 4º da ESO. Moitas grazas pola visita!!!

O profesorado de 3º de ESO continúa traballando co alumnado os retos sociais actuais que plantean a afectividade e a sexualidade.

Desta volta, nas clases de Xeografía e Historia da man do profesor Fernando Rosales, abordaron a presión de grupo na adolescencia coa dinámica "Cultivando habilidades", na que por parellas foron representando a través de rollplaying diferentes situacións sociais de presión ás que adoitan ter que enfrentarse os adolescentes (fumar, manter relacións sexuais, compartir fotografías non desexadas por instagram...) co obxectivo de aprender a artellar estratexias de negación e tomar decisións propias, independentes do grupo de pares.

Traballaron tamén o concepto de consentimento sexual visionando o vídeo de "Unha taza de té" e reflexionaron sobre cales son as condutas respetuosas ou cando se trata da sexualidade propia e da de terceiros.

Podedes consultar con mais detalle tódolos contidos e as actividades realizadas ao longo do curso en relación a este programa do Plan Proxecta, na Aula Virtual do centro, na sección Quérote +, e á que os vosos fillos e fillas teñen acceso dende o seu perfil.