Conmemoracións: samaín, magosto, outono

Concurso de cabazas

Conmemoracións: samaín, magosto, outono

Concurso de cabazas

Bases

Poderá participar todo o alumnado do centro.
As cabazas decoradas colocaranse na mesas do corredor central e levarán o nome do/a participante nun lugar non visible (parte inferior da cabaza).
Haberá dúas categorías con tres premios cada unha:

Alumnado de Educación Infantil, 1º, 2º e 3º de Educación Primaria.
Alumnado de 4º, 5º e 6º de Educación Primaria e ESO.

As cabazas serán valoradas por un grupo conformado por profesorado do centro, pais e nais de alumnado, persoal de administración e servizos e alumnado que non participe no concurso.
Prazo para traer as cabazas: dende o luns 25 ao xoves 28 de outubro.
Entrega de premios: venres 29 de outubro e retirada de cabazas.

Durante as semanas anterior e seguinte ao entroido estiveron expostas fotos de diferentes manifestacións do singular Entroido galego, amosando moitas das súas diferentes manifestacións segundo as zonas. As pantallas de Xinzo de Limia, os peliqueiros de Laza, o cigarrón de Verín, o boteiro e so folións de Viana do Bolo, as madamas e galáns de Cobres, o oso de salcedo, as bonitas de Sande ou os volantes do Entroido Ribeirao desfilaron polo taboleiro do EDLG.

Concierto didáctico da Tradescola

Conmemoracións: samaín, magosto, outono

Cartaz concerto didáctico O pasado venres 22 de febreiro o alumnado de Infantil e Primaria puido asistir no noso centro a un concerto didáctico impartido por profesorado da Tradescola. Esta escola de música tradiconal galega especializada comenzou a súa andadura en novembro de 2008, baixo a xestión da Asociación de Gaiteiros Galegos, e desde entón mantén unha ampla actividade formativa e divulgativa.

Ao longo do concerto fíxose un percorrido por ritmos e instrumentos da música tradiconal galega como a gaita, tambor, bombo, pandeiro e, mesmo a voz. O concerto estivo guiado por Bruno Villamor, Miguel Anxo López e Branca Villares os cales conseguiron achegar ao noso alumnado dunha maneira lúdica e didáctica unha manifestación fundamental da nosa cultura como é a música. Canto disfrutamos!!

14 de febreiro: San Valentín

Conmemoracións: samaín, magosto, outono

O alumnado dos diferentes niveis educativos participou na actividade DILLE QUE O/A QUERES COMO COMPAÑEIRO OU COMPAÑEIRA, COMO MOZO OU MOZA, COMO AMIGO OU AMIGA...

Os rapaces e as rapazas que participaron, a maioría en Educación Primaria, depositou as súas cartas na CAIXA DE CORREO que se colocou xunto ao taboleiro do EDLG., logo de tela rexistrada e serlle asignado un número. O xoves 14 de febreiro o alumnado do equipo de dinamización entregou as cartas polas diferentes aulas.

O alumnado participante disfrutou escribindo e recibindo as cartas de amor e amizade.

Taboleiro coas cartas enviadas

Celebración do Samaín 2018

Conmemoracións: samaín, magosto, outono

Para conmemorar o Samaín o alumnado da ESO participou na actividade Rutas Literarias ofertada polo Museo Provincial de Lugo para os centros escolares. Previamente á visita, arredor do 1 de novembro, o alumnado leu acompañado pola profesora de Lingua galega os catro contos do libro “Contos de fantasmas no museo”. O día 21 de novembro recibíronnos no museo e alí, dividido en catro grupos, o alumnado completou unha folla de ruta correspondente a cadanseu conto do libro. Disfrutaron da posibilidade de ver en persoa as salas e as obras que se mencionaban nos contos, así como da liberdade de se mover libremente polo museo para completar o cuestionario facilitado no menor tempo posible.