Para conmemorar o Día da Lingua Materna (21 de febreiro) convidamos a vir ao centro á escritora e contacontos PAULA CARBALLEIRA. Licenciada en Filoloxía Hispánica, traballa desde 1994 como narradora oral, tendo participado en programacións culturais en diversos lugares do estado español, así como en Portugal, Brasil e Chile. É membro do grupo de teatro Berrobambán e tamén traballa como actriz en series de ficción da TVG.

Como escritora ten publicado varios libros de poesía e de literatura infantil.

O alumnado de Infantil e Primaria pasouno en grande coas historias que lle contou a nosa convidada, sen dúbida todo un referente como narradora oral.

Aquí temos as propostas do equipo para a celebración do Día da lingua materna:

http://arredordemanuelmaria.blogspot.com.es/p/dia-da-lingua-materna-21-02.html

A nosa proposta é que deseñedes un cartel para conmemorar este día, que conteña algunha referencia a Manuel María (na súa obra atoparás moitas referencias á lingua materna).
Subídeos á pestana correspondente ou enviádeos a bepeal1@gmail.com
Grazas! 

O grupo de 3º de ESO xa achegou a súa colaboración, que está na pestana de 3º/4º de ESO.
Moitas grazas!