Xa está ao dispor da comunidade educativa a proposta didáctica para traballar na aula a película A pesar de todo, quérote. A proposta preséntase en Moodle desde a Aula Abalar acompañada do telefilme, que se ofrece en streaming para a súa emisión gratuíta nos centros de ensino. Esta unidade didáctica arranca cunha pequena introdución técnica sobre o seu funcionamento didáctico e logo ofrece a través de cinco módulos os contidos que se van desenvolver; complétase cos recursos que poden favorecer o labor do profesorado e remata cunha proposta de traballo para afondar na educación viaria como proxecto de centro.

En canto aos contidos, a proposta de traballo que se ofrece centra o seu foco de atención sobre o tratamento da educación en valores, facendo fincapé na educación emocional, na educación viaria e mais na educación para a saúde. A metodoloxía de traballo que se propón é a realización de actividades antes, durante e despois do visionado do filme para afondar logo no desenvolvemento da aprendizaxe. Ao final de cada módulo ofrécese unha tarefa que contribúa ao afianzamento do coñecemento adquirido co espírito do traballo por proxectos. Debido á sensibilidade dos temas que se tratan na película, son as actividades as que van orientando o alumnado para que constrúan pouco a pouco as relacións que existen entre a inmadurez emocional, os factores de risco, as condutas nocivas... a partir das súas sensibilidades, das súas experiencias e dos seus intereses.

Ademais, a unidade aborda o tratamento da linguaxe cinematográfica para achegar o cine como recurso didáctico para comprensión da nosa realidade cotiá e de nós mesmos. A verosimilitude da ficción representada, a idade dos personaxes protagonistas e a actualidade dos temas abordados ofrecen un marco de traballo óptimo para que o alumnado se achegue con curiosidade aos produtos audiovisuais con sentido crítico e mais con interese estético.

A pesar de todo, quérote (2011) foi dirixida por Jorge Algora e cedida pola súa produtora, Adivina Producciones, para o desenvolvemento desta proposta didáctica nos centros de ensino.

Coa nova actualización do repositorio de recursos de Abalar alcánzanse os 1006 contidos procedentes, nesta ocasión, dunha selección de premios a contidos dixitais de convocatorias de anos anteriores, traballos de convocatorias PALE na súa fase C de creación de contidos do último ano e anteriores e, sobre todo, de aportacións e suxestións de docentes de toda a Comunidade que, mediante o procedemento aberto de cesión de materiais, fan que este almacén medre mes a mes e responda aos intereses e necesidades de toda a comunidade educativa.

Nesta nova actualización vense de incluír o primeiro contido en lingua alemana, co cal o repositorio filtra na actualidae en seis linguas: galego, castelán, inglés, francés, portugués e alemán.

Novos recursos publicados por orde alfabética:

• A cor e o impresionismo (1º da ESO)
• A cultura da auga (4º de Primaria)
• A miña pequena biografía (6º de Educación Infantil)
• A táboa periódica (1º de Bacharelato)
• Bingo matemático (5º de Primaria)
• Canada Connection (3º da ESO)
• Children of the World (5º de Primaria)
• Citius, altius, fortius (1º de Bacharelato)
• Essen und trinken in Berlin (1º da ESO)
• Eurobingo (4º de Primaria)
• Fractions (1º da ESO)
• Instrumentos da orquestra sinfónica (1º da ESO)
• Maruxa Mallo (6º de Primaria)
• Material de laboratorio de física e química (1º de Bacharelato)
• Mecanismos (castellano) (1º de Bacharelato)
• Mecanismos (galego) (1º de Bacharelato)
• Mechanisms (3º da ESO)
• Mulleres na biblia: Unha análise iconografica da historia da Arte (2º de Bacharelato)
• Músculos (6º de Primaria)
• O mercado (6º de Educación Infantil)
• O peso da túa mochila, ¿É o correcto? (1º da ESO)
• O Sistema Solar (5º de Primaria)
• Opposites (6º de Primaria)
• Ordenar oraciones
• Os Borbón en España (2º da ESO)
• Os froitos secos (4º de Primaria)
• Os instrumentos do Pórtico da Gloria (1º da ESO)
• Piggy´s Birthday (1º de Primaria)
• Poliedros (1º da ESO)
• Polo San Martiño... (5º de Primaria)
• Polygons (3º da ESO)
• Produto cartesiano (3º de Primaria)
• Profesións e oficios (1º de Primaria)
• Proxecto ED@D - Matemáticas 1º ESO (1º da ESO)
• Santiago de Compostela (5º de Primaria)
• Special Dates (6º de Primaria)
• The Entrepreneur: Skills and Attributes (3º da ESO)
• Time out (3º da ESO)
• Transports (3º de Primaria)
• Trivial de geometría (5º de Primaria)
• Vegetables (6º de Primaria)
• Xeometría plana (Tobor X.E.T.2004) (1º da ESO)
• Xogo matemático para o 1º Ciclo de EP (1º de Primaria)
• Zona Euro: unha única moeda (2º da ESO)

Finalmente, aquelas persoas que elaboran material educativo e están interesadas en ceder este material para o seu uso no repositorio de contidos dixitais do espazoAbalar, dispoñen dun procedemento no que se explican os pasos a seguir.(Acceder ao procedemento)

Sinopse:
Proxecto no que se incorporan diversos recursos TIC ( blog, correo, videoconferencia etc) na aula de infantil para facer estudos climáticos dentro das rutinas da mañá.
O traballo realízase en colaboración con centros de Asturias, León e Tarragona cos que se comparten actividades e material a través do blog: http://www.nuestroentornonosidentifica.blogspot.com/.

Autora: Verónica Camiña García.

Nivel: 2º curso do 2º ciclo de Educación Infantil.

Materiais (anexos):

• Memoria do proxecto.
• Material de aula.
• Material proxectado.

Sinopse:

Dairas, unha curtametraxe de animación stop-motion, pretende unha reflexión á realidade de miles de persoas que padecen as consecuencia das guerras, das disputas dos territorios. Conta a crúa realidade dun campamento de refuxiados, guiados por un personaxe principal, Ahmed.

As ferramentas utilizadas son a fotografia, a modelado de plastilina, a música... pero a mellor ferramenta foi o factor humano, a ilusión e dedicación do alumnado.

A historia céntrase nos conflitos bélicos dos saharauis. Os refuxiados vense reflectidos no personaxe de Ahmed, un rapaz que guía ós seus compañeiros cara a un futuro mellor. O nome vén de Daira, (الدائرة en árabe), son pequenos poboados onde habitan os refuxiados saharauis, os núcleos de varias dairas denomínanse wilayas.

O exército, a guerra, os campamentos, a vida cotiá, a casa, a alimentación, o papel da muller, os libros, a importancia e o dereito á cultura. Todos estos temas transcorren en maior ou menor medida polas imaxes que se amosan en pantalla.

Nivel:

ESO e Bacharelato.

Autores:

• Coordinador: Miguel Ángel Carbajal
• Participantes:

- Xoán Xosé Pérez Viéitez
-Álvaro Pérez Mariño
-Mª José Varela Frade

Materiais (anexos):

• Memoria do proxecto.
• a curtametraxe (duración: 23 minutos).
• Vídeos de exercicios previos dos alumnos:

Sinopse:

Un xeito innovador de descubrir o patrimonio histórico da contorna empregando dispositivos móbiles.

Trátase dunha actividade para a visita do Castelo de San Felipe en Ferrol. O alumnado, aínda que supervisado polo profesor, móvese polo Castelo, coa axuda de audioguías que descargan previamente nos seus móbiles ou mp3 e cun plano mudo. Foméntase así a súa capacidade de observación, a interrelación entre a realidade e a cartografía, e a autonomía na aprendizaxe. Resulta novedoso a utilización da tecnoloxía do seu ocio para realizar a actividade, resultando así máis cercana e motivadora.

Nivel: ESO/Bacharelato

Autores:

• Coordinador: Alberte Xosé Méndez López.
• Participante: Mª del Carmen Cuesta García.

Materiais:

• Memoria do proxecto.
• Plano da Web.
• Instrucións de uso da Web.

O Ministerio de Educación, Cultura e Deportes a través do Centro Nacional de Innovación e Investigación Educativa (CNIIE) está levando a cabo a terceira e última fase do Proxecto de Integración Curricular das Competencias Básicas no ano 2014: Fase de conclusión e peche.
Esta fase vai dirixida ao desenvolvemento da modalidade A3, con aproximadamente 40 centros educativos de 10 comunidades autónomas e a cidade de Ceuta, que desenvolveron a modalidade avanzada A2 na segunda fase deste proxecto durante o curso 2012/2013. Os centros da modalidade A2 , que analizaron as condicións máis favorables para aprendizaxe das competencias básicas e abordaron o deseño e posta en marcha de Unidades Didácticas Integradas, centraranse nesta modalidade A3 na consolidación do traballo por competencias, especialmente, na relación dos Planes de Mellora do centro coa avaliación, tanto interna coma externa e coa metodoloxía. Por outra parte, todo quedará relacionado cos rendementos do alumnado e coas claves normativas recollidas nas Leis LOE – LOMCE.

Os centros galegos que están participando no ano 2014 neste proxecto son:

• CEIP de Sobrada, Tomiño, Pontevedra
• CEIP Plurilingüe nº 1, Tui, Pontevedra
• IES AS Telleiras, Narón, A Coruña
• IES de Pastoriza, Arteixo, A Coruña
• IES Plurilingüe Fontem Albei, A Fonsagrada, Lugo
• IES Coruxo, Vigo, Pontevedra

Sinopse:

CADT, é un sitio en internet que trata de facilitar a tarefa de introducir as competencias básicas na aula de tecnoloxía. O alumnado pode traballar a materia de tecnoloxía en calquera lugar simplemente entrando na web. A mellor maneira de aprender para o alumnado é divirtíndose e CADT tenta que desta maneira se alcancen as competencias básicas. Ademais de fomentar a lectura e o uso das TICs.

Nivel:

Tecnoloxía en ESO e BAC

Autor:

Miguel Carlos de Castro Miguel

Materiais (Anexos):

1. Memoria do proxecto
2. Materiais complementarios:

• Anexo 01: Instrucións para o profesorado
• Anexo 02: Instrucións para os usuarios

Sinopse:

O proxecto Coñecendo a nosa vila facilita a atención á diversidade dun grupo de alumnos con necesidades especiais dun xeito normalizado. Centrándose no seu entorno, este alumnado vai desenvolvendo mediante o traballo por proxectos as competencias básicas de acordo ás súas capacidades ao mesmo tempo que participan nunha iniciativa curricular común co resto do alumado do centro.

Nivel:

Aula específica. ESO

Autores:

• Coordinadora: Mª Josefa Lorenzo Torea
• Participante: Carlos García-Rodeja Galloso

Materiais:

1. Memoria do proxecto.
2. Materiais complementarios:

• Vídeos das actividades
• Traballos presentados a Prensa-Escuela
• Presentación feita para a exposición de Voz Natura

Este recurso é un blog creado por Marina C. Tristán e está dedicado a aula de música de primaria. Atoparemos todo tipo de recursos e especialmente destacamos os dedicados á linguaxe musical.

Mixere é un mezclador de audio con soporte para todo tipo de formatos e especialmente será de gran utilidade para sesións de música en directo.

Mixere permite, dun xeito moi sinxelo, introducir a calquera persoa na mezcla de audio.
O programa ten unha  interfaz básica na que aparece unha táboa con todas as pistas que podemos cargar simultáneamente e permite cargar en cada unha dlas un ficheiro de audio (WAV, MP3, Ogg ou FLAC) para que logo sexa reproducido.
Poderemos aumentar ou reducir o volume, variar a velocidade, xerar moitos efectos diversos, comor un efecto de “crossfading” entre dúas pistas, facer loops (facer que unha pista se repita indefinidamente), entre outros.
Esta ferramenta está en inglés.