Este recurso é un blog creado por Marina C. Tristán e está dedicado a aula de música de primaria. Atoparemos todo tipo de recursos e especialmente destacamos os dedicados á linguaxe musical.

Esta páxina web, realizada por Ricci Adams, contén exposicións teóricas, actividades e ferramentas interactivas para traballar distintos apartados de teoría musical.

As exposicións teóricas están divididas en temáticas básicas dentro da teoría musical: ritmo, escalas, intervalos, acordes.
A opción exercicios permite crear os nosos propios exercicios segundo a temática escollida.
Esta páxina está en inglés.

Musikawa é unha web colaborativa dedicada a distintos temas referidos á educación musical. Está creada e mantida por Zoraida Pérez, Joaquín Revuelta e Antonio J. Calvillo pero todos podemos participar.

Este portal está composto de experiencias, titoriais, recursos, noticias e outra información referida as actividades musicais habituais.
Por outra banda, ofrece a posibilidade a todo aquel que quera  colaborar e compartir as súas experiencias e ou recursos coa comunidade educativa.

Este blog presenta unha das mellores compilacións de recursos que existen actualmente en España e está creado por María Jesús Camino Rentería

Na páxina atoparemos o traballo das diferentes clases de música na ESO do IES Meruelo, composto por actividades a través de distintos media, titoriais, partituras, teoría musical, musicogramas, mapas conceptuais e todo o necesario para a aula de música.
Este blog recibiu o 2º premio no IV Premio Espiral Edublogs 2010

Ferramenta de escoita multilingüe baseada na creación de karaokes.

Dende o editor de Lolokarolo pódense facer frases de estilo karaoke de maneira moi sinxela. Na biblioteca atópanse mp3 clasificados para utilizar directamente na súa aula.

Proposta didáctica CLIL , centrada na necesidade de xuntar tres aspectos do tema da imaxe secuenciada do currículo de Educación Plástica e Visual (a)contidos básicos, b) uso vehicular dos mesmos en lingua inglesa, e c) sinxeleza de todo o proceso). Moi práctico para que o alumnado poida aplicar o aprendido inmediatamente na elaboración dun proxecto.

Revisión de conceptos básicos na historia da filosofía occidental en inglés.

Proposta didáctica CLIL  para que alumnado de 2º de bacharelato traballe a historia da filosofía occidental a través dos seus grandes autores. Propóñense cinco actividades de autoavaliación do alumnado para os cinco primeiros temas da materia.

Unha reflexión sobre a cultura clásica na sociedade contemporánea.

 Trátase dunha proposta de espírito integrador e transdisciplinar, na que nun primeiro momento se estuda a figura do monstro chamado Quimera dende o punto de vista da Mitoloxía clásica, para pasar nunha segunda fase a estudar un amplo abano de presenzas súas na cultura contemporánea: a lingua común (estúdanse diversas linguas en España e Europa), a arquitectura, a literatura e a linguaxe científica (en catro disciplinas), para concluír cun panorama da súa presenza na cultura popular (videoxogos, cómic e cine).