LUGARES COMÚNS PARA A EDUCACIÓN E O AUDIOVISUAL nace como un espazo para favorecer o diálogo entre o audiovisual e outras disciplinas, que facilite a posta en marcha de iniciativas transformadoras, xunto co establecemento dun diálogo onde transmitir coñecementos e experiencias que poidan ser de aplicación e utilidade á hora de materializar novos proxectos.

A xornada está estruturada en dúas sesións diferenciadas:

• Mañá: organizada pola Academia Galega do Audivisual en colaboración con AGAPI-Asociación Galega de Produtoras Independentes. Baixo o título 'Educación 3.0 e audiovisual' parte do compromiso de posicionar ao sector audiovisual como un aliado á hora de xerar contidos educativos e procesos metodolóxicos anovadores
• Tarde: retoma as conclusións do primeiro encontro entre docentes de primaria, secundaria e bacharelato implicados no ensino e promoción da cultura audiovisual en Galicia, celebrado o pasado 27 de abril. O "II Encontro de docentes de audiovisual" poñerá en común as conclusións dos grupos de traballo, desenvolvendo estratexias, metodoloxías e ferramentas que apoien a súa labor actual

Beneficiarios:

As xornadas están dirixidas principalmente a docentes e traballadores do sector audiovisual, pero tamén presentan interese para estudantes, profesionais e calquera persoa interesada nas posibilidades educativas do medio audiovisual.

Data e lugar de celebración:

19 de Outubro 2018 no Centro Cívico Cidade Vella da Coruña.

Inscrición:

A inscrición como asistente para xornada “Educación 3.0 e audiovisual” é gratuíta, enviando un correo a producion@academiagalegadoaudiovisual.gal indicando nome, apelidos e o motivo polo que se desexa asistir.

A inscrición como ouvinte para o “II Encontro de docentes de audiovisual” está aberta soamente ás socias e socios da Academia Galega do Audiovisual, é gratuíta enviando un correo a producion@academiagalegadoaudiovisual.gal indicando nome, apelidos e o motivo polo que se desexa asistir.

O prazo para as dúas  inscricións estará aberto dende o 24 de setembro ata o 17 de outubro.

Xa está ao dispor da comunidade educativa a proposta didáctica para traballar na aula a película A pesar de todo, quérote. A proposta preséntase en Moodle desde a Aula Abalar acompañada do telefilme, que se ofrece en streaming para a súa emisión gratuíta nos centros de ensino. Esta unidade didáctica arranca cunha pequena introdución técnica sobre o seu funcionamento didáctico e logo ofrece a través de cinco módulos os contidos que se van desenvolver; complétase cos recursos que poden favorecer o labor do profesorado e remata cunha proposta de traballo para afondar na educación viaria como proxecto de centro.

En canto aos contidos, a proposta de traballo que se ofrece centra o seu foco de atención sobre o tratamento da educación en valores, facendo fincapé na educación emocional, na educación viaria e mais na educación para a saúde. A metodoloxía de traballo que se propón é a realización de actividades antes, durante e despois do visionado do filme para afondar logo no desenvolvemento da aprendizaxe. Ao final de cada módulo ofrécese unha tarefa que contribúa ao afianzamento do coñecemento adquirido co espírito do traballo por proxectos. Debido á sensibilidade dos temas que se tratan na película, son as actividades as que van orientando o alumnado para que constrúan pouco a pouco as relacións que existen entre a inmadurez emocional, os factores de risco, as condutas nocivas... a partir das súas sensibilidades, das súas experiencias e dos seus intereses.

Ademais, a unidade aborda o tratamento da linguaxe cinematográfica para achegar o cine como recurso didáctico para comprensión da nosa realidade cotiá e de nós mesmos. A verosimilitude da ficción representada, a idade dos personaxes protagonistas e a actualidade dos temas abordados ofrecen un marco de traballo óptimo para que o alumnado se achegue con curiosidade aos produtos audiovisuais con sentido crítico e mais con interese estético.

A pesar de todo, quérote (2011) foi dirixida por Jorge Algora e cedida pola súa produtora, Adivina Producciones, para o desenvolvemento desta proposta didáctica nos centros de ensino.

Coa nova actualización do repositorio de recursos de Abalar alcánzanse os 1006 contidos procedentes, nesta ocasión, dunha selección de premios a contidos dixitais de convocatorias de anos anteriores, traballos de convocatorias PALE na súa fase C de creación de contidos do último ano e anteriores e, sobre todo, de aportacións e suxestións de docentes de toda a Comunidade que, mediante o procedemento aberto de cesión de materiais, fan que este almacén medre mes a mes e responda aos intereses e necesidades de toda a comunidade educativa.

Nesta nova actualización vense de incluír o primeiro contido en lingua alemana, co cal o repositorio filtra na actualidae en seis linguas: galego, castelán, inglés, francés, portugués e alemán.

Novos recursos publicados por orde alfabética:

• A cor e o impresionismo (1º da ESO)
• A cultura da auga (4º de Primaria)
• A miña pequena biografía (6º de Educación Infantil)
• A táboa periódica (1º de Bacharelato)
• Bingo matemático (5º de Primaria)
• Canada Connection (3º da ESO)
• Children of the World (5º de Primaria)
• Citius, altius, fortius (1º de Bacharelato)
• Essen und trinken in Berlin (1º da ESO)
• Eurobingo (4º de Primaria)
• Fractions (1º da ESO)
• Instrumentos da orquestra sinfónica (1º da ESO)
• Maruxa Mallo (6º de Primaria)
• Material de laboratorio de física e química (1º de Bacharelato)
• Mecanismos (castellano) (1º de Bacharelato)
• Mecanismos (galego) (1º de Bacharelato)
• Mechanisms (3º da ESO)
• Mulleres na biblia: Unha análise iconografica da historia da Arte (2º de Bacharelato)
• Músculos (6º de Primaria)
• O mercado (6º de Educación Infantil)
• O peso da túa mochila, ¿É o correcto? (1º da ESO)
• O Sistema Solar (5º de Primaria)
• Opposites (6º de Primaria)
• Ordenar oraciones
• Os Borbón en España (2º da ESO)
• Os froitos secos (4º de Primaria)
• Os instrumentos do Pórtico da Gloria (1º da ESO)
• Piggy´s Birthday (1º de Primaria)
• Poliedros (1º da ESO)
• Polo San Martiño... (5º de Primaria)
• Polygons (3º da ESO)
• Produto cartesiano (3º de Primaria)
• Profesións e oficios (1º de Primaria)
• Proxecto ED@D - Matemáticas 1º ESO (1º da ESO)
• Santiago de Compostela (5º de Primaria)
• Special Dates (6º de Primaria)
• The Entrepreneur: Skills and Attributes (3º da ESO)
• Time out (3º da ESO)
• Transports (3º de Primaria)
• Trivial de geometría (5º de Primaria)
• Vegetables (6º de Primaria)
• Xeometría plana (Tobor X.E.T.2004) (1º da ESO)
• Xogo matemático para o 1º Ciclo de EP (1º de Primaria)
• Zona Euro: unha única moeda (2º da ESO)

Finalmente, aquelas persoas que elaboran material educativo e están interesadas en ceder este material para o seu uso no repositorio de contidos dixitais do espazoAbalar, dispoñen dun procedemento no que se explican os pasos a seguir.(Acceder ao procedemento)

O Concello de Vigo ofrece recursos sobre 12 datas oficias mediante a súa Concellería de Igualdade:

1. Día da Paz (30 de xaneiro)
2. Día das Mulleres (8 de marzo)
3. Día do Consumo Responsable (15 de marzo)
4. Día Mundial da Saúde (7 de abril)
5. Día do Libro (23 de abril)
6. Día da Libertade de Prensa (3 de maio)
7. Día de Europa (9 de maio)
8. Día das Letras Galegas (17 de maio)
9. Día do Medio Ambiente (5 de xuño)
10. Día contra a Violencia de Xénero (25 de novembro)
11. Día da Constitución e do Estatuto Galego (6 de decembro)
12. Día dos Dereitos Humanos (10 de decembro)

O material consiste nun libro impreso e o sitio web: http://www.igualdadevigo.org/datasedatos/  , no que están subidos todos os contidos así como múltiples e variados recursos multimedia: vídeos, contos, documentos, música etc.

Sinopse:

Adaptación a formato audiovisual da tradución ó galego do conto portugués "Quando eu nascí" de Isabel Minhos con ilustración de Madalena Matoso (Ed. Planeta Tangerina).

Trátase dun proxecto integrado na área de educación artística que pretende o desenvolvemento das competencias dixitais e artísticas do alumnado.

Nivel: Educación Infantil e Primaria. Área de Educación Artística (Plástica).

Autores:

• Coordinador: Francisco Ávila Sánchez.
• Participante: Eva Castro Blanco.

Sinopse:
Proxecto no que se incorporan diversos recursos TIC ( blog, correo, videoconferencia etc) na aula de infantil para facer estudos climáticos dentro das rutinas da mañá.
O traballo realízase en colaboración con centros de Asturias, León e Tarragona cos que se comparten actividades e material a través do blog: http://www.nuestroentornonosidentifica.blogspot.com/.

Autora: Verónica Camiña García.

Nivel: 2º curso do 2º ciclo de Educación Infantil.

Materiais (anexos):

• Memoria do proxecto.
• Material de aula.
• Material proxectado.

Sinopse:

Dairas, unha curtametraxe de animación stop-motion, pretende unha reflexión á realidade de miles de persoas que padecen as consecuencia das guerras, das disputas dos territorios. Conta a crúa realidade dun campamento de refuxiados, guiados por un personaxe principal, Ahmed.

As ferramentas utilizadas son a fotografia, a modelado de plastilina, a música... pero a mellor ferramenta foi o factor humano, a ilusión e dedicación do alumnado.

A historia céntrase nos conflitos bélicos dos saharauis. Os refuxiados vense reflectidos no personaxe de Ahmed, un rapaz que guía ós seus compañeiros cara a un futuro mellor. O nome vén de Daira, (الدائرة en árabe), son pequenos poboados onde habitan os refuxiados saharauis, os núcleos de varias dairas denomínanse wilayas.

O exército, a guerra, os campamentos, a vida cotiá, a casa, a alimentación, o papel da muller, os libros, a importancia e o dereito á cultura. Todos estos temas transcorren en maior ou menor medida polas imaxes que se amosan en pantalla.

Nivel:

ESO e Bacharelato.

Autores:

• Coordinador: Miguel Ángel Carbajal
• Participantes:

- Xoán Xosé Pérez Viéitez
-Álvaro Pérez Mariño
-Mª José Varela Frade

Materiais (anexos):

• Memoria do proxecto.
• a curtametraxe (duración: 23 minutos).
• Vídeos de exercicios previos dos alumnos:

Sinopse:

Proposta de traballo práctico de investigación en Ciencia Humanas, dentro da materia optativa do Bacharelato, a Antropoloxía.

Asumindo o traballo de campo como estratexia metodolóxica iníciase ao alumnado nunha aprendizaxe activa e investigadora usando un aula virtual como espazo de colaboración.

Nivel: Bacharelato.

Autora: Alicia Eva Garea Traba.

Materiais (anexos):

• Memoria do proxecto.
• Fases e actividades para a realización dun traballo de campo.
• Cómo se fai un traballo de campo.
• A entrevista no traballo de campo.
• Historias de botellón: un traballo de campo.
• Historias de botellón: separata.

Sinopse:

Actividade que parte da liña argumental da novela "A Esmorga" de Eduardo Blanco Amor, facendo un percorrido polo Ourense artístico, histórico, mitolóxico, arquitectónico e científico. Esto aporta ao alumnado as ferramentas necesarias para interpretar e coñecer a realidade dunha cidade como Ourense.

Nivel: Bacharelato

Autores:

Coordinador: Víctor Javier Pérez Baltar.

Participantes:

Concepción Rúa González

Tomás García García

Jesús Manuel Vázquez Sánchez

Materiais (anexos):

• Memoria do proxecto.
• Tres épocas, tres estilos.
• Vocabulario artístico.
• A ruta de "A Esmorga".
• Mitoloxía en Ourense.
• Percorrido polo Ourense artístico.
• Portas e murallas de Ourense.
• Material para o alumnado

Sinopse:

Un xeito innovador de descubrir o patrimonio histórico da contorna empregando dispositivos móbiles.

Trátase dunha actividade para a visita do Castelo de San Felipe en Ferrol. O alumnado, aínda que supervisado polo profesor, móvese polo Castelo, coa axuda de audioguías que descargan previamente nos seus móbiles ou mp3 e cun plano mudo. Foméntase así a súa capacidade de observación, a interrelación entre a realidade e a cartografía, e a autonomía na aprendizaxe. Resulta novedoso a utilización da tecnoloxía do seu ocio para realizar a actividade, resultando así máis cercana e motivadora.

Nivel: ESO/Bacharelato

Autores:

• Coordinador: Alberte Xosé Méndez López.
• Participante: Mª del Carmen Cuesta García.

Materiais:

• Memoria do proxecto.
• Plano da Web.
• Instrucións de uso da Web.