Achégase Resolución do 4 de febreiro de 2025, da Dirección Xeral de Ordenación e Innovación Educativa, pola que se ditan instrucións para a acreditación da competencia dixital do alumnado que cursa, en réxime ordinario, ensinanzas de educación secundaria obrigatoria e bacharelato na Comunidade Autónoma de Galicia no curso 2024/25.

O prazo de presentación de solicitudes abrangue do 5 ao 20 de febreiro.
A solicitude realizarase a través da aplicación  https://www.edu.xunta.gal/programaseducativos/ (sección Programas de éxito educativo>> Proba de acreditación de competencias dixitais - Área 4 - 2º Bacharelato)

Orde do 10 de decembro de 2024, pola que se establecen as bases reguladoras e se procede á convocatoria de axudas ao alumnado das universidades públicas do Sistema universitario de Galicia para estadías noutros países co obxecto de coñecer a súa lingua durante o verán de 2025 (código de procedemento ED416A).

• Prazo de presentación de solicitudes: O prazo será dun mes, contado desde o día seguinte ao da publicación da convocatoria no Diario Oficial de Galicia. Entenderase como último día do prazo o correspondente ao mesmo ordinal do día da publicación.

Programa: Axudas de apoio á etapa predoutoral  

Data de publicación DOG: 04.02.2025

Código do procedemento: ED481A

Prazo de presentación de solicitudes: Dende o 05.02.2025 ata o 04.03.2025

Cal é o obxecto destas axudas?

A contratación de persoal nas súas etapas iniciais constitúe a base para que, mediante procesos formativos estables, se adquiran as habilidades propias do persoal investigador, e ademais permite lograr que o sistema alcance unha dimensión dos seus recursos humanos de investigación comparable a outros países europeos.

Novidades desta convocatoria

Como novidade nesta convocatoria auméntase a dotación orzamentaria para o financiamento dos contratos das persoas seleccionadas, incluíndo os seus custos sociais.

Quen pode solicitar estas axudas?

• A Secretaría Xeral de Universidades financia as universidades públicas do SUG.

• A Axencia Galega de Innovación financia as entidades alleas ao Sistema Universitario de Galicia (en adiante, SUG): organismos públicos de investigación de Galicia, fundacións públicas de investigación sanitaria de Galicia (Fundación Pública Galega Instituto de Investigación Sanitaria de Santiago de Compostela, Fundación Pública Galega de Investigación Biomédica INIBIC, Fundación Pública Galega de Investigación Biomédica Galicia Sur), e aos centros do CSIC (Consello Superior de Investigacións Científicas) radicados en Galicia.

Tipo e intensidade da axuda:

• Tipo de convocatoria: convocatoria en réxime de concorrencia competitiva

• Tipo de axuda: axuda a fondo perdido

• Intensidade da axuda: 100 %

• Duración das axudas: un máximo de 4 anos

• Orzamento total: 12.301.200,00 euros (a achega por parte da Secretaría Xeral de Universidades será de 10.854.000,00, namentres a achega por parte da Axencia Galega de Innovación será de 1.447.200,00 euros )

Número e importe das axudas

Poderanse conceder un máximo de 102 axudas: 90 para as universidades do SUG e 12 para as demais entidades.

O importe máximo de cada axuda é de:

• 24.600 € anuais durante a primeira e segunda anualidades do contrato

• 25.200 € durante o terceiro ano

• 30.600 € durante o cuarto ano

• 31.500 € no caso de que a persoa candidata acceda ao contrato de orientación posdoutoral

Estes importes só poderán ir destinados ao financiamento dos contratos das persoas seleccionadas, incluíndo os seus custos sociais.

As estadías no estranxeiro de tres meses de duración terán un importe máximo de 6.000 € (Complemento estadías), en función do destino da estadía, de acordo coa seguinte desagregación:

• Zona 1: 2.000 €, se a estadía se realiza en Portugal ou Andorra.

• Zona 2: 4.000 €, se a estadía se realiza en Europa (agás Portugal e Andorra), África ou América (agás EUA e Canadá).

• Zona 3: 6.000 €, se a estadía se realiza en EUA, Canadá, Asia ou Oceanía.

Un complemento de 1.000 € anuais por axuda para cubrir os gastos asociados á contratación e para o seguro durante o período de estadía (Complemento 1).

Un complemento de 800 € no primeiro ano de contrato e de 400 € no segundo ano de contrato que recibirán as entidades beneficiarias para cubrir os gastos das persoas candidatas por cursar o correspondente programa de doutoramento (Complemento 2).

Para cubrir o custo da indemnización por expiración do tempo convido para o contrato, incluirase unha axuda total de 3.500,00 euros.

A onde acudir?

• Para solicitudes presentadas por universidades públicas do Sistema Universitario de Galicia:

CONSELLERÍA DE EDUCACIÓN, CIENCIA, UNIVERSIDADES E FORMACIÓN PROFESIONAL

SECRETARÍA XERAL DE UNIVERSIDADES

SUBDIRECCIÓN XERAL DE PROMOCIÓN CIENTÍFICA E TECNOLÓXICA UNIVERSITARIA

SERVIZO DE XESTIÓN CIENTÍFICO-TECNOLÓXICA

San Caetano, s/n

15781 Santiago de Compostela

Teléfonos: 881995152 / 881995980

email: promocioncientifica.educacion@xunta.gal

Información web: http://www.edu.xunta.gal
 

• Para solicitudes dos organismos alleos ao SUG (organismos públicos de investigación de Galicia, fundacións públicas de investigación sanitaria de Galicia e centros do CSIC radicados en Galicia):

AXENCIA GALEGA DE INNOVACIÓN

Rúa Airas Nunes, s/n

15702 Santiago de Compostela

Teléfonos: 881999213 / 981543991

Email: axudas-rrhh-xestion.gain@xunta.gal

Información web: http://gain.xunta.gal

Orde do 13 de xaneiro de 2025 pola que se regula o réxime de axudas a centros privados concertados para a realización de probas de nivel lingüístico para o alumnado que realice os seus estudos no curso 2024/25.

As solicitudes presentaranse, obrigatoriamente, por medios electrónicos a través do formulario normalizado (anexo I) dispoñible na sede electrónica da Xunta de Galicia, https://sede.xunta.gal e a través do aplicativo: https://www.edu.xunta.gal/programaseducativos.

• Prazo de entrega de solicitudes: Un mes contado a partir do día seguinte á publicación da orde no Diario Oficial de Galicia: do 4 de febreiro ao 3 de marzo de 2025.

Publicada a convocatoria de axudas para a realización de actividades de formación en linguas estranxeiras no ano 2025, destinadas ao alumnado de 1º e 2º de bacharelato que cursa en centros docentes sostidos con fondos públicos. (DOG do 03/02/2025).
A solicitude destas axudas iniciarase a través da aplicación en liña dispoñible na páxina web do programa: https://www.edu.xunta.gal/axudasle/

O prazo de presentación de solicitudes abrangue dende o 4 de febreiro ata o 3 de marzo de 2025.

Programa: Axudas de apoio á etapa de formación posdoutoral
Data de publicación DOG: 31.01.2025
Código do procedemento: ED481B e IN606B
Prazo de presentación de solicitudes: ata 28.02.2025

Cal é o obxecto destas axudas?

A finalidade deste programa de axudas á etapa de formación posdoutoral, dun máximo de 6 anos de duración, é o incremento da incorporación do persoal investigador ao Sistema de I+D+i galego fomentando a adquisición e perfeccionamento das habilidades propias do persoal investigador doutor, mediante contratos nos axentes que conforman o sistema. Isto lógrase en dúas fases diferenciadas:

• A primeira, durante os tres anos iniciais do programa, permite a mellora das súas capacidades mediante estadías de investigación posdoutoral no estranxeiro;

• A segunda, durante os tres últimos anos, posibilita a continuación da súa formación posdoutoral, co establecemento dunha liña de investigación propia que lles permitirá, nun futuro, consolidar a súa traxectoria.

Novidades desta convocatoria:

Como novidade desta convocatoria, increméntase a contía para o pagamento dos contratos, custos sociais e o complemento de estadías (unicamente na zona 3).

Ademais, segundo o artigo 4.1 das bases da convocatoria, os complementos de estadías teñen a natureza de excepción aos rendementos íntegros do traballo, cos límites regulamentarios, no IRPF.

Quen pode solicitar estas axudas?

• A Secretaría Xeral de Universidades financia as universidades pública do Sistema Universitario de Galicia (en adiante, SUG).

• A Axencia Galega de Innovación financia as entidades alleas ao SUG: organismos públicos de investigación de Galicia, fundacións públicas de investigación sanitaria de Galicia (Fundación Pública Galega Instituto de Investigación Sanitaria de Santiago de Compostela, Fundación Pública Galega de Investigación Biomédica INIBIC, Fundación Pública Galega de Investigación Biomédica Galicia Sur), e aos centros do CSIC (Consello Superior de Investigacións Científicas) radicados en Galicia.

Tipo e intensidade da axuda:

• Tipo de convocatoria: convocatoria en réxime de concorrencia competitiva

• Tipo de axuda: axuda a fondo perdido

• Intensidade da axuda: 100 %

• Duración das axudas: un máximo de 6 anos

• Orzamento total: 15.961.200 euros (a achega por parte da Axencia Galega de Innovación será de 2.929.200 euros namentres a da Secretaría Xeral de Universidades será de 13.032.000 euros)

Número e importe das axudas

Poderanse conceder ata 49 axudas, coa seguinte distribución:

• 40 para as universidades do SUG, das cales 10 poderán obter a condición de bolseiras Fulbright.

• 9 para as demais entidades, das cales 2 poderán obter a condición de bolseiras Fulbright.

Os importes destas axudas son os seguintes:

—Durante a primeira fase da axuda

• 32.800 € brutos anuais en concepto de salario e de custos sociais

• Un complemento por cada mes de estadía («Complemento estadía») de:

  • 1.000 euros se o destino da estadía está en Portugal ou Andorra (zona 1)

  • 2.000 euros se o destino da estadía está en Europa (agás Portugal ou Andorra), África ou América, agás EUA e Canadá (zona 2)

  • 2.500 euros se o destino da estadía está en EUA, Canadá, Asia ou Oceanía (zona 3)

• Un total de 500 euros brutos mensuais durante cada período de estadía nos EUA para as solicitudes daquelas persoas investigadoras que acaden a condición de bolseiras Fulbright («Complemento Fulbright»).

• Un complemento a cada unha das entidades, que se establece en 1.500 euros anuais por cada persoa contratada con cargo a estas axudas («Complemento entidades 1»).

• Para cubrir o custo da indemnización ao remate do contrato desta fase por expiración do tempo convido (no caso de que non se supere a avaliación intermedia), incluirase unha axuda total de 3.250 euros.

—Durante a segunda fase da axuda:

• 39.900 € brutos anuais, en concepto de salario e de custos sociais.

• Unha axuda complementaria por cada persoa contratada para o establecemento dunha liña propia de investigación («Complemento liña») coa seguinte desagregación por anualidades: 5.000 euros en 2028, 10.000 euros en 2029, 10.000 euros en 2030 e 5.000 euros en 2031.

• Un complemento a cada unha das entidades, que se establece en 1.000 euros anuais por cada persoa contratada con cargo a estas axudas para cubrir os gastos asociados á contratación («Complemento entidades 2»).

• Ao termo do contrato por expiración do tempo convido está prevista unha axuda máxima de 7.200 € para cubrir o custo da indemnización. No caso de que a persoa investigadora contratada non supere a avaliación prevista ao termo da primeira fase, a indemnización ascenderá a un total máximo de 3.250 euros e aboarase co último pagamento desa fase da axuda.

A onde acudir?

• Para solicitudes presentadas por universidades públicas do Sistema Universitario de Galicia (SUG):

CONSELLERÍA DE EDUCACIÓN, CIENCIA, UNIVERSIDADES E FORMACIÓN PROFESIONAL
SECRETARÍA XERAL DE UNIVERSIDADES
SUBDIRECCIÓN XERAL DE PROMOCIÓN CIENTÍFICA E TECNOLÓXICA UNIVERSITARIA
SERVIZO DE XESTIÓN CIENTÍFICO-TECNOLÓXICA
San Caetano, s/n
15781 Santiago de Compostela
Teléfonos: 881995157 / 881995152
Email: promocioncientifica.educacion@xunta.gal
Información web: http://www.edu.xunta.gal
 

• Para solicitudes de organismos públicos de investigación de Galicia, fundacións públicas de investigación sanitaria de Galicia e centros do CSIC radicados en Galicia:

AXENCIA GALEGA DE INNOVACIÓN
Rúa Airas Nunes, s/n
15702 Santiago de Compostela
Teléfonos: 881999213 / 981543991
Email: axudas-rrhh-xestion.gain@xunta.gal
Información web: http://gain.xunta.gal

Programa: Axudas para completar a etapa de formación posdoutoral

Data de publicación DOG: 31.01.2025

Código do procedemento: ED481D e IN606C

Prazo de presentación de solicitudes: ata 28.02.2025

Cal é o obxecto destas axudas?

Posibilitar a continuación da formación das doutoras e doutores que comezaron a súa formación posdoutoral, posibilitando un perfeccionamento na súa formación e o establecemento dunha liña de investigación propia que lles permita, nun futuro, consolidar a súa traxectoria.

Nesta convocatoria, poderán optar a estas axudas os organismos e entidades que presenten como candidatas persoas co grao de doutoramento que se atopen na data de peche da convocatoria nalgún dos seguintes supostos:

• Que estivesen contratadas na convocatoria de axudas de apoio á etapa de formación posdoutoral de 2022 e que non renunciaran ao contrato.

• Que estiveran contratadas a través da modalidade A da convocatoria de axudas posdoutorais de 2019 e 2021 nas entidades alleas ao SUG, que tiveron unha interrupción e prórroga do contrato polas causas establecidas na lei e que non se presentaron á convocatoria de axudas para completar a etapa de formación posdoutoral en convocatorias anteriores.

As persoas investigadoras que tiveron ou teñan unha interrupción e prórroga do contrato polas causas establecidas na lei ou que non finalizaran o seu contrato antes do día 1 de setembro de 2025, poderán optar entre participar nesta convocatoria ou na do ano 2026, de ser convocada. A participación nesta convocatoria impide participar na do ano 2026, de ser convocada.
 

Novidades desta convocatoria

Esta convocatoria presenta como novidades, por unha banda o aumento da dotación orzamentaria para o financiamento dos contratos (retribución bruta anual e custos sociais) e, por outra banda, a ampliación do número de horas de docencia.

Quen pode solicitar estas axudas?

• A Secretaría Xeral de Universidades financia as universidades públicas do Sistema Universitario de Galicia (en adiante, SUG).

• A Axencia Galega de Innovación financia as entidades alleas ao SUG: organismos públicos de investigación de Galicia, fundacións públicas de investigación sanitaria de Galicia (Fundación Pública Galega Instituto de Investigación Sanitaria de Santiago de Compostela, Fundación Pública Galega de Investigación Biomédica INIBIC, Fundación Pública Galega de Investigación Biomédica Galicia Sur) e centros do CSIC (Consello Superior de Investigacións Científicas) radicados en Galicia.

Tipo e intensidade da axuda

• Tipo de convocatoria: convocatoria en réxime de concorrencia competitiva

• Tipo de axuda: axuda a fondo perdido

• Intensidade da axuda: 100 %

• Duración das axudas: un máximo de 3 anos

• Orzamento total: 3.688.800 euros (a achega por parte da Axencia Galega de Innovación será de 614.800 euros, namentres a da Secretaría Xeral de Universidades será de 3.074.000 euros)

Número e importe das axudas

Un máximo de 24 axudas, das que a previsión inicial de concesión é a seguinte:

• 20 axudas para as universidades do SUG.

• 4 para as demais entidades.

Os importes destas axudas son os seguintes:

• Un total de 38.950 euros brutos anuais, incluíndo neste importe a retribución bruta anual e o pagamento dos custos sociais.

• Unha axuda complementaria por cada persoa contratada para o establecemento dunha liña propia de investigación (Complemento liña) coa seguinte desagregación por anualidades: 3.000 euros no ano 2025, 10.000 euros no 2026, 10.000 euros no 2027 e 7.000 euros no 2028.

• Un complemento a cada unha das entidades, que se establece en 1.000 euros anuais (Complemento entidades) por cada persoa contratada con cargo a estas axudas para cubrir os gastos asociados á contratación.

• Unha axuda total de 3.850 euros para cubrir o custo da indemnización ao remate do contrato.

A onde acudir?

• Para solicitudes presentadas por universidades do SUG:

CONSELLERÍA DE EDUCACIÓN, CIENCIA, UNIVERSIDADES E FORMACIÓN PROFESIONAL

SECRETARÍA XERAL DE UNIVERSIDADES

SUBDIRECCIÓN XERAL DE PROMOCIÓN CIENTÍFICA E TECNOLÓXICA UNIVERSITARIA

SERVIZO DE XESTIÓN CIENTÍFICO-TECNOLÓXICA

San Caetano, s/n

15781 Santiago de Compostela

Teléfonos: 881995157 / 881995152

Email: promocioncientifica.educacion@xunta.gal

Información web: http://www.edu.xunta.gal

• Para solicitudes de organismos públicos de investigación de Galicia, fundacións de investigación sanitaria de Galicia e centros do CSIC radicados en Galicia:

AXENCIA GALEGA DE INNOVACIÓN

Rúa Airas Nunes, s/n

15702 Santiago de Compostela

Teléfonos: 881999213 / 981543991

Email: axudas-rrhh-xestion.gain@xunta.gal

Información web: http://gain.xunta.gal

Publícase a Resolución do 27 de xaneiro de 2025, da Dirección Xeral de Formación Profesional, pola que se convocan as probas para a obtención do título de graduado en educación secundaria obrigatoria para maiores de dezaoito anos nas convocatorias de abril e xuño, e se ditan instrucións para a súa realización (código de procedemento ED540A).

Orde do 10 de decembro de 2024 pola que se establecen as bases reguladoras e se procede á convocatoria dos premios fin de carreira da Comunidade Autónoma de Galicia para o alumnado que rematou os seus estudos universitarios no ano 2024 nas universidades do Sistema universitario de Galicia (código de procedemento ED415A).

• O Prazo de presentación de solicitudes será dun mes, contado desde o día seguinte ao da publicación da convocatoria no Diario Oficial de Galicia. Entenderase como último día do prazo o correspondente ao mesmo ordinal do día da publicación.

Xúntase a Resolución do 23 de xaneiro de 2025 da Dirección Xeral de Centros e Recursos Humanos, pola que se aproba e publica a relación provisional de persoas admitidas e excluídas e o baremo provisional no procedemento para a elaboración das listas de interinidades e substitucións para impartir docencia na especialidade 590206-Instalacións electrotécnicas do corpo de profesores de ensino secundario (590) (Código de procedemento ED003A).

• As persoas interesadas poderán formular reclamacións contra a relación provisional de persoas excluídas e o baremo provisional, que presentarán obrigatoriamente por medios electrónicos a través do modelo normalizado do procedemento ED003A, opción “Alegacións”, accedendo á carpeta do cidadán da persoa interesada dispoñible na sede electrónica da Xunta de Galicia (https://sede.xunta.gal/detalle-procedemento?codtram=ED003A&ano=2020&numpub=1&lang=gl) no prazo de tres (3) días hábiles contados a partir do seguinte ao da publicación da resolución no portal de Internet da consellería.
• Non se admitirán as alegacións que non sexan presentadas a través do procedemento indicado no parágrafo anterior.
• Achégase resolución, baremo provisorio e a relación provisoria de persoas excluídas.