Resolución definitiva  do 27 de decembro de 2023, pola que se fai pública a relación de centros premiados conforme ao disposto no apartado 8 da Resolución do 25 de setembro de 2023 da Dirección Xeral de Ordenación e Innovación Educativa, pola que se convoca o I Premio ConVivimos 2023 de convivencia e benestar emocional para os centros docentes públicos dependentes desta consellería durante o curso escolar 2022/23.

Xúntase a Resolución do 21 de decembro de 2023 da Dirección Xeral de Centros e Recursos Humanos, pola que se aproba e publica a relación provisional de persoas admitidas e excluídas e o baremo provisional no procedemento para a elaboración das listas de interinidades e substitucións para impartir docencia en diversas especialidades do corpo de profesores de escolas oficiais de idiomas (592) (código de procedemento ED003A).

• As persoas interesadas poderán formular reclamacións contra a relación provisional de persoas excluídas e o baremo provisional, que presentarán obrigatoriamente por medios electrónicos a través do modelo normalizado do procedemento ED003A, opción “Alegacións”, accedendo á carpeta do cidadán da persoa interesada dispoñible na sede electrónica da Xunta de Galicia (https://sede.xunta.gal/detalle-procedemento?codtram=ED003A&ano=2020&numpub=1&lang=gl) no prazo de tres (3) días hábiles contados a partir do seguinte ao da publicación da resolución no portal de Internet da consellería.
• Non se admitirán as alegacións que non sexan presentadas a través do procedemento indicado no parágrafo anterior.
• Achégase resolución, baremo provisional e a relación provisional de persoas excluídas"

Información sobre as probas do DELF Escolar en Galicia curso 2023/2024.

O programa de innovación educativa Polos creativos desenvolverase ao longo deste curso 2023-2024 de xeito gradual, e estará dotado dun completo e moderno equipamento tecnolóxico especializado na adquisición do pensamento computacional e habilidades STEM, de resolución de problemas e creatividade. O avanzado deseño do mesmo, en forma de módulos complementarios, fomentará no noso alumnado unha aprendizaxe competencial, activa e manipulativa, afondando nos problemas reais que afectan a nosa sociedade e buscando a resolución creativa dos mesmos baixo diferentes olladas.

Recibirán esta dotación todos os centros dependentes da CCEFPU que impartan 2º ciclo de EI, EP ou ESO, así como os centros privados sostidos con fondos públicos nestes niveis educativos.

Este equipamento, que poderá contar cun espazo propio ou usarse de xeito modular en diferentes espazos educativos, estará ao dispor de toda a comunidade: alumnado, docentes, familias e sociedade local; promovendo unha aprendizaxe entre iguais mediante actividades orientadas cara a investigación, a indagación e a creación artística e musical baixo unha colaboración plena entre todos os niveis educativos.

Cada centro contará co equipamento que corresponda aos niveis educativos que imparta e ao número de alumnado en cada un deles. En breve publicaranse as instrucións precisas para o desenvolvemento deste programa.

O Polo creativo será unha gran oportunidade de mellora dos centros, un paso máis aló para seguir avanzando cara a dixitalización plena e a transformación educativa dentro da Estratexia de Educación Dixital 2030. Para acadar o éxito esperado todos os centros contarán co apoio especializado da Rede de Formación do Profesorado e cunha persoa mentora específica que acompañará todo o proceso de implantación e formativo.

Publicada a listaxe provisional de solicitudes admitidas e excluídas do Programa Retorna Talento FP 2023/24.

O prazo de emenda de documentación estará aberto ata o día 16 de outubro ás 23:59:59 hora peninsular española.

• Listaxe provisional de solicitudes admitidas e excluídas

Achégase resolución provisional dos centros públicos de ensino non universitario da Comunidade Autónoma de Galicia para participar no programa Picasso Mob de intercambio individual de alumnado en réxime de reciprocidade con alumnado matriculado en centros pertencentes á Région Académique de Bourgogne-Franche Comté (Francia) durante o curso 2023/2024.

Ábrese un prazo de cinco días hábiles para efectuar reclamacións ou renuncias ante a persoa que exerza a presidencia da comisión.

Resolución provisional de acceso á fase 3 do programa de formación "Observa_Acción: Desenvolvemento competencial desde a observación e o intercambio entre iguais”, durante os cursos escolares 2022/23 e 2023/24, que se levará a cabo a nivel autonómico, nacional e internacional.

O persoal docente funcionario de carreira e de prácticas poderá actualizar o seu expediente persoal naquelas categorías de datos nas que non consten os datos actualizados, estean incompletos ou incorrectos, mediante o enderezo web http://www.edu.xunta.gal/datospersoais de conformidade coa Orde do 2 de xuño de 2021 pola que se regulan o contido, uso e acceso ao expediente do persoal funcionario dos corpos docentes e do persoal laboral docente que imparte as ensinanzas reguladas na Lei orgánica 2/2006 (DOG nº 112 do 15 de xuño de 2021), código de procedemento ED011A.

De acordo coa disposición adicional terceira da Orde do 2 de xuño de 2021 o persoal docente dependente doutra Administración educativa que obtivo praza no último concurso xeral de traslados na Comunidade Autónoma de Galicia poderá solicitar tamén neste prazo a actualización do seu expediente persoal.

O prazo de presentación de solicitudes abranguerá desde o día 03/10/2023 ata o día 09/10/2023, ambos incluídos.

A solicitude cubrirase obrigatoriamente a través do formulario normalizado accesible na páxina web https://www.edu.xunta.gal/datospersoais/ e presentarase obrigatoriamente por medios electrónicos na sede electrónica da Xunta de Galicia https://sede.xunta.gal.

Para isto, deberá proceder do seguinte xeito:

1. Acceder á páxina web www.edu.xunta.gal/datospersoais.

2. Identificarse mediante calquera dos mecanismos permitidos: correo de dominio edu.xunta.gal e contrasinal, Chave 365 ou certificado electrónico.

3. Premer na lapela As miñas instancias (parte esquerda do menú).

4. Seleccionar o tipo de instancia: Instancia de méritos outubro 2023 e premer no botón CREAR NOVA INSTANCIA.

5. Unha vez creada a instancia deberá acceder ao menú existente no apartado Resumo de alegacións e formular as alegacións que considere oportunas utilizando o botón Facer alegacións eixstente en cada categoría de datos. Neste paso é obrigatorio que engada na aplicación con cada alegación o documento xustificativo desta.

Lembre que:

*non é preciso que presente a documentación de novo posteriormente na sede electrónica se xa a engadiu na aplicación de datos persoais.

*como documentación xustificativa non é válido engadir un arquivo no que consten unidos varios documentos alegados en diferentes categorías ou apartados do expediente. O documento que anexe deberá corresponderse con cada alegación que formule.

*só se permite engadir un máximo de 2 documentos por cada alegación.

6. Logo de finalizar as alegacións, deberá pechar a solicitude e presentala electronicamente mediante a lapela Presentación en sede cuxa ligazón lle permitirá acceder á sede electrónica da Xunta de Galicia. Lembre que a solicitude só estará correctamente presentada cando se lle permita descargar o recibo xustificativo da presentación telemática.

IMPORTANTE: só se admitirá a última solicitude pechada en datos persoais e presentada na sede electrónica. Por esta razón, TODOS os méritos deben alegarse na mesma solicitude.

No caso de que vostede esqueza alegar algún mérito, pode crear unha nova instancia en datos persoais creando unha copia da anterior para engadir o mérito ou méritos que non tivese alegado na solicitude anterior.

Resolución do 11 de setembro de 2023, da Dirección Xeral de Ordenación e Innovación Educativa, pola que se establece o calendario para realizar eleccións para a constitución do consello escolar en centros docentes de nova creación e outros sostidos con fondos públicos.

Neste curso 2023/24 complétase a implantación das ensinanzas LOMLOE nas etapas de primaria, secundaria e bacharelato coa entrada dos novos currículos nos cursos pares.

O profesorado, para cumprir coa función de planificar as ensinanzas que ten encomendadas, seguirá a contar coa aplicación de programacións Proens como ferramenta de axuda neste labor, así como cunha serie de documentos para orientar o seu traballo de planificación do curso académico.

Nas programacións didácticas dos cursos impares, este curso a aplicación Proens permitirá recuperar as programacións elaboradas no curso anterior no propio centro ou elaboradas pola/o docente noutro centro, o que facilitará o deseño das programacións no caso de que a docente ou o docente soamente desexe introducir pequenas modificacións ou axustes de cara ao curso 2023/24. Tamén permitirá partir dun modelo baleiro ou empregar a programación que a modo de exemplo orienta sobre os diferentes apartados que conformar a programación didáctica.

Nas programacións didácticas das novas materias dos cursos pares, para facilitar o labor docente a aplicación Proens contará con programacións exemplo de axuda.

Tamén, na liña de axudar e orientar ao colectivo de docentes a Dirección Xeral de Ordenación e Innovación Educativa publicou recentemente O manual de axuda para a elaboración das programacións didácticas, manual con explicacións e exemplos para axudar e guiar na planificación do proceso de ensino e aprendizaxe.

Nova versión de Proens

A aplicación Proens segue a mellorar e configurar novas funcionalidades de cara a facilitar a elaboración da documentación que ao longo do curso debe xestionar o profesorado coa finalidade de recoller as evidencias e as decisións en torno ao proceso educativo do alumnado.

Nos vindeiros días a aplicación Proens actualizarase á unha nova versión, incorporando melloras e algunhas novidades, entre as que se destacan a nova funcionalidade de elaboración das adaptacións curriculares individualizadas, permitindo reducir, suprimir ou modificar os criterios de avaliación e os contidos na programación didáctica en cada unha das áreas ou materias.

Esta nova versión tamén permitirá elaborar programacións didácticas do bacharelato no réxime de adultos a partir dos correspondentes currículos e elaborar programacións de ámbitos e de materias de forma independente nun mesmo nivel educativo da ESO no caso de que nalgún grupo se solicitara a creación de ámbitos con varias materias, e que debe contar cunha programación diferente do dito ámbito.

Completarase o apartado 10. Anexo coa información do currículo das áreas/materia para que o profesorado poida consultar dun xeito cómodo a introdución, os obxectivos e a súa descrición, e as liñas de actuación.

Outras melloras que presentará esta versión é a incorporación dunha caixa de texto libre na pantalla 2. Obxectivos e a súa contribución ao desenvolvemento das competencias para xustificar, de ser o caso, a ampliación de relación dos obxectivos coas competencias clave e na pantalla 7.2. Actividades complementarias permitirá a vinculación da actividade cos trimestres.

Formación do profesorado

Co obxectivo de que o profesorado coñeza os novos currículos e os principais cambios e novidades introducidos pola normativa nas diferentes etapas educativas, a Rede de formación de profesorado propón diferentes accións na procura dun itinerario formativo enmarcado nas competencias relacionadas co deseño curricular.

Así, o próximo 30 de setembro realizarase unha Xornada de Aproximación aos novos currículos, de 8 horas de duración, co obxectivo de contextualizar o currículo a partir do novo modelo de currículo galego e de reflexionar e analizar os cambios introducidos pola LOMLOE. Prazo de inscrición aberto ata o 15 de setembro.

Os cursos de formación en rede Planificación do proceso de ensino e aprendizaxe a través de PROENS. Educación infantil e primaria e Planificación do proceso de ensino e aprendizaxe a través de PROENS. Educación secundaria, cunha duración de 40 horas cada un, permitirán que arredor de 2000 docentes coñezan e integren a aplicación Proens na planificación do proceso de ensino e aprendizaxe das súas áreas e materias aprendendo o seu manexo e experimentando coas diferentes funcionalidades. Estes cursos supoñen unha formación complementaria ao curso Elaboración de programacións coa aplicación PROENS ofertado no plan de formación 2022/23 ao estar centrado non so no manexo da propia aplicación senón tamén na abordaxe dos contido dos diferentes apartados que conforman a programación, o seguimento e outras opcións que ofrece a aplicación. Prazo de inscrición aberto ata o 15 de setembro.

Documentos de interese

A páxina principal da aplicación Proens presenta documentos de interese de cara ao emprego da aplicación Proens. Tamén informa das novidades e das diferentes actualizacións que se van acometendo.

Neste inicio de curso, os centros poden atopar nesa páxina principal os seguintes documentos:

• Configuración Xade para acceso á aplicación Proens. Documento dirixido aos equipos directivos que recolle a explicación de como configurar XADE para que o profesorado poida acceder ás áreas/materias das que debe elaborar a programación na aplicación Proens.

• O manual de axuda para a elaboración das programacións didácticas. Manual con explicacións e exemplos para axudar na elaboración das programacións didácticas.

• O novo currículo galego e aplicación Proens . Información sobre o modelo de currículo galego explicando os elementos curriculares que conforman cada área, materia ou ámbito e as diferentes funcionalidades de Proens indicando o manexo da aplicación.