Prazo

Desde o 17 de febreiro ata o 04 de marzo de 2017.

Descrición

Resolución da Consellería de Educación en Portugal pola que se prorrogan, para o curso 2017-2018, as listas de aspirantes a desempeñar postos en réxime de interinidade nos corpos docentes de Mestres e Profesores de Educación Secundaria contemplados na Lei Orgánica 2/2006, do 3 de maio, de Educación, no Instituto Español "Giner dos Ríos" de Lisboa, de todas as especialidades convocadas no curso 2016-2017, de acordo coa Orde EDU/1481/2009, do 4 de xuño.

Destinatarios/as

Aspirantes a cubrir postos docentes en réxime de interinidade no Instituto Español "Giner dos Ríos" de Lisboa que, na data da publicación da convocatoria, non decaesen no dereito de permanecer nas listas, de acordo cos criterios de permanencia previstos nas bases oitava e undécima da convocatoria para o curso 2016/17.

Requisitos

Concurso de méritos por baremación.

SÓ deberán realizar a solicitude de participación nesta prórroga aqueles/as candidatos/as que queiran achegar perfeccionamento de méritos con posterioridade ao 2 de marzo de 2016. Quen non teña que achegar novos méritos non deberá realizar ningunha xestión para permanecer nas listas.

Descrición

Convocatoria da Consellería de Educación en Brasil para a formación das listas de aspirantes a cubrir postos docentes en réxime de interinidade dos Corpos de Mestres e de Profesores de Ensino Secundario do Centro Cultural e Educativo Español "Reyes Católicos" de Bogotá, Colombia, para o curso 2017/18.

Prazo de presentación

Desde o 15 de febreiro ás 08:00 ata o 01 de marzo ás 17:30.

Convoca

Consellería de Educación no Reino Unido e a República de Irlanda.

Descrición

Convocatoria da Consellería de Educación no Reino Unido e Irlanda para a formación das listas de aspirantes a cubrir postos docentes en réxime de interinidade no Instituto Español Vicente Cañada Blanch e en programas da acción educativa española no Reino Unido e Irlanda durante o curso 2017/2018.

Prazo de presentación

Desde o 20 de febreiro de 2017 ás 08:00 ata o 06 de marzo de 2017 ás 17:30.

Xa está ao dispor da comunidade educativa a proposta didáctica para traballar na aula a película A pesar de todo, quérote. A proposta preséntase en Moodle desde a Aula Abalar acompañada do telefilme, que se ofrece en streaming para a súa emisión gratuíta nos centros de ensino. Esta unidade didáctica arranca cunha pequena introdución técnica sobre o seu funcionamento didáctico e logo ofrece a través de cinco módulos os contidos que se van desenvolver; complétase cos recursos que poden favorecer o labor do profesorado e remata cunha proposta de traballo para afondar na educación viaria como proxecto de centro.

En canto aos contidos, a proposta de traballo que se ofrece centra o seu foco de atención sobre o tratamento da educación en valores, facendo fincapé na educación emocional, na educación viaria e mais na educación para a saúde. A metodoloxía de traballo que se propón é a realización de actividades antes, durante e despois do visionado do filme para afondar logo no desenvolvemento da aprendizaxe. Ao final de cada módulo ofrécese unha tarefa que contribúa ao afianzamento do coñecemento adquirido co espírito do traballo por proxectos. Debido á sensibilidade dos temas que se tratan na película, son as actividades as que van orientando o alumnado para que constrúan pouco a pouco as relacións que existen entre a inmadurez emocional, os factores de risco, as condutas nocivas... a partir das súas sensibilidades, das súas experiencias e dos seus intereses.

Ademais, a unidade aborda o tratamento da linguaxe cinematográfica para achegar o cine como recurso didáctico para comprensión da nosa realidade cotiá e de nós mesmos. A verosimilitude da ficción representada, a idade dos personaxes protagonistas e a actualidade dos temas abordados ofrecen un marco de traballo óptimo para que o alumnado se achegue con curiosidade aos produtos audiovisuais con sentido crítico e mais con interese estético.

A pesar de todo, quérote (2011) foi dirixida por Jorge Algora e cedida pola súa produtora, Adivina Producciones, para o desenvolvemento desta proposta didáctica nos centros de ensino.

O tema das fraccións forma parte do currículo de matemáticas en 2º da ESO e na sección bilingüe é importante que o alumnado se achegue ao vocabulario específico. Nesta proposta trabállanse as fraccións en francés a través de ediLIM.

Proposta didáctica CLIL , centrada na necesidade de xuntar tres aspectos do tema da imaxe secuenciada do currículo de Educación Plástica e Visual (a)contidos básicos, b) uso vehicular dos mesmos en lingua inglesa, e c) sinxeleza de todo o proceso). Moi práctico para que o alumnado poida aplicar o aprendido inmediatamente na elaboración dun proxecto.

Proposta didáctica CLIL /AICLE realizada en ediLIM dirixida a alumnado de formación profesional de grao medio. Trátase de coñecer as variedades de algas que se poden utilizar na cociña e descubrir os seus posibles usos culinarios

Unha reflexión sobre a cultura clásica na sociedade contemporánea.

 Trátase dunha proposta de espírito integrador e transdisciplinar, na que nun primeiro momento se estuda a figura do monstro chamado Quimera dende o punto de vista da Mitoloxía clásica, para pasar nunha segunda fase a estudar un amplo abano de presenzas súas na cultura contemporánea: a lingua común (estúdanse diversas linguas en España e Europa), a arquitectura, a literatura e a linguaxe científica (en catro disciplinas), para concluír cun panorama da súa presenza na cultura popular (videoxogos, cómic e cine).