09.05.2024

O xoves 9 de maio o director do IES Río Cabe entregoulles as cartas ás tres alumnas do noso centro, Carla Dapena Rodríguez, Nos Rodríguez Alemparte e Lucía de la Iglesia Fernández, que obtiveron o 3º posto no Young Business Talent celebrado en Madrid o pasado 19 de abril de 2024 ao que foron acompañadas doutros compañeiros e compañeiras e do seu profesor de Economía Emilio López Mariño.

Sempre é un orgullo que alumnado e profesorado obteñan estes galardóns grazas ao traballo e ao esforzo.

Noticia de prensa: https://www.lavozdegalicia.es/amp/noticia/lemos/monforte-de-lemos/2024/04/20/instituto-rio-cabe-monforte-tercer-puesto-certamen-nacional-empresarios-virtuales/00031713606883081918174.htm?utm_campaign=amp

Álbum: Escolares -> 2024_05_09_3ª AVA_1º Bach_Entrega cartas concurso Young Business Talent_Economía

12.04.2024

O pasado venres 12 de abril a alumna de 2º de Bacharelato, Luzía Fernández Pérez, acudiu a Lugo para participar na XIV Olimpíada Galega de Economía, que se celebrou na Facultade de Administración e Dirección de Empresas.

A Olimpíada Galega constitúe a fase local da Olimpíada Española de Economía no ámbito da comunidade autónoma de Galicia, e nesta edición estivo organizada pola Universidade de Santiago de Compostela e o Colexio de Economistas de Lugo, en colaboración coa Universidade da Coruña e a Universidade de Vigo, e coa participación da Asociación Galega de Ensinantes de Economía en Secundaria (AGAEDES).

Felicitar a nosa alumna Luzía por ter acadado o logro de rematar a Olimpíada entre os primeiros 15 alumnos clasificados.

Álbum: Extraescolares -> 2024_04_12_3ª AVA_2º BACH_Olimpíada de Economía 2024_Lugo

11.04.2024

O pasado xoves 11 de abril alumnado do IES Río Cabe de 4º ESO participou na "Final Nacional de Educación Financeira" organizada pola AEB (Asociación Española de Banca) xunto coa colaboración da Fundación Junior Achievement, e que forma parte do certame internacional "European Money Quiz".

O alumnado de 4º ESO do noso centro puxo a proba os seus coñecementos da materia de economía e finanzas persoais a través dun cuestionario de preguntas na aplicación kahoot e competiron contra aredor de 1.000 alumnos de toda España. Dado que nesta competición, a nivel europeo, unicamente poden participar oficialmente aqueles alumnos/as nados antes de abril de 2008 tivemos que facer equipos cos alumnos que cumprían ese requisito e cada un deles escolleu outro compañeiro que non cumpría ese requisito.

Así chegamos ao día da final nacional, onde de xeito sorprendente e inesperado conseguimos que dous dos nosos equipos rematasen a competición no segundo e terceiro posto respectivamente:

Segundo clasificado: A alumna de 4ºB ESO, Nuria Fernández Álvarez, acadou o segundo posto e como premio unha tablet, coa colaboración e axuda da súa compañeira de clase Mª Alexandra Lesneanu.

Terceiro clasificado: O alumno Simón Giraldo Valle, de 4ºB ESO, rematou a competición en terceiro lugar e como premio tamén recibirá unha tablet, contando coa colaboración e axuda do seu compañeiro Diego Expósito Díaz. 

Nesta competición participou todo o alumnado de Economía de 4º ESO do noso centro e é de destacar o interese de todos eles por intentar facelo o mellor posible e rematar a competición nos primeiros postos. Felicidades non soamente aos gañadores senón tamén ao resto de compañeiros.

O European Money Quiz (EMQ) é un concurso organizado pola Federación Bancaria Europoea (EBF), sendo a actividade con máis recoñecemento en Europa para promover a educación financeira a través das asociacións bancarias nacionais dos diferentes países, entre as que figura a AEB.

18.03.2024

O Plan de Educación Financeira levou a cabo un obradoiro no IES Río Cabe de Monforte de Lemos, Instituto gañador do “Concurso Nacional de Conocimientos Financieros 2023”, o pasado luns 18 de marzo.

O Plan de Educación Financeira, promovido pola Comisión Nacional do Mercado de Valores (CNMV), o Banco de España (BdE) e o Ministerio de Economía, Comercio e Empresa, é a estratexia nacional de educación financeira en España, deseñada ao amparo dos principios e recomendacións da OCDE sobre esta materia. Este Plan ten como principal obxectivo mellorar a cultura financeira da cidadanía e, para iso, tanto as entidades promotoras como os colaboradores do Plan desenvolven diversas actividades, algunhas dirixidas á poboación en xeral e outras dirixidas a colectivos específicos (persoas maiores, persoas vulnerables, estudantes en etapa escolar ou universitaria, etc.). Todo isto co obxectivo de que adquiran coñecementos, comportamentos e actitudes que lles permitan tomar decisións financeiras axeitadas ao longo da súa vida, así como desenvolver hábitos financeiros saudables e coñecer as oportunidades e riscos dos produtos financeiros.

O obradoiro tivo lugar o día do estreno da duodécima edición da Global Money Week, evento organizado pola OCDE para promover a educación financeira entre a mocidade, que ten lugar do 18 ao 24 de marzo de 2024, e que estivo dirixido ao alumnado de 4º de ESO e Bacharelato, coa finalidade de concienciar sobre a importancia de saber xestionar adecuadamente as súas finanzas persoais. Neste obradoiro abordouse como tema fundamental a prevención da fraude, tendo en conta o lema deste evento na presente edición: “Protexe o teu diñeiro, asegura o teu futuro”.

Autoridades que asistiron ao obradoiro:

- Judith Fernández Novoa, Directora Xeral de Ordenación e Innovación Educativa.

- Gloria Prada Rodríguez, 1ª Tenente de Alcalde do Concello de Monforte de Lemos.

- Inmaculada Fernández Teijeiro, Subdirectora Xeral de Ordenación, Inclusión e Innovación Educativa.

- Javier Bernardo,Director da sucursal do BdE na Coruña.

- Sagrario Sánchez Ramil, Xefa Territorial da Consellería de Educación en Lugo.

- María Bóveda González, Inspectora de Educación.

- Roberto España Seijas, Ponente do BdE e “Jefe de la División de Educación Financiera del BdE”.

- María Menéndez Becker, Ponente do Ministerio de Economía, Comercio e Empresa. “Jefa de Servicio en la Subdirección General de Finanzas Sostenibles y Digitales”.

Fotografías: Fotografía Chema (Monforte de Lemos) 

Ligazóns con novas sobre a xornada:

https://www.edu.xunta.gal/portal/node/42673

https://www.agalega.gal/videos/detail/130910-telexornal-mediodia-18-03-2024  MINUTO 45

https://www.agalega.gal/videos/detail/130955-clip-telexornal-mediodia-accesible-18-03-2024

https://www.agalega.gal/videos/category/16560-telexornal-mediodia

https://www.g24.gal/-/premian-os-conecementos-financeiros-dos-estudantes-de-monforte

https://www.elprogreso.es/articulo/ribeira-sacra/ies-rio-celebro-taller-educacion-financiera-80-alumnos/202403191232431740759.html

https://www.monfortedelemos.es/es/noticias/2024/la-teniente-de-alcalde-participa-en-inauguracion-acto-promocion-cultura-financiera-en-ies-rio-cabe-dirigido-al-alumnado-4-eso-y-bachillerato

https://galiciaxa.com/2024/03/rsxa/zonas-rsxa/monforte-rsxa/260946/

https://www.ondacero.es/emisoras/galicia/monforte-lemos/audios-podcast/mas-uno-monforte-lemos-15032024_2024031565f44c3bdac83100017239ae.html

https://www.noticiasvigo.es/la-xunta-destaca-el-buen-ejemplo-del-equipo-monfortino-ganador-del-certamen-nacional-conocimientos-financieros/amp/

https://www.finanzasparatodos.es/talleres-en-los-centros-finalistas-del-concurso-de-conocimientos-financieros-por-la-global-money-week

Álbum: Escolares -> 2024_03_18_2ª AVA_4º ESO - 1º Bach - 2º Bach_Economía_Banco de España

O 2 de outubro de 2023 o noso alumno de 2º Bacharelato Alexandre Maceda Fernández,  e as nosas antigas alumnas Sara Rodríguez Rodríguez, Miguel Vega López, Sara Rodríguez Traveso e Saleta Losada Cuervo, xunto co seu profesor de Economía Emilio López Mariño, resultaron gañadores do Concurso Financieiro celebrado en Sevilla. Deixámosvos aquí o vídeo. Moitos parabéns e a seguir colleitando éxitos.

O equipo de alumnado do IES Río Cabe (Saleta Losada, Alexandre Maceda, Sara Rodríguez, Sara Traveso e Miguel Vega) xunto co seu profesor Emilio López, acaba de clasificarse para participar na semifinal do Concurso de Coñecementos Financeiros organizado polo Banco de España e a CNMV (Comisión Nacional do Mercado de Valores), e viaxarán a Madrid para enfrontarse na sede do Banco Central ao Colexio Sagrado Corazón Fundación Spinola de Coria (Cáceres).

Os gañadores das dúas semifinais enfrontaranse o luns 2 de outubro no acto central do Día da Educación Financeira. Este concurso enmárcase dentro do Plan de Educación Financeiro impulsado polo Banco de España, a Comisión Nacional do Mercado de Valores e o Ministerio de Economía, co fin de mellorar a cultura financeira da poboación.

O pasado 18 de setembro celebrouse, na sucursal do Banco de España de A Coruña a ronda de cuartos de final do concurso, resultando gañador o IES Río Cabe despois dun emocionante enfrontamento co Colexio Misioneras de la Providencia de Salamanca.

Agora, o seguinte paso será tratar de gañar na semifinal que se celebrará en Madrid o vindeiro martes 26 de setembro, para logo poder competir na gran final que terá lugar na cidade de Sevilla o primeiro luns do mes de outubro (día este da educación financeira).

Máis información: 

• https://www.finanzasparatodos.es/
• https://www.facebook.com/FinanzasParaTodos.educacionfinanciera/?locale=es_ES
• https://www.instagram.com/finanzaspartods/

Durante o presente curso escolar 2022/2023 alumnado de Bacharelato estivo practicando no simulador RetoFxM para participar no concurso de coñecementos financeiros organizado polo Banco de España e a Comisión Nacional do Mercado de Valores. Chegado o mes de maio cinco alumnos (Saleta Losada, Sara Rodríguez, Sara Traveso, Miguel Vega e Alexandre Maceda) coseguiron clasificarse na décima posición entre os arredor de 500 centros de toda España que participaron nesta competeción na súa primeira fase, para seguidamente lograr meterse entre os oito finalistas que acceden as eliminatorias presenciais deste concurso e que se celebrarán no mes de setembro do próximo curso, co obxectivo de chegar á final que terá lugar o día 2 de outubro, día este da educación financeira (primeiro luns do mes de outubro).

O pasado 16 de marzo tivo lugar a XIII edición da Olimpíada Galega de Economía. Nesta ocasión a organización da mesma foi a cargo da Universidade de Vigo e os exames tiveron lugar na Facultade de Ciencias Económicas e Empresariais.

A Olimpíada de Economía naceu seguindo a tradición do resto das olimpíadas científicas pero, a diferenza destas, está organizada polas facultades de ciencias económicas e empresariais das universidades públicas. É un concurso de carácter académico e educativo, con múltiples obxectivos entre os que estarían incentivar e estimular o estudo da Economía, premiar o esforzo e a excelencia académica e divulgar os estudos de Economía.

O IES Río Cabe participou na mesma con 5 alumnos/as de Bacharelato, que lograron rematar a proba moi ben clasificados, aínda que ningún deles chegou a merecer entrar entre os oito mellores clasificados. Por orde de clasificación, o alumnado do noso centro que participou na proba foi o seguinte:

Saleta Losada Cuervo

Miguel Vega López

Sara Rodríguez Traveso

Adriana Quintela Gómez

Diana Roca Ferreira

Desde aquí queremos felicitar aos organizadores pola celebración da Olimpíada, agradecer a boa acollida do alumnado e as actividades organizadas entorno a Olimpíada.

Galería de Imaxes do día da Olimpíada

Miguel Vega López, alumno de 2º de Bacharelato, acaba de proclamarse subcampión do VIII concurso Talento na Bolsa. Esta competición ten como patrocinadores a “Renta4banco” e ao “Instituto de Estudios Bursátiles” (IEB), formando parte do Plan de Educación Financeira elaborado pola CNMV e o Banco de España. O seu obxectivo é buscar e premiar o talento sostible, xa que procura demostrar que os investimentos en Bolsa poden ser sostibles, seguros, socialmente responsables e que axuden a xerar coñecemento real das finanzas. Ademais, con este concurso preténdese contribuír á mellora da cultura financeira do alumnado de bacharelato, dotándolles de ferramentas, habilidades e coñecementos para adoptar decisións financeiras informadas e apropiadas ao longo da súa vida.

O primeiro clasificado neste concurso obtivo unha rendibilidade do 49%, recaendo a segunda posición en Miguel Vega López, alumno do IES Río Cabe, cunha rendibilidade do 36,87 %. Ao redor de 600 alumnos/as de bacharelato de toda España participaron na edición deste ano. Os premios repártense entre os oito primeiros clasificados e consisten en cheques para realizar compras en amazon ademais de bolsas para estudar no IEB, concretamente Miguel, como 2º clasificiado, recibiu unha tarxeta de 250 euros, unha bolsa do 50% para cursar un grao ou un máster universitario e un diploma acreditativo do posto alcanzado.

Ao longo do xogo da bolsa, que durou do 18 de outubro ao 20 de decembro de 2022, os alumnos de bacharelato competiron entre si para tentar obter a maior rendibilidade e a carteira de investimento mellor valorada ao final do prazo, seguindo os parámetros reais do mercado bolsista español. Desta forma, os participantes deberon obter a máxima rendibilidade dun capital ficticio de 30.000 euros co que partían ao comezo deste xogo. Neste sentido, e segundo recollían as bases do concurso, os ‘bróker’ ficticios puideron realizar as operacións que considerasen oportunas coa cantidade que tiñan asignada en valores do Ibex35 e do Mercado Continuo Español.