Dinamización Lingüística
LUISA VILLALTA PERCORRENDO MONFORTE
O 16 de maio de 2024, co gallo do Día das Letras Galegas, decidimos homenaxear a Luisa Villalta compartindo con todos os monfortinos e monfortinas os seus versos.
Esta actividade, organizada polo EDLG en colaboración coa Biblioteca, o Dpto de Lingua Galega, e o Dpto. de Plástica pretende dar continuidade á iniciativa comezada o Día de Rosalía cos poemas desta autora.
Nos distintos carteis combínanse os poemas de Luisa Villalta cos códigos QR que dan acceso á música dalgunhas das súas cancións.
Cómpre darlle ás grazas, polo seu traballo, ás profesoras Pilar López e Sara Porrit; así coma á alumna Nerea S. (1º BAC) polos retratos da autora.
- APIs de Blogue
- Calendario
Xornal Mensual 2º ESO.
En 2º ESO seguen coas entrevistas para o seu xornal mensual!
Hoxe, 20 de maio de 2024, foi a quenda de Úrsula Nelson, xornalista e tradutora nada no Reino Unido e neofalante de galego. O alumnado fíxolle múltiples preguntas sobre o seu interese en aprender a nosa lingua, o seu día a día empregando o galego e mesmo sobre como cambiar de lingua sen perder a propia.
Grazas Úrsula por vir ata o Río Cabe a compartir con nós a túa experiencia!.
a.
- APIs de Blogue
- Calendario
Final do concurso intercentros de Oratoria improvisada
O xoves 13 de abril tivo lugar no Salón de Actos do IES Río Cabe a final intercentros do concurso de Oratoria Improvisada en Lingua Galega. Trátase dunha actividade, organizada polo Equipo de Dinamización da Lingua Galega, que xa contaba con tradición nese centro de ensino e na que, este curso 2022-23, participaron dous centros máis: o IES Martaguisela, do Barco de Valdeorras, e o IES Xograr Afonso Gómez, de Sarria. Na final participaron 21 estudantes dos diferentes niveis educativos dos tres institutos; a rapazada debía falar un minuto sobre unha palabra escollida ao chou dunha preselección. Pode parecer sinxelo, mais non o é. As intervencións foron, malia os nervios, marabillosas, e o alumnado deu renda solta á improvisación, á creatividade e, incluso, á etimoloxía. O acto rematou coa actuación musical en directo de Xurxo Labrador, profesor de Física e Química do Río Cabe e a alumna do mesmo centro, Ariadna Valdés, e coa entrega de diplomas e agasallos aos finalistas e premios aos tres alumnos que mellor puntuación acadaron neste orixinal duelo lingüístico. O xurado, composto por unha docente de cada un dos tres centros, non o tivo nada doado.
A xornada continuou con tres actividades colectivas: unha visita guiada polo Monforte medieval e histórico (conxunto arquitectónico de San Vicente do Pino, xudería, Praza de España, Colexio de Nosa Señora da Antigua, Ponte Medieval) con parada na antiga librería Xistral, poñendo así en valor a figura do poeta Manuel María (que estaban estudando algúns mozos), e coa intervención de dúas alumnas do IES Martaguisela, que prepararan a lenda da Coroa de Lume para os seus compañeiros; unha comida de confraternidade no comedor do IES Río Cabe e, finalmente, a visita ao mirador do Duque, que permitiu admirar a beleza da contorna dende un punto que a maioría dos rapaces non coñecían. Púxose desde xeito fin a unha agradable xornada que esperamos se consolide e continúe nos próximos anos. Os mozos xa están pensando no lugar de celebración da final na próxima edición!
Os premiados foron os seguintes:
Categoría 1.º e 2.º de ESO:
Marc López Celeiro (IES Xograr Afonso Gómez)
Icía Veiga López (IES Xograr Afonso Gómez)
Paula Bouso González (IES Río Cabe)
Categoría 3.º e 4.º de ESO:
Demetrio González Álvarez (IES Río Cabe)
Mario Prada Rodríguez (IES Martaguisela)
Anxo Sobrado Rodríguez (IES Xograr Afonso Gómez)
Categoría 1.º e 2.º de BAC
Carlos Vilariño Romero (IES Xograr Afonso Gómez)
Mauro Díaz Gayoso (IES Xograr Afonso Gómez)
Héctor Rosende Núñez (IES Río Cabe)
Parabéns a todos eles e aos seus profesores!!
Final Concurso Oratoria improvisada
O venres 17 de marzo tivo lugar a final de Oratoria Improvisada no IES Río Cabe. Os gañadores de cada nivel son os seguintes:
1.º e 2.º de ESO
Paula Bouso
Tiago Saldaña
Emeli Vizcaíno
3.º e 4.º de ESO
Demetrio González
Ximena López
Sabela López
1.º e 2.º de BAC
Iván Blanco
Héctor Rosende
Candela Saavedra
Parabéns a todos os participantes!
O día 13 de abril terá lugar a Final intercentros, na que participarán os nosos gañadores con alumnado de Sarria e do Barco de Valdeorras.
Convocatoria de cursos Celga e cursos de linguaxe administrativa galega nas EOI para o curso 2022/23
Publicouse a Resolución do 24 de xullo de 2022, da Dirección Xeral de Formación Profesional, pola que se convocan, con carácter gratuíto, cursos de linguaxe administrativa galega e cursos preparatorios para os certificados de lingua galega, Celga, que se realizarán en distintos períodos e en varias escolas oficiais de idiomas de Galicia.
As persoas que desexen participar nos cursos convocados nesta resolución deberán cubrir o formulario de inscrición telemática no enderezo www.eoidigital.com/preinslinguagalega, que estará activo nos seguintes prazos establecidos para a presentación das solicitudes:
- Cursos do 1º cuadrimestre: do 1 ao 10 de setembro de 2022
- Cursos do 2º cuadrimestre: do 3 ao 13 de xaneiro de 2023
Balbordo con Susana Sánchez Aríns
A autora arousá Susana Sánchez Aríns acompañounos na máis recente reunión do club de lectura Balbordo, que tivo lugar hai uns días na biblioteca do Río Cabe. A novelista e poeta falou da súa obra "Seica", traducida ó castelán como "Dicen" e ó inglés "And they say", na que conta a historia dos seus avós en tempos da represión franquista, e pola que obtivo o Premio ó mellor libro de Ficción 2019, pola Asociación de librarías de Madrid.
“Seica” narra feitos reais nunha rede de voces acaladas durante xeracións; non foi escrito dende a reflexión política senón dende a xusticia poética, é o relato contemporáneo da posguerra española, no que se poden ver reflectidas moitas outras familias galegas.
Agradecemos a Susana a súa presenza desinteresada así como a xornada que pasamos con ela e felicitámola polos seus éxitos presentes e os que, sen dúbida, lle esperan.
Obradoiro sobre Isabel Zendal e Ánxeles Alvariño
O departamento de Normalización Lingúística organizou, o pasado 4 de novembro, un obradoiro sobre a enfermeira española Isabel Zendal e a oceanógrafa galega Ánxeles Alvariño para o alumnado de 1º ESO, no que se falou, de forma moi lúdica, aparte das vacinas contra a COVID, de virus, bacterias, de como actúan as defensas no noso organismo, en que consiste unha PCR, como se produce a caries e como evitala, etc e Fátima respondeu ás dúbidas que xurdiron na clase.
Final do concurso de Oratoria improvisada
O pasado xoves 10 de xuño tivo lugar, no Salón de Actos do Río Cabe, a final do Concurso de Oratoria improvisada do 1º e 2º Ciclo da ESO.
Por limitacións do aforo só estiveron presentes os que chegaron á final (un total de 32 alumnos que previamente concursaran en cada clase).
Os participantes foron escoitados con total atención por parte dos presentes na sala.
O primeiro premio foi para:
-Sabela López Mariño (de 2º A).
O 2º:
- Alla Castro de la Fuente (1ºB)
O 3º premio conseguiuno
-Iara Rodríguez González (2ºB).
No caso de 2º Ciclo da ESO quedaron finalistas:
-1º Premio: Salma Díaz Pizarro (3ºB ESO)
-2º: Ariadna Valdés Fernández (4ºC)
-3º Miguel Vega López (4º A)
Ó día seguinte, 11 de xuño, celebramos a final do mesmo concurso en Bacharelato.
Despois dunha moi boa actuación e implicación do alumnado, os resultados foron os seguintes:
-1º Premio Saúl Fajardo (1ºBAC - A)
-2º: Manuel Díaz (1º BAC- A)
-3º Rebeca Varela (1º BAC - B)
Foi unha estupenda experiencia na que o alumnado demostrou a súa capacidade de improvisación e imaxinación... Noraboa!
A actividade foi organizada por Normalización Lingüística e o Dpto de L. galega.
Convocatoria cursos Celga
Convóncanse con carácter voluntario e gratuíto, cursos de lingua galega preparatorios das probas para obter os certificados de lingua galega Celga 1, Celga 2, Celga 3 e Celga 4.
O prazo para presentar as solicitudes será de 15 días hábiles, que se contarán a partir do día seguinte ao da publicación desta resolución no Diario Oficial de Galicia. Se o último día do prazo é inhábil, entenderase prorrogado ao primeiro día hábil seguinte.
Para máis información:
Blog de Normalización Lingúística
Podedes atopar información moi interesante sobre as actividades levadas a cabo polo departamento de Normalización Lingüística do instituto no seu blog DinamizaCabe clicando no enlace
- 1
- 2
- 3
- seguinte ›
- última »