Lingua Galega
Proxecto Competencial 2º ESO: Traballo Investigación sobre Monforte e podcast.
Esta mañá, de 6 de novembro, o alumnado de 2° da ESO de Proxecto Competencial realizou unha visita guiada a Monforte da man de Rosana Prieto, Guía Oficial de Turismo de Galicia.
Así, seguindo as súas explicacións, a rapazada foi descubrindo algúns dos espazos emblemáticos de Monforte como a Parroquia da Régoa, a Torre da Homenaxe ou o interior do Parador e tamén algúns segredos por que... quen sabía que hai un alxibe oculto dentro do convento de San Vicente máis ao estilo de Castela que de Galicia? E que a ponte romana non é romana e ademais tiña seis arcos?
Con está información e moita outra o alumnado volveu ao centro para continuar co seu proxecto de investigación e podcast sobre Monforte de Lemos e os seus habitantes.
Grazas a Rosana Prieto por acompañarnos e compartir con nós todos os teus coñecementos sobre a nosa vila!
Día Internacional da loita contra o Cancro
IES RÍO CABE CELEBRA O DÍA INTERNACIONAL CONTRA O CANCRO DE MAMA
Hoxe luns, día 21 de outubro, o alumnado do IES Río Cabe celebrou o Día Internacional contra o cancro de mama formando un gran lazo humano en colaboración coa Asociación Española contra o cancro.
Xunto co equipo de Biblioteca e Dinamización lingüística do centro, ao longo da mañá diferentes grupos de ESO procuraron información sobre o cancro de mama co obxectivo de realizar unha exposición sobre esta temática e a última hora da xornada matutina acudiron ao pavillón do IES para confeccionar o lazo humano.
Repartíronse folios de cor rosa, como símbolo da loita contra esta enfermidade que cómpre seguir inventigando.
FOTO DO LAZO
En palabras da propia Asociación Española contra o cancro:
“Es el cáncer más frecuente y el que mayor número de muertes causa en la población femenina en España. Pero hay que destacar que, gracias a los programas de cribado poblacionales, se está consiguiendo el diagnóstico en fase precoz de muchos de estos tumores, lo que permite tratamientos habitualmente más eficaces.”
É unha loita conxunta de toda a sociedade, polo que dende o IES Río Cabe queremos mandarlle unha aperta moi forte a todas as persoas, homes e mulleres, que a día de hoxe loitan incansablemente contra esta enfermidade.
Video
Club de Brindos do Cabe
A última semana de outubro volvemos por en marcha o Club de Brindo do Cabe e, como non podía ser doutro xeito, abrimos a tempada cunha sesión de brindos de medo... que criaturas misteriosas e pesadelos ocultarán as nosas coplas? Non faltes se queres descubrilo!
E a partir de novembro vémonos todos os mércores no salón de actos para cantar e botar unhas coplas porque... no Río Cabe temos moito que dicir!
- APIs de Blogue
- Calendario
TALLER ESCRITA CREATIVA CON NOA MOREIRA
O alumnado de 3° da ESO vén de participar nun obradoiro de escrita creativa titulado "Recunchos de letras".
Na primeira fase, a través de catro estacións (Palabras e ideas, Frases e titulares, Imaxes de onte e hoxe e Poetas de aquí e acolá), o alumnado elaborou textos literarios inspirándose nos diversos elementos.
A continuación, levouse a cabo a segunda fase do proxecto que contou coa colaboración da poeta Noa Moreira (Salcedo, A Pobra do Brollón, 1985) que realizou unha asesoría creativa e literaria para axudar á rapazada a poñer á punto as súas creacións e resolveu todas as súas dúbidas ao redor da construción da literatura.
Para finalizar o proxecto, cara finais desta avaliación, o alumnado elaborará unha pequena antoloxía literaria en forma de fanzine cos seus textos.
Grazas Noa por colaborar con nós de xeito tan xeneroso e grazas á rapazada de 3° pola implicación no proxecto... no Río Cabe hai boa canteira para a escrita creativa!
Mobilización do alumnado do IES Río Cabe en favor dos nenos e nenas Palestinas/os.
O 27 de setembro, o alumnado do IES Río Cabe decidiu secundar a mobilización convocada por varias organizacións para protestar polos asasinatos indiscriminados de civís por parte do estado de Israel en Líbano e na franxa de Gaza.
De xeito autónomo o alumnado de 3º ESO, organizou unha xornada reivindicativa na que, divididos varios grupos, informaron os compañeiros e compañeiras de todos os niveis do que está acontecendo no territorio Palestino para, durante o tempo de recreo, concentrarse na porta do instituto e berrar ben alto que "O Río Cabe está cos nenos e nenas palestinas".
A rapazada de 1º ESO tamén quixo colaborar realizando cartaces reivindicativos.
FINAL DE CURSO: LECTURA DRAMATIZADA 1º ESO con BALONCESTO. 21_6_24
LECTURA DRAMATIZADA 1º ESO
Dormente. Raquel Castro
O venres 21 de xuño de 2024 para despedirmos o curso escolar, o alumnado de 1º ESO B levou a cabo no salón de actos unha lectura teatralizada do libro Dormente de Raquel Castro para o alumnado de 1º e 3º ESO. A seguir foi o alumnado de 1º ESO A quen lle realizou a lectura dramatizada ao alumnado de 2º ESO.
Dormente é unha entretida peza teatral na que a súa autora, Raquel Castro, actualiza o conto tradicional da Bella durmiente dende unha prespectica feminista, onde a Bela non quere que a bique ningún príncipe, senón a persoa da que está namorada. Animámosvos a que leades este fermoso libro para coñecer o seu final. O alumnado divertiuse moito.
Ao finalizar foi a quenda do alumnado do club de Brindos, coa profesora Sara Porrit, quen nos agasallou con varias coplas.
Paralelamente o profesorado de Educacion Física, Alberto Rodríguez e Daniel Corderí organizou un torneo de tiro a canastra para o alumnado que ía rematando no salón de actos.
Entrega de Diplomas do Clube de Brindos
Hoxe (20-6-24) puxemos o broche final ao Club de Brindos do Río Cabe 23-24 cunha graduación do alumnado participante. Entre coplas, risas e unha actuación especial do Trío Brindeiro Canesa, as 32 alumnas e alumnos que formaron parte desta experiencia recibiron un diploma acreditativo e unha bolsa de gominolas como recompensa a todo o traballo realizado durante estes meses.
Excursións, recreos, maios, festas... foron moitos os momentos de practicar, cantar e, sobre todo, pasalo ben e desfrutar dunha tradición que, grazas a esta rapazada, está hoxe máis viva que hai nove meses.
Grazas (alumnado e profesorado) pola vosa implicación e traballo.
Agardamos que desfrutárades coa experiencia e... que viva o brindo do Cabe por moitos anos máis!
Brindos e Contos nos coles. Xuño 2024
O alumnado de 1 e 2º ESO que participou no Plan proxecta dos contos e máis no club de Brindos do IES Río Cabe, acompañados polas súas profesoras Pilar López e Sara Porrit
visitaron o martes 18 de xuño de 2024 o colexio das Gándaras e o mércores 19-6-24 visitarán o Colexio Novo para realizar un taller de Brindos co alumnado de 5º e 6º e falarlles do proxecto de contos.
Estamos rematando o curso pero aínda quedan forzas para as últimas saídas!
Hoxe fomos visitar ós nosos futuros compañeiros e compañeiras do cole da Gándara para falarlles do proxecto Cóntame un Conto e, xa de paso, ensinarlles como funciona iso dos brindos.
Entre o alumnado de 1° e 2° contamos algúns contos e despois demos un pequeno obradoiro para que o alumnado de sexto da Gándara acabara compoñendo as súas propias coplas.
Foi toda unha experiencia para nós e agardamos que eles quedaran con ganas para cando sexan oficialmente alumnas e alumnos do Río Cabe!
Plan Proxecta. Cóntame un conto. Saída a Santiago.
Hoxe,17-6-24, o alumnado de 1° e 2° do Río Cabe, acompañados polas profesoras Carmen Quiroga, Pilar López, e Sara Porrit participaron na Gala de peche do Proxecto Cóntame un conto do Museo do Pobo Galego e
a Fundación Antonio Fraguas.
Conducida por María da Pontragha, contadora, durante a Gala escoitamos as historias das compañeiras e desfrutamos da música e das danzas que prepararon o resto de coles.
Con isto pechamos un proxecto no que traballamos durante todo o curso e que deu como resultado os vídeos que podedes ver no seguinte enlace:
https://www.youtube.com/watch?v=RZuRwQJmjZg&ab_channel=IESR%C3%ADoCabe
Entrevista para o xornal mensual de 2º ESO
A mañá do martes 11-6-24, o alumnado de 2º da ESO, acompañados pola súa profesora Sara Porrit, realizou a última entrevista deste curso para o seu xornal mensual.
Nesta ocasión tiveron a oportunidade de conversar con Hugo GZ un dos membros fundadores de SondaRúa, un grupo de rap galego que, malia separarse no 2023, deixou
temas tan icónicos como "En galego non mola" ou "Salsa Galaica".
Durante a entrevista foron moitos os temas que sairon, dende curiosidades sobre o grupo como a orixe do seu nome ou a canción máis coreada nos concertos, ata o Celta de
Vigo e Juan Luis Guerra.
Non podemos máis que agradecerlle a Hugo ter colaborado con nós e ter respondido de tan boa gana as nosas cuestións.
- APIs de Blogue
- Calendario
