Educación Física
3º ESO e 1º Bacharelato. Andorra. Viaxe á neve
02-08 / 03 / 2024
DÍA 1: 2-3 de marzo de 2024
O alumnado de 3º ESO e 1º Bacharelato do IES Río Cabe, acompañados do seu profesorado: Carlos Parada, Raquel Seoane e Iria Trebolle, iniciaron a viaxe a Andorra para desfrutar dunha semana de esquí.
Viaxe tranquilo sen presenza do temporal que previamente ameazaba. Saímos de Monforte de Lemos ás 00:15 horas.
Entramos no hotel en Andorra sobre as 13.30h e xa temos recollido o material.
Tarde libre por Andorra La Vella ata a hora da cea. Preparándonos para a semana de esquí!
DÍA 2: 4 de marzo de 2024
Primeiro día de esquí, onde desfrutamos dunha mañá soleada e coas pistas cheas de neve, é dicir, nas condicións ideais para esta práctica deportiva.
Todo o mundo esquiando e gozando da actividade con normalidade.
DÍA 3: 5 de marzo de 2024
Segundo día de esquí por terras andorranas, esquiando todo o mundo e gozando destes días solleiros e con montañas nevadas.
Completaremos a xornada con Caldea.
DÍA 4: 6 de marzo de 2024
Terceiro día de esquí por Andorra, todas e todos esquiando e vivindo con emoción a experiencia. O cansanzo xa comezou a aparecer mais o bo tempo axuda a vencelo!
DÍA 5: 7 de marzo de 2024
Último día de esquí nesta Semana Branca 2024 do IES Rìo Cabe.
Todo o alumnado e profesorado puido esquiar nesta xornada que comezou nubrada e rematou soleada para despedirnos da paisaxe idílica de Andorra.
Cómpre subliñar a afección aos brindos desenvolta nesta derradeira xornada de esquí.
O venres, despois de almorzar, toca iniciar a viaxe de volta a Monforte de Lemos.
DÍA 6: 8 de marzo de 2024
Logo de almorzar, sobre as 9:30 horas da mañá, o alumando e o profesorado do IES Río Cabe puxo rumbo a Monforte de Lemos, cuxa chegada foi sobre ás 23:30 horas. Foi unha semana chea de novas experiencias, anécdotas e bos momentos que recordaremos sempre. Unha semana na que se practicou esquí e se desfrutou da paisaxe andorrana. Ata o ano que vén Andorra!
ESO. Carreiras de orientación
21.02.2024
O alumnado de secundaria está participando nestes días nunha actividade de iniciación á orientación deportiva dentro das instalacións do IES Río Cabe.
Esta actividade prepara ó alumnado para o campionato provincial escolar de orientación que terá lugar en Lugo o 28 de febreiro, ó que acudiremos con 4 equipos de 5 alumnos/as.
Parabéns a todas/os pola participación e a implicación!
CM Fútbol. Xornada de adestradores. Ourense
19.02.2024
Na tarde do luns, o alumnado de Técnico Deportivo en Fútbol (Nivel 2), acompañado do seu profesor, Alberto Rodríguez Fraga, asistiu ás IV Xornadas de Actualización e Reciclaxe para entrenadores de Galicia, organizada pola Real Federación Galega de Fútbol neste caso, na cidade de Ourense. Durante algo máis de 5 horas, diferentes especialistas na materia desenvolveron temáticas relacionadas coa xestión emocional, a organización do fútbol base ou a organización do adestramento no fútbol profesional.
CM Fútbol. Adestradores Ourense
2º ESO. Relatorio Club Ciclismo Monforte de Lemos
31.01.2024
O alumnado de 2º ESO gozou dun relatorio da man de Aarón do Club Ciclismo Monforte onde lles explicou este deporte e as actividades que leva a cabo o Club Ciclismo Monforte. Agardamos que fose do seu interese e que moitos e moitas se animen con este deporte!
Moitas grazas Aarón e moitas grazas ao Club Ciclismo Monforte por acudir ao noso centro educativo.
Podes ler a nova no xornal picando AQUÍ.
Fútbol sala cadete
Segundo partido do Equipo de Fútbol Sala Cadete do IES Río Cabe da Tempada 2023-24. Os rivais foron os do SD Monforte.
Celebrouse o venres 26-1-24 ás 16h no Pavillón do CEIP Monforte. O noso equipo está en proceso de mellora.
Parabéns e a seguir adestrando, xogando e disfrutando!
- APIs de Blogue
- Calendario
FÚTBOL SALA INFANTIL
Quinto partido do Equipo de Fútbol Sala Infantil do IES Río Cabe da Tempada 2023-24. Celebrouse o venres 26-1-24 ás 16h no Pavillón do CEIP Monforte, os rivais foron o equipo do SD Monforte.
O noso equipo segue a mellorar.
Parabéns e a seguir adestrando, xogando e disfrutando!
- APIs de Blogue
- Calendario
FÚTBOL SALA
Cuarto partido do Equipo de Fútbol Sala Infantil do IES Río Cabe da Tempada 2023-24. Celebrouse o venres 19-1-24 ás 16.15h no Pavillón do IES Río Cabe, os rivais foron o equipo do Saviñao.
O noso equipo segue a mellorar.
Parabéns e a seguir adestrando, xogando e disfrutando!
- APIs de Blogue
- Calendario
Torneo de Nadal 2023
21.12.2023
Aquí poderedes ver as fotos das diferentes actividades que se desenvolveron no Torneo de Nadal 2023 que organizou o Departamento de Educación de Educación Física para todos os cursos da ESO e onde tamén participou o alumnado de 1º Bacharelato. Foi unha mañá ben entretida antes do merecido descanso de Nadal.
Dende o IES Río Cabe desexámosvos un moi Bo Nadal e un próspero Aninovo!
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- seguinte ›
- última »