Esta sesión do club de ciencia adicámola aos peixes cartilaxinosos. O peixe cartilaxinoso que nos encanta a todos e todas é o tiburón. Puidemos observar un tiburón de verdade, e estivemos falando das súas características, pero tamén falamos doutros peixes cartilaxionosos. Estivemos vendo as diferencias entre o tiburón, a manta e a raia.Debuxamos tiburóns e mantas, e aprendimos sobre os dentes dos tiburóns chegando a facer un molde da dentadura.

@s nos@s compañeir@s da Escola de Capela estiveron aprendendo un montón a través de diversos experimentos con auga. Algúns destes experimentos veñen recollidos no dossier que presentamos e outros parten da formación deste curso. Para o Equipo de Club de Ciencia é unha enorme satisfacción poder observar como as nosas propostas e o que imos aprendendo se leva ás aulas para compartir co noso alumnado. Moitas grazas compañeir@s!

@s nos@s compañeir@s da Escola de Rosalía de Castro queren compartir con todos nós estas  fotografías onde están empregando algúns dos materiais da maleta científica viaxeira. Grazas compañeir@s. Esperamos que lle saquedes proveito e que aprendades un montón.

Os nos@s compañeir@s da aula de Capela Primaria queren ser expertos no que se refire ao Reino Animal polo que estudaron as principais características dos animais  e fixeron unha clasificación segundo diversos aspectos: vertebrados e invertebrados, domésticos e salvaxes, carnívoros, herbívoros ou omnívoros, terrestres, acuáticos e anfibios.....

Utilizando fotografías, cunchas , plumas... e reproduccións en plástico dos distintos animais foron facendo a súa clasificación: moluscos, aves, mamíferos, peixes, reptís, insectos.... Noraboa compañeir@s, gran traballo!

Esta semana no noso club de ciencia retomamos o estudio do noso corpo. Nesta ocasión falamos do ADN, e fixemos un experimento para aprender a extraer o noso propio ADN.Tamén falamos da constitución do noso corpo e dos nosos ósos. E fixemos un puzzle con radiografías! Aprendemos a observalas e interpretalas e montamos un corpo humano enteiro de 1,5 m de altura.

Esta semana no club de ciencia convertémonos en paleontólogos por un día. Observamos fósiles e tamén os desenterramos de bloques de xeo, traballando en equipo e con paciencia usando mazos e martelos. Aprendemos un montón de cousas e María e David faláronnos tamén da diferencia que hai entre ser paleontólogo, arqueólogo e antropólogo.

Na sesión do club desta semana coñecemos moitas cousas do funcionamento do noso corpo. Estivemos falando de diferentes órganos, vimos un corazón de porco que funciona igual que o noso, estudiamos o sangue e vimos o funcionamento do corazón a través dun experimento de bombeo de auga.

Tamén estivemos vendo as proporcións do noso corpo, por exemplo, sabías que o teu pé mide igual que o teu antebrazo? E por último falamos das células do noso cerebro, as neuronas, e as representamos con plastilina.

A vindeira semana iniciamos as vacacións de Semana Santa. A Semana Santa é xunto co Nadal unha das celebracións máis antigas e importantes para os cristiáns. Nestes días lembramos os acontecementos dos últimos días da vida de Xesús que culminan no Domingo de Pascua e Resurrección onde celebramos o paso da morte á vida do noso amigo Xesús, de feito resurrección significa renacemento.

Este día de festa e gran alegría é celebrado por máis de 1.000 millóns de persoas en todo o mundo, e é un dos días do ano que máis chocolate se consume, sabedes por que? Porque existe a tradición de agasallar a familiares e amigos con ovos de Pascua:

Dende as orixes da humanidade o ovo foi considerado como sinónimo de fertilidade, esperanza e renacemento; na Idade Media era costume  durante as celebracións agasallar aos nenos con ovos de galiña ou de pato. Pénsase que os cristiáns adoptaron esta tradición a partires do século IX cando se decretou que non se podía comer ovos durante a Coresma. Os ovos gardábanse durante días e reservábanse ata o Domingo de Pascua onde se entregaban decorados e adornados como agasallo de amor e amizade. E aínda que as prácticas de xaxún durante o tempo de Coresma fóronse suavizando co tempo, esta tradición de agasallar ovos pola Pascua perdurou ata os nosos días.

 A principios do século XIX en Europa os pasteleiros alemáns, italianos e franceses empezaron a facer ovos de Pascua de chocolate que contiñan agasallos agochados no seu interior. Foi todo un éxito comercial que se extendeu rápidamente polo mundo enteiro. Pronto se deixou de agasallar con ovos decorados para agasallar con ovos de chocolate.

En Galicia esta costume de agasallar con ovos de chocolate é bastante moderna, a tradición nos dí que o Domingo de Resurección é o día en que os padriños e madriñas agasallan aos seus afillados e afilladas. O agasalllo típico da nosa terra era a rosca ou o roscón de Pascua. Actualmente aínda segue viva esta tradición, pero cada vez son máis os que agasallan con ovos de chocolate.

E tamén existe a tradición de agasallar con coelliños de Pascua tanto de peluche como de chocolate. Polo que empezamos a preguntarnos de onde ven esta tradición? Por qué se regalan coellos de chocolate pola Pascua?

Pois ben, contan as lendas cristiás que no sepulcro* onde foi depositado o corpo de Xesús, unha familia de coellos tiña instalada alí a súa tobeira, e cando Xesús resucitou, os coelliños alí presentes convertíronse nas primeiras testemuñas da Resurrección. De ahí xorde a figura do coello de Pascua. 

*Os sepulcros son construcións funerarias normalmente feitas en pedra que se levantaban do chan creando unha cámara semellante a unha cova. Tiñan unha porta de acceso e eran enterramentos comunitarios onde se enterraban a todos os defuntos dunha mesma familia.

 E por iso na Pascua tamén é costume agasallar con coellos de chocolate:

Este ano para celebrar a Pascua os nenos e nenas de Reli imos elaborar uns títeres de Coelliño de Pascua para compartir coas nosas familias. Estes son os modelos:

Aproveitando a Xornada no Polideportivo de Rianxo e a visita ao Museo do Mar os nenos e nenas da Escola de Capela xunto coas mestras fixeron a donación dos cartos recaudados a través  do proxecto solidario no que estuvieron trabajando. Así  pois os nenos e nenas decidiron destinar 400€ para a Palma a través  do Cabildo Insular da Palma e 205€ a os nenos e nenas de Ucrania a través de Cruz Vermella e Save the Children.