Blogue de laura

TAUMATROPIO

Mér, 2021-05-26 13:22 — laura

RELACIONADO CO NOSO PROXECTO DO CORPO, TRABALLAMOS O SENTIDO DA VISTA XOGANDO COS TAUMATROPIOS QUE CONSTRUIMOS. DESPOIS, ELABORAMOS O TEXTO INSTRUTIVO DA NOSA ACTIVIDADE, INCLUINDO OS MATERIAIS E OS PASOS.

A CARTA

Sáb, 2021-05-22 18:25 — laura

COMO XA SABEDES, NO 2º TRIMESTRE TRABALLAMOS A CARTA PARA INTRODUCIR OUTRO TIPO DE TEXTO ÁS CRIANZAS. NA AULA, APARECÍAN ENVELOPES NUNHA CAIXA MISTERIOSA. ELABORAMOS UNHA CONXUNTA E UNHA INDIVIDUAL E TODO O ALUMNADO RECIBIU NAS SÚAS CASAS UNHA CARTA DO NOSO AMIGO, O MAGO CATAPÚN. MAIS ESTA VEZ FOI DIFERENTE, CHEGOU UNHA CARTA AO COLE DA NOSA AMIGA, A PROFE TANIA! ADEMAIS DE SABER COMO ESTÁ E LEMBRARNOS DELA (ACHÁMOSTE MOITO EN FALTA!), APROVEITAMOS PARA REPASAR AS PARTES DESTA TIPOLOXÍA TEXTUAL.

GRAZAS, TANIA! DESEXAMOS QUE TODOS OS TEUS SOÑOS SE FAGAN REALIDADE!

LÓXICA-MATEMÁTICA: DOMINÓ.

Sáb, 2021-05-22 18:09 — laura

NA SESIÓN DE LÓXICA- MATEMÁTICA UTILIZAMOS AS FICHAS DO DOMINÓ PARA SUMAR, RESTAR, AGRUPAR POR MESMO NÚMERO... TEÑEN MOITAS POSIBILIDADES PARA XOGAR COAS MATES!

FELIZ DÍA DAS LETRAS GALEGAS!

Dom, 2021-05-16 23:56 — laura

VERSOS DO LIBRO DE POEMAS DARÍO A DIARIO. XELA ARIAS.

LETRAS GALEGAS 2021

Dom, 2021-05-16 16:57 — laura

ESTE ANO A HOMENAXEADA NO DÍA DAS NOSAS LETRAS É XELA ARIAS. FIXEMOS MOITAS ACTIVIDADES:

- LEMOS O CONTO DOS BOLECHAS PARA COÑECER A XELA.

- PROCURAMOS INFORMACIÓN NA REDE.

- DESEÑAMOS O SEU RETRATO.

- INVENTAMOS UN ACRÓSTICO CO SEU NOME. POR PARELLAS ESCRIBIMOS LIBREMENTE PALABRAS QUE COMEZASEN COA LETRA QUE NOS TOCOU DE XELA. DESPOIS CREAMOS O ACRÓSTICO ENTRE TOD@S.

- XOGAMOS COAS ACTIVIDADES EN LIÑA PROPOSTAS PARA ESTA SEMANA.

- PARTICIPAMOS NA FESTA DO COLE (XOGOS POPULARES, BAILE, ESCOITAMOS CANCIÓNS E O RECITADO DE POEMAS) E COMEMOS TOD@S XUNT@S PARA CELEBRAR O DÍA DAS LETRAS GALEGAS.

OBRADOIRO DE CONVIVENCIA

Dom, 2021-05-16 16:41 — laura

ESTA SEMANA PARTICIPAMOS NUN OBRADOIRO PARA TRABALLAR A CONVIVENCIA E A RESOLUCIÓN DE CONFLITOS. A NOSA ORIENTADORA ISAURA VISITOUNOS CUNHA FERMOSA PROPOSTA, BASEADA NO CONTO: POR CUATRO ESQUINITAS DE NADA. JÉROME RUILLER, ed. Juventud. TRATAMOS QUE FACER PARA NON EXCLUIRMOS A NINGUÉN EN MOMENTOS DE XOGO, COMO NOS SENTIMOS SE ESTAMOS SOAS OU SÓS E COMO RESOLVER DIFERENTES SITUACIÓNS QUE XORDEN NO DÍA A DÍA. A ISAURA EXPLICOUNOS O MÉTODO QUE? COMO? PARA SERMOS MEDIADORES NOS CONFLITOS. FALAMOS DO NOVO CLUBE QUE TEMOS NO NOSO COLE (BRICAE: BRIGADA CONTRA O ACOSO ESCOLAR) PARA QUE NINGUNHA CRIANZA SINTA QUE ESTÁ EXCLUÍDO E EVITAR O ACOSO ESCOLAR.

A CABRAPUCHIÑA ROSA

Dom, 2021-05-09 18:14 — laura

LEMOS CONTOS CLÁSICOS PARA COÑECER A SÚA ESTRUTURA, PERSONAXES E ESTILO. UTILIZAMOS AS TÉCNICAS DE RODARI PARA INVENTAR UN NOVO. TODAS AS NENAS E NENOS PARTICIPARON NA ACTIVIDADE, ACHEGANDO IDEAS QUE FOMOS ESCOLLENDO ENTRE TOD@S. DESPOIS DE CREARMOS A HISTORIA, COMEZAMOS CO PROCESO DE ILUSTRACIÓN. DESEÑAMOS PROTAGONISTAS E ESCENARIOS QUE MONTAMOS PARA COMPOR AS PÁXINAS DO CONTO. OS MATERIAIS EMPREGADOS FORON CERAS BRANDAS E ACUARELA.

O TÍTULO ORIXINAL ERA A CABRITIÑA ROSA, MAIS UNHA NENA DIXO: " SE É A CARAPUCHIÑA E UNHA CABRA... MELLOR SERÍA CABRAPUCHIÑA". A IDEA PARECEUNOS MOI DIVERTIDA E DECIDIMOS MODIFICAR O TÍTULO INICIAL.

DESEXAMOS QUE GOSTEDES DO NOSO CONTO!

1 adxunto

OUTRA ACTIVIDADE CONSISTIU EN COLOCAR A SERIE DO 1 AO 20 MAIS SEN TODOS OS NÚMEROS. AS NENAS E NENOS TIVERON QUE PÓR OS QUE FALTABAN, PROCURANDO O ANTERIOR E O POSTERIOR.