Blogues

PARA SEGUIR APROVEITANDO E DESFRUTANDO DAS VERDURAS QUE SE PLANTARON NO HORTO, PREPAROUSE UNHA RICA ENSALADA E UNHAS PATACAS PARA MERENDAR:

- RECOLLIDA DAS PATACAS E DAS DEMAIS VERDURAS: REMOLACHA, PEPINO, CABACIÑO, CEBOLA, CHÍCHAROS, RÚCULA, LEITUGA E ALGÚN AMORODO

          (clica na imaxe seguinte para ver máis)

- LAVADO DAS DISTINTAS VERDURAS E PREPARACIÓN EN CADEA, COA AXUDA DE TOD@S 

- DEGUSTACIÓN DA ENSALADA

PRACTICAMENTE QUEDARON OS PLATOS BALEIROS

AO LONGO DESTA SEMANA, AS CRIANZAS DE 4 ANOS- B, QUIXEMOS FACER A NOSA PEQUENA HOMENAXE Á GRAN ESCRITORA GALEGA, ROSALÍA DE CASTRO, POLO SEU ANIVERSARIO, O 23 DE FEBREIRO.

*  LEMOS ALGÚNS DOS SEUS POEMAS E OS ESCOITAMOS MUSICADOS POR DIVERSOS ARTISTAS QUE PERMITÍAN COÑECER ESTILOS MUSICAIS DIFERENTES (SEGUINDO COA TEMÁTICA DA MÚSICA, DO PROXECTO ANUAL):

   - "ADIÓS RÍOS ADIÓS FONTES"- POR AMANCIA PRADA E ASTAROT,

   - "NEGRA SOMBRA"- POR LUZ CASAL

   - "TECÍN SOIA A MIÑA TEA"- GUADI GALEGO

   - "ROSALÍA PEQUENIÑA" OU "MAIO LONGO"- POR UXÍA SENLLE

* ORDENAMOS AS PALABRAS PARA COMPOÑER ALGÚNS TÍTULOS DE POEMAS SEUS. PARA ISO, SEGUNDO OS NIVEIS MADURATIVOS DAS CRIANZAS, TIÑAN QUE LER A PALABRA, OU IDENTIFICAR A CAL LETRA COA QUE EMPEZA OU REMATA E OUTRAS NO MEDIO DA PALABRA,...

* COMPLETAMOS ALGUNHA ESTROFA NA QUE FALTABAN PALABRAS OU SE SUBSTITUÍAN POR IMAXES, CO OBXECTIVO DE PRACTICAR A ESCRITURA CONTEXTUALIZADA.

* DECORARON UN MARCAPAXINAS DA AUTORA, NO QUE SE ACOMPAÑABA UN POEMA E UN CÓDIGO QR, PARA ACCEDER E ESCOITAR DITO POEMA MUSICADO

* LEMOS INFORMACIÓN SOBRE A VIDA DA ESCRITORA E LOCALIZAMOS NO MAPA DE GALICIA OS LUGARES NOS QUE NACEU E MORREU. E CALCULAMOS NA SERIE NUMÉRICA CANTOS ANOS TIÑA CANDO MORREU.

* FALAMOS DO LEMA DESTE ANO "O AMOR DA PATRIA GALEGA", DECORAMOS E ORDENAMOS AS SÚAS LETRAS E CADAQUEN DECOROU UN CORAZÓN PEGANDO DENTO UN RETRATO DE ROSALÍA, COMO SÍMBOLO DO AMOR E AGRADECEMENTO POR TODO O QUE SUPUXO PARA O NOSO IDIOMA; O GALEGO. ASÍ AXUDAMOS A ILUSTRAR UN FERMOSO MURAL COLECTIVO NA ENTRADA DO COLEXIO QUE TOD@S PODÍAN OBSERVAR.

* APROVEITAMOS PARA INICIARNOS NO COÑECEMENTO DO TEXTO POÉTICO: AS RIMAS, AS ESTROFAS, OS VERSOS, A ESTRUCTURA DUNHA POESÍA. EMPREGAMOS O POEMA "PARECE UNHA ROSA", ILUSTRADO POR ISABEL PINTADO, E CADA CRIANZA FIXO UN DEBUXO DA SÚA FIGURA HUMANA E PEGARON ARREDOR DA CARA PÉTALOS SIMULANDO UNHA ROSA OU UN REPOLO, TAL COMO FALA NO POEMA.

* VISIONAMOS, ENTRE OUTROS, UN VIDEO NO QUE OS BOLECHAS NOS CONTARON COUSIÑAS DESTA ESCRITORA DO REXURDIMENTO.

* O CONCELLO FÍXONOS CHEGAR O MANTEL CO POEMA "CALDO DE GLORIA", E AS CRIANZAS NO COMEDOR TAMÉN PUIDERON DEGUSTAR UN CALDIÑO, OUTRA FORMA DE HOMENAXEAR Á ESCRITORA. ASÍ COMO TAMÉN O FIXERON NOS LOCAIS HOSTALEIROS, OFRECENDO COMO TAPA DURANTE O DÍA DO SEU ANIVERSARIO, O  23 DE FEBREIRO

APROVEITAMOS A LER E FALAR DO POEMA E DEBUXAR O RETRATO DA ESCRITORA

CERTAME DE ARTE ESCOLAR EUGENIO GRANELL.

Un nadal máis, participamos na xa XIX edición desta interesante iniciativa, onde ademais do concurso con distintas categorías, o realmente importante e interesante é que durante todas as vacacións e ata o 14 de xaneiro, todas as obras das criaturas de E.I. teñen expostas os seus creativos traballos.

Desta volta, non nos podemos sentir máis orgullosas e orgullosos pois recoñecéronse varios galardóns en distrintas categorías.

Parabéns a todo o alumnado polo seu traballo que poderedes ver nas fotografías.

Mirade a Álvaro gañador da categoría de debuxo, a Thyago na categoría de pintura, a Yanira en collage e a Mateo na de construcción, con que orgullo reciben a súa linda escultura, creada específicamente para o certame.

 E premendo nesta imaxe da exposición ou aquí, podedes observar todo o laborioso proceso das fantásticas creacións.

Comporto algunhas das propostas nas que andivemos traballando nesta semana:

- LOXICAMATEMÁTICA; ordenando a serie numérica cunha alfombra e logo representación da cantidade correspondente, aproveitando elementos que temos nestes momentos no recuncho de outono

- DÍA DAS BIBLIOTECAS: quixemos poñer en valor esta data a nivel educativo, pois a biblioteca é un recurso moi importante que se pode usar para fomentar a competencia lingüística; lugar de lectura de contos, de busca de información en calquera proxecto, coñecemento de distintos textos de uso social,... De feito, dende a nosa biblioteca, comunicáronnos que neste ano o tema proposto dende a asesoría de bibliotecas escolares, sexa a BANDA DESEÑADA, por iso deixáronnos un exemplo, xunto co cartaz que nos comunicaba ademais que, dende o cole se propuxo como proxecto anual, a MÚSICA.

Nós aproveitamos a falar do cartaz onde aparecían as nosas mascotas, da biblioteca e do comando verde: se viramos algunha vez os cadrados e bocadillos que nel aparecen, que pensaban que era a música e onde poderíamos buscar para saber máis, cales eran as normas para asistir a unha biblioteca,... Polo que neste curso, faremos a nosa aportación a ambos temas, aprendendo sobre a música e sobre a banda deseñada.

Aproveitamos a ler o fermoso conto "León de biblioteca", ed. Ekaré e a facer un tempiño de goce e lectura individual cos contos da biblio de aula.

- O MONSTRO DE AULA: aproveitando que se achega a data do Samaín, creamos o noso particular monstro. Para iso, entre todos e todas, coas ideas aportadas sobre os elementos e características que querían que tivese esta personaxe de medo, foise votando para chegar a unha proposta final.

Despois, cadaquen debuxou dita personaxe, coas mesmas indicacións para tod@s, e así o manifestaron nas súas creacións, tal como se pode ver na seguinte imaxe.

- FROITOS SECOS:  esta semana tocou a degustación de froitos secos propios da estación de outono, xa que moitas crianzas descoñecen moitos deles e tampouco os probaran.

MOI BENVIDAS E BENVIDOS A ESTE ILUSIONANTE, CREATIVO E COLORIDO CURSO.

Agardemos e temos todos os desexos de que así sexa!

Antes de comezar a presentarvos as actividades e proxectos deste ano, partillamos con vós unha iniciativa conxunta co Colexio J.H. Newman de Madrid sobre fotografía e que con toda probabilidade, continuaremos este curso.

O primeiro obxectivo era dar a coñecer a os nosos novos amigos e amigas madrileños a nosa contorna, o noso centro e a nosa realidade próxima a partres das fotografías realizadas polas criaturas cunha cámara reflex da escola. Percorremos e  todos os currunchos do centro e paseamos mesmo por fóra por lugares próximos. Cada neno e nena, observaba e decidía que quería fotografiar. Ademais mantivemos unha vídeo conferencia para presentarnos.

Como facemos en calquera proceso, primeiramente, documentámonos, analizamos e estudamos as partes da cámara que iamos usar, asi como doutras. Vimos varios tipos diferentes, analóxicas, con carrete, negativos...Cousas hoxe en día sorprendentes.

Primeiramente podededes visualizar como foi o proceso e os pasos que demos. Mirade nesta imaxe, ou ben premendo aquí.

E de seguido, podedes ver os resultados finais destes e destas súper profesionais da fotografía.  Velaí aquí as tedes. enriba da imaxe, podedes velas en xeito presentación.