Actividades E.Infantil

ESTA SEMANA FOI CENTRADA NO TEMA DO MEDO, POLA CERCANÍA DA DATA DO SAMAÍN. COMÉNTOVOS ALGUNHAS PROPOSTAS QUE FIXEMOS:

-- RECIBIMOS UNHA CARTA DE ROQUI, A NOSA MASCOTA DA BIBLIOTECA, PORQUE QUERÍA COMENTARNOS, ENTRE OUTRAS COUSIÑAS, QUE O DÍA 24 SE CONMEMORABA O DÍA DAS BIBLIOTECAS ESCOLARES (CO LEMA "ESCRIBIR A BIBLIOTECA ESCOLAR") E QUE ESTÁBANSE FACENDO REFORMAS E QUE  MOI PRONTIÑO NOS CONTARÍA NOVIDADES

- XOGO, INTERVENCIÓN, EXPERIMENTACIÓN, GOCE CUNHA INSTALACIÓN DE ELEMENTOS DA ESTACIÓN DE OUTONO, PRESENTADA EN FORMA DE MANDALA. AS CRIANZAS DESFRUTÁRONA MOITÍSIMO, CON TRANQUILIDADE E EMOCIÓN, MANIPULARON E INTERACCIONARON COS ELEMENTOS TRABALLANDO A MOTRICIDADE FINA; CADA QUEN ATOPOU O SEU ENTRETENEMENTO (DEBULLAR MILLO, SACAR CÁSCARA AS LANDRAS, XOGAR COS CAROZOS, ENCHER E BALEIRAR VASOS/RECIPIENTES), E NON QUERÍAN PARAR NIN RECOLLER. ACOMPAÑAD@S DA MÚSICA DE VIVALDI "AS CATRO ESTACIÓNS"- CENTRADOS NA PEZA DE OUTONO.

FOI UNHA ACTIVIDADE MARAVILLOSA!!!

- XOGAMOS A DARLLE DE COMER A UN ESQUÍO, É DICIR, FIXEMOS UNHA ACTIVIDADE DE LÓXICA-MATEMÁTICA: FACÍAN A TIRADA DO DADO, TIÑAN QUE IDENTIFICAR A CANTIDADE DE PUNTOS PARA CONTAR CANTAS CASTAÑAS COMERÍA O ESQUÍO, E APROVEITAMOS A BUSCAR NA SERIE NUMÉRICA O CARDINAL QUE REPRESENTABA DITA CANTIDADE.

- DEGUSTACIÓN DE FROITOS SECOS:AMÉNDOAS, ABELÁS E NOCES (NON TEÑEN ZUME A DIFERENZA DOS CARNOSOS). EN XERAL, GUSTÁRONLLES A TODAS AS CRIANZAS

- POR INICIATIVA DA ÁREA DE LINGUA INGLESA, FIXEMOS AO LONGO DA SEMANA A ACTIVIDADE DE "TRICK OR TREAT". NAS SESIÓNS DE INGLÉS SAÍAN CO MESTRE POLAS OUTRAS AULAS E RECIBÍAN UNHAS SORPRESAS QUE LOGO SE REPARTÍAN PARA CADA CRIANZA. FINALMENTE FIXEMOS UN SOBRE CUNHA FOLLA DE XORNAL, PARA RECICLAR, E LEVAR CADA QUEN OS PREMIOS RECOLLIDOS.

- GRAZAS Á COLABORACIÓN DAS FAMILIAS, RETOMAMOS A ACTIVIDADE DE DECORAR CABAZAS, RECORDANDO A TRADICIÓN OU MÁIS BEN, PARA AMBIENTAR O COLE EN RELACIÓN COA DATA DO SAMAÍN (POIS TRADICIONALMENTE OS CELTAS SIMPLEMENTE USABAN OS NABOS E LOGO AS CABAZAS PARA BALEIRAR E POR DENTRO LUZ QUE GUIARA OS BOS ESPÍRUTOS E AFASTARA OS MALOS DAS CASAS E DAS SÚAS COLLEITAS QUE RECOLLERAN PARA TODO O INVERNO)

AS CRIANZAS TRAÍAN AS SÚAS CABAZAS BEN CONTENT@S E CANDO VISITAMOS A EXPOSICIÓN DE OUTRAS MOITAS CABAZAS DE OUTRO ALUMNADO, QUEDARON ABRAIAD@S (ESCOITÁBASE CONSTANTEMENTE, PROFE MIRA ESTA!!, MIRA ESTA!!) GRAZASSS A TOD@SSSS

APROVEITAMOS A VISIONAR CONTOS TEMÁTICOS ALÍ NA ESCURIDADE DO ESPAZO DE MEDO CREADO NA ENTRADA DO EDIFICIO ADXUNTO

- O FESTEXO DO SAMAÍN FÍXOSE O VENRES 28: HOUBO DISFRACES TERRORÍFICOS PARA AMBIENTAR A FESTA, AS CRIANZAS TROUXERON MERENDAS DE MEDO, ESCOITAMOS MÚSICA E VISIONAMOS VIDEOS RELACIONADOS COA TEMÁTICA, TIVEMOS A VISITA DA "BRUXA CATUXA" QUE NOS FIXO UNHA APÓCEMA ESPECIAL, XUNTO CO SEU AXUDANTE "ROGELIO"

"ABRACADABRA, PATA DE CABRA" QUE O LUME NOS PROTEXA E ESPANTE OS MALOS ESPÍRITUS, JAJAJAJA!!!

CELEBRACIÓN DO DÍA ESCOLAR POLA PAZ E A NON VIOLENCIA. 

Ao igual que todos os cursos, o 30 de xaneiro celebramos esta importante data con distintas actividades. Como xa sabedes, previamente e mentres traballamos contidos sobre o tema, deixamos as nosas pegadas feitas coa vosa colaboración,  polos corredores do colexio. O xoves e como colofón realizamos unha fermosa instalación entre todo o alumnado e profesorado, titulada: Enlazadas pola Paz, onde deixamos en pulseiaras de cores a nosa mensaxe e desexo para un mundo mellor, e intercambiamos por outra. Ademais no noso ciclo vimos algúns cortos sobre o tema e cantamos.

 Mirade aquí a xornada. 

CONMEMORACIÓN DO DÍA DA VIOLENCIA DE XÉNERO. 

O luns 25 de novembro, como vén sendo habitual, conmemoramos o día da Violencia machista cun feixe de actividades co obxectivo de sensibilizarnos e por en prácica que sementando a igualdade, cambiaremos  o mundo. En Educación Infantil, participamos nas activides conxuntas cos compañeiros e compañeiras de Primaria, onde escoitamos o manifesto lido por alumnas de 6º e cantamos a versión ao galego da canción A porta violeta de Rozalén e tan ben versioneada polo profe Óscar. Ademais o noso ciclo fixo unha grande porta violeta co lema Dálle un portazo á violencia e coas nosas mensaxes e proclamas para construír unha sociedade máis igualitaria. Clica aquí ou na foto para velo. 

GALICREQUES. O casamento da pulga e o piollo.

Como xa manda a tradición no primeiro trimestre asistimos sempre a unha representación do Festival Internacional de Títeres Galicreques,. Desta volta, poidemos gozar, moito, moitísimo coa CompañÍa La galera de lazotea e a súa representación dunha versión do conto popular de O casamento da pulga e o piollo. Unha mestura entre títeres e dramatización con música en directo. Abofé que nos gustaron ben. 

Mirade na foto ou aquí parte da sesión.

TITIRIBERIA

O xoves 14 de novembro asistimos a unha representación de títeres do Festival de Títeres Titiriberia organizado polo Concello de Teo no Auditorio da Ramallosa xunto cos nosos compañeiros e compañeiras do CRA. Nesta ocasión gozamos coa compañía  La Pícara locuela que nos amenizou con dúas pequenas representacións: El pícaro burlado e máis El panadero y el diablo.

Mirade na foto ou aquí parte desa representación. 

SAMAÍN E.I 19.

Inauguramos este curso coas actividades de celebración do Samaín. Logo dunha semana intensa de traballo sobre o acontecemento, a aportación das creativas e fermosas cabazas que as familias aportastes; rematamos no mércores 30 cunhas merendas terroríficas, un obradoiro de maquillaxe que metía medo e como colofón, unha actuación da perversa bruxa Maruxa que se quería conveter en boa e que unha vez conseguido o seu propósito, amenizounos cun conto e púxonos o fermoso vídeo e conto de Corre, corre, Cabaciña. Unha vez máis, grazas polas vosa aportacións.

Mirade na imaxe ou aquí a terrorífica xornada.

CELEBRACIÓN DO DÍA DO LIBRO.

Por mor do tempo, tivemos que pospoñer a actividade programada para o 23 de abril, para este luns 29. Por unha banda cada aula de Infantil pendurou da súa árbore os seus versos vexetais. Ademais todo o alumnado foi apadriñado por un alumno ou alumno dos cursos superiores para que lles leran un conto. Mirade as imaxes, clicando na fotografía ou ben aquí.

SESIÓN DE XOGOS TRADICIONAIS.

O mércores 10 de abril, despois do recreo, tivemos a ocasión de entreternos e gozar con xogos tradicionais de todo o mundo, todos ben interesantes. Para a meirande parte deles tivemos que aprender de antemán as reglas de xogo. Coñecemos xogos de taboleiro, billares tradicionais e xogos pedagóxicos de distintos tipos como construcións, xogos de creatividade, de psicomotricidade de mesa e de pensamento.

Clicade aquí ou na foto para coñecer vós algusn deles.  

COMEZAMOS ESTACIÓN, CELEBRANDO MOGOLLÓN.

O 21 de marzo estreamos estación con sol e bo tempo e celebrando o Dia da Poesía, o Día da árbore e o Día mundial da Síndrome de Down. 

Ademais de plantar un salgueiro no patio de fóra, agasallo do escritor Anxo moure tamén plantamos amorodos nos maceteiros.

Mirade aquí ou na foto. 

GALICREQUES. UNHA NOVA EXPERIENCIA COS TÍTERES.

Xa é un clásico a nosa participación no Festival internacional de Titeres de Santiago, Galicreques. Un ano máis, acudimos a ver unha representación á sede do SGAE en Vistalegre. Kikiriguau, unha aventura de animais nunha granxa con títeres de mesa da compañía atragonesa, Títeres sen cabeza. 

Clicade aquí ou no cartel se queredes ver as fotos desa sesión. 

TITIRIBERIA. OA TÍTEReS CHEGAN AO AUDITORIO DA RAMALLOSA.

O martes 6 de novembro todo o alumnado de Educación Infantil do Concello, acudimos invitados a unha sesión de títeres a cargo da compañía Mircromina, titulada A familia unida. Como o tempo non acompañaba, tivemos que viaxar en autobús ata o Auditorio da Ramallosa. Mirade canto gozamos aquí ou na   fotografía. 

LOGO DO SAMAÍN, O MAGOSTO, POR FIN!

O 2 de novembro, celebramos o magosto xunto con vós, as familias. Un ano máis de xogos, castañas e cancións e baile co himno ramalloseiro desta celebración, o SamaGosto.

Aquí vos deixamos as fotos de lembranza dese día. Pinchade aquí ou na fotografía.

31 DE OUTUBRO, CELEBRAMOS O SAMAÍN.

E fixémolo cunha chea de actividades. Logo de traermos as nosas cabazas preciosas e variada durante toda a semana, o mércores comezamos a nos preparar para a noite de medo por excelencia, merendando unhas terroríficas viandas maquillados para a ocasión.  Despois do recreo, todo o ciclo pasámolo de medo no túnel do terror antes de subir ao salón de actos a escoitar contos e cancións que daban arrepío.

Clicade aquí ou na foto para ver canto medo xunto!