Como froito dun gran traballo de investigación, análise e interpretación de datos de carácter sociolingüístico, podemos ver a reportaxe titulada "Adolescentes galegofalantes, especie en perigo de extinción?". Reportaxe en que se describe e debulla o emprego do galego por parte do noso alumnado, e tamén do alumnado do Nº 1 da Estrada, dentro dos centros educativos e no eido dos medios de comunicación e da creación de contidos que consomen.

O alumnado de 1º de ESO realizou o martes 4 de xuño unha visita didáctica, organizada polo Departamento de Tecnoloxía, ao parque eólico experimental de Sotavento (situado no concello lucense de Xermade), no que puideron aprender dun xeito práctico e lúdico os fundamentos básicos das enerxías renovables e do aforro enerxético.

Posteriormente desprazáronse á cidade da Coruña para visitar o Museo Nacional de Ciencia e Tecnoloxía (MUNCYT), onde realizaron unha visita guiada e unha actividade tipo xincana de descubrimento dos obxectos expostos nel.

Finalmente acudiron á Casa das Ciencias onde disfrutaron dunha sesión de platenario e realizaron actividades autoguiadas de experimentación científica. Tedes unha reportaxe gráfica de todo o que fixeron na seguinte galería fotográfica:

O 16 de maio, no Coliseum da Coruña, tivo lugar a Final da III Liga Maker Drone, na que participaron 17 equipos de centros educativos de Galicia.

O noso centro estaba representado por un grupo de alumnas e alumnos de 2º de ESO acompañados polo profesor Javier Fondevila, que durante todo este curso estiveron deseñando un Drone para cumplir a misión da convocatorio deste ano: lanzar veneno a niños de velutinas e se formaron na pilotaxe de drones.

Na galería fotográfica da dereita tedes imaxes do evento.

Galiciencia é a maior científica que se celebra en Galicia. Nesta edición o IES Manuel García Barros tamén estivo respresentado por Alma Diéguez e Samuel Sánchez, acompañados do profesor Javier Fondevila, presentando o seu proxecto “Xogar, mellor con madeira” (Video resumo da mostra e Revista)

Tedes unha imaxes da viaxe na galería fotográfica da dereita.

O pasado martes 28 o alumando de 2º ESO tivo a oportunidade de achegarse ao recinto de multiaventuras, Galipark, en Extramundi (Padrón).

Os alumnos experimentaron un día de retos e diversión, todo isto acompañado de exercicio ao aire libre. Puxeron a proba o seu vértigo enfrontándose a un circuíto de altura provistos de arneses, mosquetóns, tirolinas e obstáculos de equilibrio.

Afinaron a súa puntería co tiro ao arco e unha actividade de laser tag.

Finalmente refrescaron a súa tarde cunhas actividades acuáticas que nos deixaron impactantes imaxes deles descendendo polo tobogán de auga!! Podedes ver as fotos na nosa galería Flickr.

O pasado mércores 23 de Maio, tivo lugar no Auditorio Municipal de A Estrada, a XI Festa das Palabras, organizada polo equipo de Dinamizaestrada e dirixida excelentemente por dous alumnos do noso centro, Lía Vázquez e Mateo Lois, ambos de 1º de Bacharelato.

O evento reuniu a máis de 60 escolares de todos os centros do Concello, premiados no Concurso de microrrelatos e micropoemas, onde se lles entregou o libro que recolle as súas obras  e foron apadriñados no seu percorrer literario por Carlos Loureiro Rodríguez, investigador e autor estradense.

Desfrutando desta obra recén saída do prelo, e da que dispoñemos de varias copias no centro, deixámosvos unha escolma de fotos, agradecendo a participación e parabenizando aos nosos alumnos premiados:

• Andrés Díaz Vázquez
• Soledad Zixia Chedas Ferrín
• Carla Campos Valcárcel
• Antía Pérez Lodeiro
• Mariano Ramírez Hurtado
• e Hugo González Porto.

Co gallo da celebración do Día Internacional do Libro o alumnado de Coro de 1º de Bach acompañou á comunidade educativa da gardería estradense en todas as súas actividades, aportando contacontos e cancións varias.

A xornada contou ademais coa participación de Teresa Filloy e David Otero, que coma nós foron agasallados, entre outras cousas, con doces, chocolate e un fermoso marcapáxinas elaborado a partir da impresión dos pés dos bebés: "LER DEIXA PEGADA".

Unha xornada chea de agarimo, tenrura e ledicia. Moitas grazas á directora de Elfos por ternos convidado a participar nesta enriquecedora experiencia. Pódense ver as fotos na nosa galería.

O pasado mércores 22 de maio, o grupo de alumnas e alumnos de 4º da ESO desprazouse á residencia Amboage, ao lado do noso centro, para realizar unhas entrevistas sobre o período da transición a algunhas persoas residentes.

A actividade promove que coñezan de primeira man testemuños concretos sobre diferentes momentos e valoracións subxectivas do que significou o paso da ditadura á monarquía parlamentaria no estado español.

Acompañaron ao alumnado os profesores Roberto Fernández e Brais P. Moure, de Historia e Galego.

Máis imaxes na nosa galería.