Taller de Creación Artística

   Móstrase neste vídeo a proposta artística elaborada por un alumno de cuarto da ESO do noso centro, Iago Durán, dentro da campaña sobre contaminación acústica levada a cabo na materia de proxecto competencial.

   Os alumnos Manuel Míguez Sangiao e Luca Nehuén Barreiro Infanzón deseñaron e pintaron, en colaboración co departamento de Educación Plástica e Visual, un mural no muro interior do IES para poñer en valor a figura de Don Manuel García Barros. O noso agradecemento polo fantástico traballo realizado, conseguindo así realzar a figura do gran escritor que da nome ao noso centro.

O martes, 6 de xuño, celebrouse noTeatro Principal da Estrada a X edición da Festa das Palabras. Neste acto, o alumnado gañador do Concurso de Micropoemas e Microrrelatos recibiu os exemplares que recompilan os seus textos. Exerceu de madriña a escritora Charo Goldar, que puxo en valor os traballos dos rapaces e rapazas e fixo fincapé na importancia de empregar a nosa lingua para "crear unha obra única”.

O pasado mércores 26 de abril o alumnado de Artes visitou este espazo que integra estudo, galería e librería especializada en fotografía. Da man do fotógrafo Tono Arias, fixeron prácticas con cámara de placas e descubriron algúns dos fotolibros máis interesantes e únicos que poden atoparse na librería.

O alumnado de segundo de bacharelato de Artes convídavos á inauguración da súa exposición de carteis de cinema inspirados na obra de Saul Bass. Será este sábado 29 ás 12h nos Minicines Central. Os carteis estiveron expostos na cafetería do Centro ata este venres. Podedes consultar a nova publicada hoxe en Faro de Vigo.

   O Martes 7 de Febreiro, o alumnado de Artes do IES participou en Santiago nas seguintes actividades:

• Visita guiada á Escola de Artes e Deseño Mestre Mateo. 
• Visita a dúas exposicións que había na cidade: a primeira foi a Exposición "Imaxinaria" IV Mostra internacional de Ilustración Contemporánea na sede de ABANCA na rúa do Vilar, e a seguinte a de Sempre Máis co gallo do 20 aniversario do afundimento do Prestige.

No enlace podedes ver o trailer da curtametraxe de animación " El Gran Corelli " realizada polo exalumno Abel Carbajal como guionista orixinal e como director. Parabéns e sorte!

Trailer.

Parabén no nome de toda a Comunidade educativa.

A nova na prensa:

La Voz de Galicia

Faro de Vigo

Alumnos/as do bacharelato artístico musical do IES García Barros están a gravar un disco como proxecto final de estudios. Será o primeiro traballo discográfico levado a cabo nun centro escolar galego baseado en estándares de jazz. Este traballo, dirixido polo seu profesor Miguel Carbajal, será presentado a finais do mes de maio no museo do Mome da Estrada. Colabora cos gastos de gravación a Concellería de Cultura do Concello da Estrada.

Se desexas máis información prema aquí, tamén en El Correo Gallego e en La voz de Galicia.

Tanto o Faro de Vigo coma a Revista dixital Catrogatos publican artigos sobre a recollida do premio do público que se otorgou a Pedigree no "Festival de Cine Jove de Valencia".

"Pedigree" gañador do Premio ao Mellor Audiovisual de Fición na sección de Bacharelato e gañador do Premio do Público no III Certame Audiovisual Escolar do IES Monte Carrasco. A entrega dos recoñecementos tivo lugar no Auditorio Municipal de Cangas o pasado venres. Parabens

A curta Pedigree do Taller de Creación Artística do noso centro acada o terceiro premio no Concurso "Filmar para cambiar". Ver diploma e enlaces a noticias publicadas no Faro de Vigo e na Voz de Galicia.

A curtametraxe "Pedigree" do Taller de Creación Artística do centro foi seleccionada para participar na sección oficial de dous certames cinematográficos:

-"Filmar para cambiar" en Santiago, (proxectarase o 22 de maio as 22:00 h)

-"Cinema Jove de Valencia", certame que ten lugar entre o 22 e o 24 de xuño dentro do "Encuentro Audiovisual de Jóvenes del 28 Festival Internacional de Cine de Valencia-Cinema Jove".

Noraboa outra vez.

O pasado dia 2 de Maio tivo lugar a presentación da obra Pedigree (libro+DVD) no Mome da Estrada. Editáronse 1000 exemplares cuxa venda íntegra irá para a Cruz Vermella da Estrada polo seu labor solidario. Cada exemplar venderase por 10 euros e a distribución será polo propio IES Manuel García Barros e tamén se poderán mercar en calquera das librarías da Estrada. Ver noticia no Faro de Vigo.