Taller de Creación Artística

"Dairas", a curtametraxe de animación stop-motion do Taller de Creación Artística do MGB vén de recibir un novo galardón.

Neste caso trátase dos Premios Crearte 2010, convocados polo Ministerio de Cultura para o fomento da creatividade no ensino secundario (modalidade B, BOE luns 15 de marzo de 2010).

O premio consta dunha dotación económica de 23.000€ e dunha acreditación do Centro por parte do ministerio de educación como "Centro Educativo Creativo".

Na imaxe podemos ver aos profesores que forman parte do proxecto: Miguel Carbajal, Xoan Xosé Pérez, María Varela e Álvaro P. Vilariño.

Unha vez máis, noraboa a todo o equipo!

Podedes ver as reseñas aparecidas na prensa:

• Faro de Vigo (22/10/2010)
• Voz de Galicia (22/10/2010)
• Diario de Pontevedra (27/10/2010)

DAIRAS será proxectada no Festival Cortomieres"Festival de cortometraxes de Mieres" na súa 10ª edición, que terá lugar nesta localidade asturiana dende o 21 ata o 28 de xaneiro de 2011. De momento non está confirmada a data exacta.

Apertas a tod@s

Os compoñentes do Taller de Creación Artística acudirán o vindeiro 5 de outubro á invitación da entrega de premios do XV Festival de cine internacional de Ourense (sección Ouff Escola) pola súa participación neste certame coa aportación dunha curta de animación en plastilina: "DAIRAS" coordinada polo profesor Miguel Carbajal conxuntamente con outros docentes.

Onte tivo lugar, nun Teatro Principal abarrotado, a estrea de "Dairas". Podedes ver neste álbum as imaxes do acto (fotografías de Miguel Bugallo).

Na imaxe, o profesor Miguel Carbajal, director da curtametraxe, pronunciando unhas palabras antes da emisión da película.

Rolda de prensa celebrada o pasado 16 de xuño no Concello da Estrada.

Anunciamos dende aquí un segundo pase de Dairas no Teatro Principal da Estrada, unha vez esgotadas as entradas do primeiro.

Será o vindeiro luns 28 de xuño, ás 21:00 horas.

No transcurso da mañá de onte as entradas para a estrea de Dairas o vindeiro mércores 23 de xuño no Teatro Principal da Estrada, "voáronnos" literalmente das mans. Haberá pois un cheo absoluto para presenciar a primeira curtametraxe de animación do Taller de Creación Artística do MGB. Estamos intentando conseguir un segundo pase para toda aquela xente que quedou sen entrada.

Onte, unha parte do numeroso equipo que fai posible "Dairas", estivo gravando, baixo a dirección da profesora María Varela, nos estudios Phonos da Estrada, o que será parte da banda sonora orixinal de Dairas, o tema "Hope There´s someone", de Anthony & The Johnsons. Isto é unha mostra do que vivimos alí:

Dentro da banda sonora orixinal de "Dairas", a curtametraxe de animación do MGB, haberá sitio para a música clásica. Deixamos aquí unha mostra dos ensaios de gravación que tiveron lugar a semana pasada no Auditorio de Cruces, por parte do tenor Cesáreo Torres e a alumna do MGB Fátima Blanco. Así nolo contaba o director da curta, o profesor Miguel Carbajal:

"Hai momentos nas nosas vidas que quedarán para sempre na pequena materia gris....este sen dúbida é un deles. Foi tan fermoso poder ensaiar o lied de Shubert, con Fátima e Cesáreo, que só por iso xa pagou o esforzo. O son do vídeo, é o propio da cámara. Imaxinade o resultado final con unha toma profesional...espero que o vexamos pronto... "

E aquí tedes o resultado da gravación. Escoitade:
  

Un grupo de alumnos e alumnas do MGB ensaia, baixo a batuta de María Varela, profesora de música no Centro, o tema de Anthony & The Johnsons "Hope There´s someone", co obxectivo de incluílo na BSO orixinal de Dairas. Aquí tedes unha mostra dos ensaios.

Hoxe saiu publicado no suplemento do Faro de Vigo "A escola do faro" unha reportaxe sobre "Dairas". Aquí tes o arquivo en *.pdf