Economía

Alumnado de 1º e 2º Bacharelato de CC Sociais participou o martes 18 de Xuño nunha actividade didáctica organizada polo Departamento de Economía, visitando a empresa “DAVEIGA produción responsable“ en Chantada (Lugo).

A actividade iniciouse coa explicación por parte de Xosé Lois Lamazares, socio fundador da empresa, da posta en marcha do proxecto, a súa evolución e o modelo de Xestión empresarial Rural sustentable e Innovación baseado na Responsabilidade Socio-laboral, Económica, Medioambiental e Cultural.

O xoves 25 de xaneiro, os grupos de 1º e 2º de bacharelato de Economía asistiron á charla "A creación de empresas na universidade”, impartida polo profesor David Rodeiro Pazos, catedrático do Dpto. De Economía Financeira e Contabilidade da Facultade de C.C. Económicas de Santiago. O alumnado recibíu formación nunha 1ª parte, sobre a creación de empresas e a 2ª parte, da xeración de ideas ao plan de empresa. A charla foi organizada polo Departamento de Economía.

O alumnado de 1º de Bacharelato de Economía participou o día 10 de Xaneiro no programa “Educar en Xustiza” promovido polo Tribunal Superior de Xustiza de Galicia. A actividade comeza cunha explicación por parte do Maxistrado de Sá do Penal, das funcións do persoal da Administración de Xustiza, fiscais, avogados, letrados, testemuños e peritos. A continuación, informaron sobre os niveis nos que se estrutura esta administración, dos tipos de sentenzas xudiciais, as fases de instrución e execución, as dilixencias e a tramitación dos expedientes. Rematamos a visita coa asistencia a audiencias orais e finalmente dirixímonos ás dependencias de Xulgado de Xustiza en Santiago visitando as celas e as sás de identificación e recoñecemento. A actividade estivo organizada polo Departamento de Economía e o alumnado estivo acompañado polas profesoras Laura Veiga e Raquel Carballo.

Os días 12 e 14 de abril os alumnos de Economía participaron dentro do programa EDUEMPRENDE na charla Finanzas para mortais impartida por Francisco Javier Vidal Ferro, director da oficina do Banco Santander de A Estrada. O programa ten por obxecto fomentar a cultura financeira entre o alumnado de ESO e Bacharelato, acercando a xestión e manexo das contas bancarias, os aforros, operacións financeiras e medios de pago no estranxeiro. A actividade resoltou de gran interese para todo o alumnado.

Programacións didácticas por cursos

   O mércores 25 de xaneiro, os/as alumnos/as de Economía de 1º e 2º de bacharelato acudiron a Betanzos para coñecer as instalacións da empresa GADISA. Durante a visita participaron nunha sesión formativa sobre o funcionamento da área de aprovisionamento e loxística, departamento de marketing, as liñas de negocio e a RSC da empresa, rematando cun percorrido polas inmensas instalacións do almacén. Non podíamos deixar a cidade sen visitar o seu casco antigo, declarado conxunto histórico-artístico no ano 1970.

   Alumnado de 4º ESO e 1º Bacharelato visitaron na mañá do día 21 de Decembro o Parlamento de Galicia. Durante o percorrido aprenderon as funcións, a organización e a historia da institución; accederon ás dependencias máis solemnes do pazo do Hórreo como o Salón dos Reis, a Biblioteca, os patios interiores e o Hemiciclo, onde presenciaron unha sesión plenaria. Para rematar percorreron o casco histórico de Santiago visitando a Praza de Praterías, a Quintana, o Obradoiro e a Catedral.
   Acompañaron aos alumnos as profesoras Beatriz Mera, Esther Sánchez e Raquel Carballo.

Os alumnos de Economía de 4º ESO e 1º Bacharelato participaron durante os días 3 e 10 de Maio no programa “Educar en Xustiza”, promovido polo Tribunal Superior de Xustiza de Galicia (TSXG)

A actividade foi impartida polo Fiscal e a Xuíza, consistente na explicaciòn do funcionamento da Administración de Xustiza, tipos de xulgados, fases de instrucción e xuízo, dilixencias e tramitación dos expedientes, xurisdicción de menores e os seus dereitos e obrigas. Rematamos a visita coa asistencia a vista oral de varios xuízos na Sá do Penal do Tribunal de Xustiza de Santiago.

Este martes 19 de abril, o alumnado de 1º e 2º de bacharelato de Economía asistíu no salón de actos do centro a unha charla organizada pola Consellería de Educación dentro do Programa Eduemprende en colaboración con Afundación (Obra Social ABANCA).

A ponente foi Carlota Sánchez Puga, coordinadora adxunta da Área de Educación Superior de Afundación e a temática da mesma “Tendencias económicas que van marcar a economía do futuro”, resoltou de gran interese para o alumnado.

Hoxe, mércores 30 de marzo, o alumnado de 4º ESO e 1º Bacharelato na materia de Economía participou nun charla impartida pola Escola Galega de Consumo sobre Consumo responsable e sostible, Etiquetado dos alimentos e a Axenda 2030.

O luns 21 de marzo os alumnos de 1º Bacharelato da materia de Economía visitaron o Parlamento de Galicia.

Durante o percorrido aprenderon as funcións, a organización e a historia da institución; accederon as dependencias máis solemnes do pazo do Hórreo como o Salón dos Reis, a Biblioteca, os patios interiores e o Hemiciclo, onde protagonizaron un breve debate parlamentario.

Acompañaron aos alumnos as profesoras Fina Brea e Raquel Carballo.

Podes ver todas as fotos neste album de Flickr.

O martes 5 de outubro o alumnado de 2º de Bacharelato da materia de Economía da empresa e FUAX visitou a empresa IBERLUFFA (Ibérica de exponxas vexetais) en Caldas de Reis.

A visita iniciouse na plantación de luffas coas explicacións do proceso produtivo, características do froito, fermentación e secado, deseño e troquelado, comercialización do produto e loxística da empresa.

A actividade foi organizada polo departamento de Ecomomía e os alumnos estiveron acompañados pola profesora Raquel Carballo (máis imaxes neste álbum)

E se aínda non sabes o que é unha luffa, consulta esta páxina!

Hoxe 11 de Xuño os alumnos da cooperativa CODOURADA entregaron a Rocío González, presidenta da Asociación estradense en defensa dos animais (PALLEIRÁNS) a doazón correspondente aos beneficios acadados.

Os días 19 e 26 de maio os alumnos das Cooperativas escolares Codourada e 12Doce4Cuartos acudiron ao mercado local dos mércores para vender os seus produtos. Estiveron acompañados pola profesora Raquel Carballo e a experiencia foi moi satisfactoria.