Excursión a Asturias (3º ESO)
Enviado por Vicedirec. o 31 Maio, 2024 - 10:24
Os pasados 8, 9 e 10 de Maio, un grupo de 40 alumnos e alumnas de 3º ESO disfrutaron duns días de deporte e natureza en Asturias.
A viaxe comezou en Tuñón, o mércores 8 ao mediodía onde logo dun pícnic percorremos 30 Km en bicicleta pola Senda do Oso onde tivemos a sorte de poder ver a unha parella de osas que viven en semiliberdade (custodiadas pola Fundación Oso de Asturias) e numerosa fauna e flora salvaxe (incluídos boitres!!).
A segunda xornada estivo dividida entre a visita a unha cova de rocha caliza onde puxemos a proba a nosa claustrofobia e o parque de aventuras (onde pasamos a tarde entre tirolinas, pontes colgantes, lianas...) para rematar cun fermoso paseo por Ribadesella (e facer turisteo clásico).
O último día aínda deparaba un último esforzo físico pois despedímonos cun descenso de 8 Km polo Río Sella e mil aventuras nas dúas horas de percorrido, na que afortunadamente só temos que lamentar un escarpín perdido!
A nosa estancia no Hotel La Chopera foi moi satisfactoria e apacible, o alumnando, profesorado e monitores acompañantes viviron tres días moi divertidos e de harmonía e o único malo da saída é que rematou!
Desexando vivir novas aventuras, quedan aquí as fotos para a posteridade.
