O pasado venres tivemos o pracer e o honor de recibir no noso Centro a unha representación da veciña Residencia Amboage. Pasamos un moi bo rato compartindo con estes amigos unha 1ª tourne pola noso instituto (vestíbulo/cafetería/biblioteca -con acompañamento e guía por parte dos seus responsables) e amenizado polo alumnado de Coro de 1º de Bach.
O grupo foi recibido pola vicedirectora e acompañado dende o minuto 1 polo alumnado de 2º da ESO que desenvolve este curso a materia Proxecto Competencial todos os xoves na súa Residencia. Grazas a tod@s @s que fixestes posible esta extraordinaria experiencia.

Máis fotos da visita na nosa galería Flickr.

Os alumnos de 2º Bacharelato-A do noso centro: Pablo Brey Arca, Alejandro Cobas Correa e Fernando Sanmartín Sangiao participarán o venres 12 de abril na MASTERCLASS “COMPUTACIÓN CUÁNTICA” organizada polo Instituto Galego de Física de Altas Enerxías.

Poderán desfrutar dunha actividade científica a nivel internacional, con charlas sobre o mundo da computación cuántica e unha sesión práctica na que terán a oportunidade de utilizar un ordenador cuántico.

Os detalles da xornada poden consultarse na seguinte ligazón:

https://indico.cern.ch/event/1395459/overview

Dos días 16 ao 20 do pasado mes de marzo o noso alumnado de 4º de ESO desfrutou da súa viaxe de fin de etapa a Tenerife. Participaron en distintas actividades como a visita ao Parque Natural do Teide, Siam Park e Loro Park.

Estiveron acompañad@s pol@s profesor@s Alejandra Pérez, Anxo Fernández e Brais Prieto.

Algunhas das fotografías pódense consultar na nosa galería Flickr.

O venres 22 de marzo os alumnos e alumnas de 1º de bacharelato de Bioloxía e Anatomía asistiron á xornada do UniStem Day, dedicada á investigación sobre células nai, organizada polo grupo de investigación da enfermidade de Parkinson do CIMUS en Santiago de Compostela.

O xoves 21 de marzo, o alumnado da área de Bioloxía e Anatomía de 1º de bacharelato gozaron dunha charla formativa sobre os ósos que conforman o noso corpo, impartida polo profesor da UDC Isaac Fontes.

Máis fotos na nosa galería Flickr.

O ENL do IES García Barros comunicou na pasada semana as persoas gañadoras no Concurso de Microrrelatos e micropoemas "Luisa Villalta" do ano 2023-2024, convocado por todos os Equipos de Normalización Lingüística do concello, e que representarán por tanto, ao noso centro, na XI Festa das Palabras que terá lugar no vindeiro mes de Maio no Teatro Principal da Estrada.

O 5 de marzo de 2024 o Departamento de Xeografía e Historia realizou unha saída cultural a Santiago para os alumnos de 2º de bacharelato que cursan Xeografía, Historia da Arte e Patrimonio de Galicia.

Os alumnos/as de Xeografía, acompañados pola profesora Esther Sánchez Recio, participaron na XV Olimpíada de Xeografía, na facultade de Xeografía e Historia, convocada pola Delegación Territorial do Colexio de Xeógrafos de Galicia en colaboración co Departamento de Xeografía da Universidade de Santiago de Compostela. 

Os alumnos de Arte e Patrimonio de Galicia, acompañados pola profesora Beatriz Mera Pérez, foron visitar, mentres tanto, o casco histórico de Santiago, o Pazo de Xelmirez, a Catedral, as cubertas e o museo da mesma.  

Pola tarde todo o grupo visitou o Pórtico da Gloria, a Casa do Cabido e o Museo das Peregrinacións.

Pódense consultar as fotos da actividade na nosa galería Flickr.

A Consellería de Educación publicou a Resolución pola que se ditan instrucións para a acreditación das competencias dixitais do alumnado que curso ensinanzas de ESO e Bacharelato en Galicia no curso 2023/2024.

Alumnado que cursa 4º da ESO:

• Co graduado da ESO recibirá o certificado que acretide o nivel de iniciación.

• Poderá acreditar o nivel intermedio a través dunha proba específica que se celebrará no mes de maio no propio centro.

Alumnado que cursa 2º de Bacharelato:

• Co titulo de bacharelato acreditará as áreas de dominio 1, 2, 3 e 5 do nivel intermedio

• Poderá presentarse a unha proba específica para acreditar a área 4 do nivel intermedio, que se celebrará no mes abril no propio instituto.

Para solicitar participar nas probas, o alumnado interesado deberá presentar na secretaria do centro o anexo IV debidamente cuberto, con data: venres, 15 de marzo de 2024.

Máis información do Marco Galego de Competencias Dixitais nesta ligazón.

Parabéns de novo á nosa alumna Arabia de 2º Bacharelato polas dúas medallas acadadas no Campionato Galego sub-20 en Pista Cuberta: subcampioa galega en 400 metros e bronce nos 200 metros lisos.

Máis detalles no Faro de Vigo e en La Voz de Galicia.

O Club de Natación e Salvamento da Estrada ao que pertencen varios dos nosos alumn@s da ESO vén de lograr un grande éxito na súa participación no Campionato Galego de Salvamento celebrado a pasada fin de semana en As Pontes. Parabéns a tod@s!

Pódese consultar a nova en La Voz de Galicia e no Faro de Vigo.

Quen ten que presentar a solicitude de admisión?

Todo o alumnado procedente doutros centros educativos que desexe estudar o próximo curso no IES Manuel García Barros, excepto os que veñan do CEIP Pérez Viondi, CEIP do Foxo ou CEIP Cabada Vázquez e fixeran a reserva de praza no seu momento.

O alumnado dos CEIP nomeados anteriormente, ao estaren adscritos ao noso, ten asegurada a praza e só deberá realizar a matrícula nas datas indicadas no calendario que publicaremos no mes de xuño.

Cal é o prazo de presentación? 

Do 1 ao 20 de marzo ambos incluídos.

Que deberán presentar na secretaría do centro?

• A solicitude cuberta e asinada, dispoñible no centro educativo e nas seguintes ligazóns:
• Modelo de solicitude (anexo II).
• Na aplicación admision alumnado, onde se pode cubrir online ou descargar e encher manualmente.
• Na Sede Electrónica da Xunta de Galicia.

• Copia do DNI ou NIE do/a alumno/a
• Copia do libro de familia ou documento que acredite o nº de membros da familia
• Se é o caso, copia da sentencia de separación ou divorcio

Calendario de publicación da listaxe de admitidos/as e prazos de reclamación:

• Publicarase a listaxe provisional de admitidos e excluídos o 25 de abril.
• O prazo de reclamacións será de 5 días hábiles posteriores á data de publicación da listaxe.
• Publicarase a listaxe definitiva de admitidos o 15 de maio.

Prazo de formalización da matrícula ordinaria:

Do 23 de xuño ao 7 de xullo (o centro publicará en xuño o calendario detallado).

Xa temos na nosa galería Flickr as fotos do pasado venres 23 de febreiro, Día de Rosalía.