As cualificacións publicaranse vía Abalar o día 15/05/2024 ás 23:00

   Normativa para as reclamacións de 2ºBACH

Logo da charla impartida polo profesor Augusto Otero para o alumnado de 2º Bacharelato sobre a normativa vixente e aspectos prácticos da ABAU 2024, adxuntamos a presentación do contido da mesma que pode ser vista consultando neste documento.

Alumnado de Tecnoloxía e Enxeñaría I, de 1º de Bacharelato, Alma Diéguez e Samuel Sánchez, acompañados polo profesor Javier Fondevila, presentan na mostra Galiciencia, en Ourense, o resultado do seu traballo: "Xogar, mellor en maderia".

Imaxes do evento na galería do centro.

A mostra científica Galiciencia, na que se presentan proxectos e investigación científicas e tecnolóxicas realizadas por alumnado de centros de toda Galicia, celebrase entre os días 8 e 10 de maio en Ourense. Web do evento.

Novas en prensa:

• La Voz de Galicia

O pasado venres, 3 de maio, o grupo de alumnas e alumnos de 2º da ESO que participa na III Liga Maker Drone asistiron á última sesión de formación en pilotaxe de drones, antes da súa participación na final, que terá lugar o próximo xoves, 16 de maio, no Coliseum da Coruña. Imaxes do adestramento na galería do centro.

Novas relacionadas:

• Elespañol.es
• Eldebate.com

Web do evento.

O alumnado de 2º de Bacharelato que aprobe todo na convocatoria ordinaria de maio ten que facer obrigatoriamente o depósito do título e, se quere ir a Universidade, a matrícula para a ABAU.

Os trámites administrativos necesarios realizaranse na Secretaría do centro únicamente o día 16 de maio  de 9 a 14:00 horas.

Pulsa neste enlace para ter información completa sobre as taxas a pagar e a documentación a entregar.

No impreso de taxas para pagar o depósito do título deberás cubrir os campos que están en amarelo e do que tes un exemplo nestoutro enlace.

O alumnado de 3º da ESO do noso centro participou nunha xornada de bádminton co alumnado dos centros da contorna. Na xornada que organizaba a Agrupación Deportiva Escolar da Estrada houbo 150 participantes que tiveron dun día lectivo diferente, onde o máis importante era a convivencia co alumnado doutros centros ao tempo que disfrutaban dunha practica deportiva divertida. Máis fotos na galería Flickr.

Nova do Faro de Vigo.

Parabéns @s nos@s alumn@s que a pasada fin de semana acadaron diversos éxitos deportivos:

- Xían Diéguez proclamouse Campión da Fase Prata do Campionato de España coa selección Galega sub16 de fútbol.

- Lía Vázquez (1º BAC A) e Arauia Al Bachere (2º BAC B), acadan a prata co Ourense Atletismo no Galego de Clubes de Atletismo.

La Voz de Galicia. Faro de Vigo.

Xa están dispoñibles os títulos de Bacharelato ou ESO  do alumnado que rematou os seus estudos no ano 2022.  Todo  alumnado que finalizou os estudos neste ano ou nos anteriores deberá pasar pola Secretaría do centro para recoller o seu título se aínda non o recolleu.

 ** Nota (Se acabaches a ESO noutro Instituto deberás pasar a recoller o título nese centro)

Comunícase ás familias que fixeron solicitudes de admisión de alumnado novo no centro para o curso 2024-25 dentro do prazo habilitado, que todos/as  están admitidos/as e xa teñen adxudicada a praza.

O próximo paso será facer a matrícula no prazo que se indique no calendario que se publicará a finais de xuño nesta páxina web e entregar a documentación que se lle solicite.

Teñan en conta que as solicitudes de axudas para libros de texto na ESO terán que entregalas xa neste centro dentro do prazo que sinale a convocatoria que aínda non se publicou e que adoita acabar antes de facer a matrícula.

Así mesmo o alumnado que veña para bacharelato deberá ter en conta que a convocatoria de becas MEC para o curso que ven remata o 10 de maio. (Información na nósa páxina web máis abaixo).

O alumnado de 2º da ESO do noso centro participou no día de onte nos actos conmemorativos do Día da EF na Rúa na Estrada. Actividade organizada pola Agrupación Deportiva Escolar da Estrada na que máis de 350 escolares de 9 centros educativos do noso concello se reuniron na vila para darlle visibilidade e reivindicar a importancia da materia de educación física.

Nesta ocasión a convocatoria do COLEF busca promover a importacia da edución física e concienciar sobre a necesidade de aboradar a súde mental na poboación infantil e adolescente.

Novas de hoxe en relación ao evento: Faro e La Voz.

Fotos na galería Flickr.