"Adolescentes galegofalantes, especie en perigo de extinción?", O Xornal da Estrada
Enviado por admin o 14 Xuño, 2024 - 22:14
|
Como froito dun gran traballo de investigación, análise e interpretación de datos de carácter sociolingüístico, podemos ver a reportaxe titulada "Adolescentes galegofalantes, especie en perigo de extinción?". Reportaxe en que se describe e debulla o emprego do galego por parte do noso alumnado, e tamén do alumnado do Nº 1 da Estrada, dentro dos centros educativos e no eido dos medios de comunicación e da creación de contidos que consomen. Dende o IES Manuel García Barros queremos agradecer e felicitar, en primeiro lugar, a'O Xornal da Estrada por esta magnífica iniciativa e traballo xornalístico e, en especial, a Rubén Rosende, mais tamén a todo o alumnado que participou na súa elaboración (Borja Gorís, Andrea Silva, Aroa Carballo e Tania Carbia), na realización da enquisa e ao profesorado, tanto do noso centro coma do Nº 1, que achegaron a súa reflexión sociolingüística.
Parabéns pola reportaxe!! Seguide así!! Apostemos pola creación de contido en galego nas redes!!
Fonte: Canal youtube d'O Xornal da Estrada Máis información na Web d'O Xornal da Estrada
|
