A Oficina para a Igualdade de Xénero da Universidade de A Coruña e adscrita á Vicerreitoría  de Ferrol, Responsabilidade Social, ven de publicar o seu informe "A violencia de Xénero - A través da visión das mulleres do mar na Ría de Arousa".

"A intención (da investigación) era trenzar unha liña de base que permita establecer, con posterioridade, ámbitos investigadores máis definidos. Unha liña base, que permita entender, siquera sexa dunha maneira simbólica, como se comporta esa violencia nun ámbito onde intuimos, que se agochan hábitos ancestrais que se asumen coma normais. E por riba de todo, entender como perciben esa violencia as mulleres do mar: coñecer o inimigo para combatelo."

A Federación Galega de ANPAS de Compostela, compartiu coa ANPA, do C.R.A. de Rianxo, as imaxes da exposición:

Fotografías pola Igualdade.

No contacontos de martes 5 de novembro poderemos velas na Biblioteca.

Logo as profesoraas e os profesores, levaremos as fotografías polas escolas.

Album fotos de Rianxo

VER

Hoxe comezamos outra vez os experimentos no Club de Ciencia

Somos moitas nenas e nenos, 24 en total. Vimos de Abuin, de Capela, de Cruceiro, de Cuvide, de Outeiro, de Pazo, de Quintáns e de Raño. En fin de todas as escolas.

Estivo con nos María e despois de presentarnos fixemos varios experimentos con auga.

Antía explicounos que a auga está composta de partículas que se agarran entre elas, por eso, cando as botamos nun obxecto, a auga queda como agarrada ao obxecto. Fixemos experimentos con moedas e con vasos para comprobar que a auga queda agarrada. Tamén vimos como a auga nos protexe do lume.

Aqui estamos, faltaba algún neno, pero xa somos moitas María dixo que teríamos que facer dous grupos

Xulia coa pipeta, bota gotiñas de auga enriba dunha moeda e as gotiñas quedan agarradas á moeda, non se escapan.

Iker mira como Xulia tapa un vaso con auga cunha media. Se consigue estirar ben a media e logo dar volta ao vaso rápido, a auga non caerá. Ten algo de dificultade pero podemos intentalo

Hoxe, martes 22 de outubro, comezamos as sesións de contacontos na Biblioteca de Daniel.

Laura, unha mamá da Escola de Capela contaranos a historia de PelosTortos e a súa Figueira

Agardámoste hoxe  ás 5 da tarde na Biblioteca de Daniel na sede do C.R.A. de Rianxo, na Atalaia en Asados.

Os nosos compañeiros Baltasar e Pablo, presentaron o Proxecto de Internacionalización do C.R.A. de Rianxo, dentro das Xornadas de Internacionalización Educativa organizadas polo CAFI.

Estas xornadas ás que asistiron profesores e profesoras  de centros públicos de todas as etapas educativas da Comunidade Galega clebráronse o sábado 19 de outbro en Santiago e alí expúseronse diversas experiencias de internacionalización que se levan adiante en centros públicos galegos.

Mércores 23 de outubro pola tarde comezamos de novo as actividades do Club de Ciencia Nautilus.

Non esquezades anotarvos. Entregade a solicitude de inscripción antes de martes 22 de outubro á vosa profesora ou profesor.

Agardámosvos

23 DE OUTUBRO XA COMEZAMOS AS ACTIVIDADES DE CLUB

Podes acceder aos contidos da Programación Xeral Anual do curso 2019-20, pulsando no seguinte enlace:

PXA 2019-20

Podes acceder como convidado/a

O C.R.A. de Rianxo participará nas Xornadas Erasmus+ e Twining que se celebrarán na Escola Galega da Administración Pública, en Santiago, o día 19 de Outubro.

Pablo García Lorenzo, actuará como ponente ás 12:00 en representación do C.R.A. de Rianxo.

Nestas xornadas participará tamén como ponente a profesora Tamara Carreira Astray, que foi profesora no noso centro e actualmente traballa no C.E.I.P. Plurilingüe de Sigüeiro.

Programa das xornadas

O Clube da Natureza da ANPA Irmáns Ínsua, programa o 1º Roteiro da Natureza:

DATA: 12 DE OUTUBRO

PUNTO DE ENCONTRO: PRAIA DA TORRE

DURACIÓN: 2 HORAS

PREZO: 2 EUROS

Descarga o cartel