AXUDAS CONCILIACIÓN

No DOGA do 12 de xuño de 2020 publícase  RESOLUCIÓN do 5 de xuño de 2020, da Secretaría Xeral da Igualdade, pola que se establecen as bases reguladoras que rexerán as axudas á conciliación da vida familiar e laboral, por redución da xornada de traballo, como medida de fomento da conciliación e corresponsabilidade, cofinanciadas polo Fondo Social Europeo (FSE) con cargo ao programa operativo FSE Galicia 2014-2020, e se convocan para o ano 2020 (código de procedemento SI440A)

1. Poderán ser beneficiarias destas axudas as persoas físicas, homes e mulleres (neste último caso só se son familias monoparentais) que no período comprendido, entre o 1 de xullo de 2019 e o 30 de xuño de 2020 ambos os dous inclusive, se acollan á medida de redución da súa xornada de traballo para o coidado de fillos e fillas menores de tres anos ou menores de 12 anos no suposto de que padezan unha discapacidade recoñecida de porcentaxe igual ou superior ao 33 %.

ENLACE Á RESOLUCIÓN

AXUDAS CONCILIACIÓN DERIVADAS DAS CONSECUENCIAS DA COVID 19

Por outra parte e relacionado coa conciliación a Xunta publicita unha liña de axudas específicas relacionadas coas consecuencias da COVID:

ORDE do 11 de xuño de 2020 pola que se establecen as bases reguladoras das axudas ás familias con nenas e nenos de ata doce anos de idade para a conciliación na situación xerada pola COVID-19 a través do programa Bono coidado extraordinario (código de procedemento BS900C).

ENLACE AO SUMARIO DO DOGA 114 BIS

Neste curso escolar, 2019-2020, varios dos nosos nenos e nenas rematan no CRA de Rianxo e comezan en setembro no CEIP ADR Castelao de Rianxo. 

Todos os anos facemos unhas xornadas de convivencia para que coñezan aos seus novos compañeiros e compañeiras e ao propio colexio; así que este ano, ambos centros, creamos estes dous vídeos para que todo o alumnado se vaia coñecendo.

Agardamos que vos gusten!

A asociación AVOAR, na que está integrado o Psicólogo e  veciño de Araño David García Romero tense dirixido ao noso centro para ofertar un servizo gratuito de acompañemento psicopedagóxico.

Na comunicación David dinos:

"Escríbovos posto que como asociación puxemos en marcha a oferta gratuíta de acompañamento psicopedagóxico durante o confinamento, posto que tres de nós somos psicólogas (un psicólogo educativo e dúas psicólogas socias con experiencia no ámbito educativo) e atopamos que a nosa acción de aportación á comunidade como asociación neste tempo, ó non poder facer actividades presenciais, pode ir nesta liña."

Dende o C.R.A. de Rianxo, acollemos con agradecemento a súa oferta solidaria.

No ano 2019 celebramos o 30 aniversario da aprobación da Convención sobre os Dereitos do Neno (CDN) pola Asemblea Xeral das Nacións Unidas e, con tal motivo, a Plataforma de Organizacións de Infancia de Galicia ven de promover unha nova edición en galego do texto íntegro do tratado e unha serie de convencións adaptadas coa finalidade de achegar os dereitos da infancia ao conxunto da sociedade galega poñendo un fincapé especial nos nenos, nenas e adolescentes.

Enlace á folla na que descargar os textos

Como nos tiña prometido María, hoxe comezamos a montar os nosos robots.

Primeiro xogamos a facer construccións con variñas de plastico

Logo traballamos no robot Milo.

María abriu unha aplicación no ordenador e nos seguimos as instruccións da aplicación.

9, 16, 22, 23 e 30 de novembro

Aditorio de Rianxo Biblioteca Municipal Castelao

OBRADOIROS, CHARLAS - COLOQUIO - SHOWS CIENTÍFICOS - EXPOSICIÓNS

Concello de Rianxo, Universidade de Santiago, Deputación de A Coruña e Arenaria.

9, 16, 22, 23 e 30 de novembro

Aditorio de Rianxo Biblioteca Municipal Castelao

OBRADOIROS, CHARLAS - COLOQUIO - SHOWS CIENTÍFICOS - EXPOSICIÓNS

Concello de Rianxo, Universidade de Santiago, Deputación de A Coruña e Arenaria.

Estudio sobre a Violencia de Xénero nos ámbitos mariñeiros.

Investigación realizada pola UDC, no ámbito da Ría de Arousa

A Oficina para a Igualdade de Xénero da Universidade de A Coruña e adscrita á Vicerreitoría  de Ferrol, Responsabilidade Social, ven de publicar o seu informe "A violencia de Xénero - A través da visión das mulleres do mar na Ría de Arousa".

"A intención (da investigación) era trenzar unha liña de base que permita establecer, con posterioridade, ámbitos investigadores máis definidos. Unha liña base, que permita entender, siquera sexa dunha maneira simbólica, como se comporta esa violencia nun ámbito onde intuimos, que se agochan hábitos ancestrais que se asumen coma normais. E por riba de todo, entender como perciben esa violencia as mulleres do mar: coñecer o inimigo para combatelo."