Conmemoración do Día Escolar da Non Violencia e da Paz a través do Arte e o Movemento.

Para celebrar o Día Escolar da Non Violencia e da Paz, a comunidade educativa do noso cole, uniuse nunha emotiva xornada chea de actividades centradas en promover a paz, a harmonía e o respecto mutuo.

Unha das iniciativas destacadas foi a colocación de fitas de cores nas vallas do perímetro escolar, inspirada na obra orixinal da recoñecida artista Rivane Neuenchwader. Estas fitas, adornadas con mensaxes de paz escritas polos propios estudantes, crearon un paisaxe vibrante que simbolizaba a diversidade e a unidade na loita por un mundo libre de violencia.

O alumnado de 5º e 6º E.P. elevou as súas voces no día da Paz e non violencia para dicirlle a quen nos queira escoitar, que non noso cole seguimos tendo SOÑOS. Seguimos crendo nun mundo igual para todos e todas, libres de conflitos, onde os dereitos e as obrigas sexan os mesmos para cada un de nós. Acompañados á guitarra pola mestra en prácticas, Beatriz, a canción gravada só dous meses despois do asasinato do premio nobel da paz, Martin Luther King, encheu o patio da escola de soños e esperanzas nun futuro sen violencia.

Pero a participación do alumnado non se detivo aí. O alumnado de 5º e 6º curso de educación primaria destacaron ao proceder coa lectura dun manifesto de Paz, previamente elaborado con coidado e reflexión na aula. Este emotivo momento serviu como un recordatorio poderoso da importancia da colaboración e o diálogo na busca dun mundo máis pacífico e xusto.

Ademais, a comunidade escolar deleitouse cunha emotiva coreografía da canción "Móvete" de Paco Nogueiras, que capturou a esencia do movemento como unha ferramenta para a expresión e a conexión. Toda a comunidade educativa participou con entusiasmo, mostrando o seu compromiso con valores fundamentais como o respecto, a solidariedade e a tolerancia.

Durante todo o día, leváronse a cabo diferentes obradoiros e charlas reflexivas nas aulas que fomentaron o diálogo aberto sobre a importancia de construír unha cultura de paz no entorno escolar e máis alá. Estes esforzos non só buscan sensibilizar á comunidade educativa, senón tamén inspirar accións concretas que promovan un cambio positivo na sociedade.

O Día Escolar da Non Violencia e da Paz foi un evento conmemorativo no noso centro que puxo en valor o compromiso colectivo de construír un mundo máis xusto, pacífico e solidario.

Para conmemorar o Día Escolar da Non Violencia e da Paz (30 xaneiro), levaremos a cabo unha instalación baseada na obra orixinal da artista Rivane Neuenchwader. Encheremos as cancelas metálicas do noso centro con lazos de cores, nos cales escribiremos palabras, desexos ou mensaxes que nos transmitan paz. 

Comezaremos a proposta cun bote de cristal en cada aula, que os nenos e nenas irán enchendo con palabras significativas escritas en papeis de cores, co paso dos días. Cando se aproxime a data da conmemoración, transcribiremos estas palabras a lazos de diferentes cores e finalmente colgarémolo no exterior. 

Gustaríamos facervos partícipes a vós, as familias, como parte fundamental do proceso educativo, de xeito que tamén deixedes o voso gran de area nesta proposta. Para elo, deixaremos no recibidor do colexio un pequeno recuncho con todo o necesario para participar se o desexades: pensade nunha palabra significativa que bos transmita paz, escribídea nun lazo de cor e metédeo no bote, de xeito anónimo. 

Todos estes lazos xunto cos escritos polos vosos nenos e nenas, colgaranse no exterior do colexio o martes 30 de xaneiro, conmemorando así o Día da Paz no noso centro educativo.   

Para conmemorar o día da paz e non violencia, os compañeiros/as de 6º E. Primaria decidiron facer de Jackson Pollock. Non pintaron un cadro abstracto, senón que coa técnica do “dripping”, deseñaron unha pomba da paz.

E por que usar pinturas tendo chocolate? Nunca unhas pombas da paz resultaron tan saborosas. Cada un deles/as fixo a súa, e compartimos algunhas máis cos demais compañeiros/as da escola.

Desfrutade das nosas pombas da paz e coñecede un pouco máis a Pollock, tamén nomeado como Jack the Dripper, que non “the Ripper”.

• https://www.tate.org.uk/kids/make/paint-draw/make-chocolate-painting

Este ano, para conmemorar o Día da Paz e Non Violencia no noso centro, cada curso escolleu uha das persoas premiadas ao longo da historia para posteriormente investigar sobre esa persoa.

Os traballos realizados foron presentados ao resto do alumnado durante os días previos ao Día da Paz.

A continuación podedes ver os diferentes traballos de investigación realizados:

Traballos realizados polo alumnado de Educación Infantil.

• Vídeo sobre a vida e obra de Wangari feito polo alumnado de infantil.

Traballos realizados polo alumnado de 1º de Ed. Primaria.

• Presetación sobre Rigoberta Menchú.
• Entrevista a Rigoberta Menchú do alumnado de 1º EP.

Traballos realizados polo alumnado de 2º de Ed. Primaria.

• Vídeo sobre a vida e obra de Malala polo alumnado de 2º EP.

Traballos realizados polo alumnado de 3º de Ed. Primaria.

• Vídeo sobre Ales Bialiastski.Coplas.

Traballos realizados polo alumnado de 4º de Ed. Primaria.

• Presentación sobre Leyma Gbowwe.
• Vídeo presentación sobre Leyman Gbowee polo alumnado de 4º EP.

Traballos realizados polo alumnado de 5º de Ed. Primaria.

• Vídeo presentación sobre Nelson Mandela do alumnado de 5º EP.

Traballos realizados polo alumnado de 6º de Ed. Primaria.

• Presentación dos premiados en 2022 polo alumnado de 6º EP.
• Presentación en pdf.

Traballos realizados polo alumnado nas clases de inglés.

La mochila de la Paz

O Día da Paz. todo o alumnado e profesorado interpretou a canción La mochila de la Paz para conmemorar dita data.

Os/as SUPERHEROES do cole empregan todos os seus poderes para eliminar a violencia na nosa sociedade, empezando polo noso colexio.

Seguindo a campaña de UNICEF, “Vacina do bo trato e da paz”, comezamos a nosa tarefa.

• https://www.unicef.es/educa/buentrato

Inscribímonos na campaña e recibimos as nosas cartillas de vacinación nas que escribimos os nosos propósitos para rematar coa violencia que nos rodea.

Puxemos as tiritas co lema #EndViolence, como remedio a esa ferida.

Creamos un mural no que os/as Superheroes do coidado son quen de eliminar o Sueiro Virus coa Sueiro’s Vaccine.

Os componentes desa vaccine son: kindness, friendship, equality, be happy, respect, smile, good listener, love.

Na nosa cartilla de vacinación quedaron reflectidos todos estes compoñentes para que non os esquezaos.

Non hai virus que poda coa nosa vaccine.

Os/as compañeiros/as de 4 E.P. uníronse a esta campaña de vacinación. Vacinas do bo trato e da paz para todos/as!

http://www.edu.xunta.gal/centros/ceipmanuelsueiro/node/1613

JOIN US IN THIS AMAZING ADVENTURE

Este ano, a celebración do Día da Paz, no noso cole, foi un pouco distinta á de anos anteriores por mor do Covid. Por iso, parte do alumnado estivo pescudando ao longo deste mes sobre os ingredientes precisos para elaborar unha vacina contra este virus que está a mudar os nosos hábitos. Na seguinte ligazón podedes atopar máis información sobre este gran descubrimento para a noso a comunidade educativa.

O alumnado de 1º de Ed. Primaria realizou un mural co abecedario da Paz.

O venres 29 de xaneiro, na hora do recreo, presentamos as seguintes actividades que se estiveron traballando nas nosas aulas nos días previos a esta data:

• Lectura de manifesto da Paz.
• Recitado das coplas da Paz.
• Coreografía da canción "Baile da Paz" de Mamá Cabra.

Nas aulas das seccións bilíngües os/as SUPERHEROES do cole empregan todos os seus poderes para eliminar a violencia na nosa sociedade, empezando polo noso colexio.

Ver presentación a toda páxina.

PHOTOCALL

Ao longo da semana da Paz, realizamos durante a Hora de ler diversas actividades para conmemorar dita data.

• Traballamos sobre a vida e obra dos premios Nobel de 2018: Nadia Murad e Denis Mukwege.
• Pescudas de información sobre outros premios da Paz: Gandhi, Teresa de Calcuta, Rigoberta Menchu e Martín Luther King.
• Concurso sobre os premios Nóbel traballados.
• Cada día da semana interpretamos unha canción sobre a Paz:
• "Tu enemigo", de Pablo Lóez.
• "Que canten los niños", José Luis Peralez.
• "El mundo de los niños", de M. Jackson.
• "No dudaría", Antonio Flores.
• "Los nilos queremos la Paz".
• "Mamá, quero ser Ziggy Satartus" polo alumnado de 5º e 6º de EP.
• Traballamos o libro  "Mamá, quero ser Ziggy Satartus" de Iria Misa.
• Decoración do rincon da Paz sobre o traballo do libro de Iria Misa.
• Decoración do corredor da entrada co mural "Ergamos as mans pola Paz".
• Presentación das Seccións bilingües: "A message of Peace".
• Representación de "La Paz" de Mamá Cabra polo alumnado de Ed. Infantil.
• Realización dun Photocall: "Mensaxeiros da Paz".

Durante a semana da Paz todo o alumnado do centro traballou a canción de Paco Nogüeiras "Apertas que voan".

No vídeo e nas imaxes podedes observar o ben que o pasaron interpretando a canción o Día da Paz.