Os nenos e nenas de 1º de Educación Primaria innovan co conto "A castaña que rebentou coa risa" nun vídeo cheo de creatividade e novas tecnoloxías
Os alumnos e alumnas de 1º de Educación Primaria do colexio CEIP Plurilingüe Manuel Sueiro levan a cabo un proxecto creativo e innovador baseado no conto tradicional "A castaña que rebentou coa risa". Ao longo das últimas semanas, os estudantes tiveron a oportunidade de dar renda solta á súa imaxinación e traballar de forma colaborativa na creación de un vídeo que mestura narración, recursos audiovisuais e o uso das novas tecnoloxías.
Unha actividade que forma parte del proxecto de desenvolvemento de competencias dixitais y creativas, que ten como obxectivo fomentar o traballar en equipo, unha expresión artística e integración de ferramentas tecnolóxicas en aprendices. A través del uso de tablets e computadoras, os nenos e nenas, xunto co seu profesorado, traballaron no deseño de escenarios virtuais, gravación de voces e incluso na creación de efectos especiais que, como na historia do conto, "fai explotar" a castaña.
O entusiasmo foi palpable entre o alumnado, que implicouse de cheo no proxecto. O proceso creativo comeza coa lectura do conto, onde animamos ao alumnado a reflexionar sobre as emociones e os sentimentos que transmiten unha historia. Despois, foron quen de crear a súas propias interpretacións e axudaron a deseñar os elementos visuais do vídeo.

O alumnado de 5º e 6º de Educación Primaria do CEIP Plurilingüe Manuel Sueiro celebrou o Día das Librarías cunha emocionante visita a diversas librarías da cidade. Esta actividade, organizada pola Agrupación de Libreiros de Ourense para celebrar o Día das Librarías en colaboración coa Concellería de Educación de Ourense tivo como obxectivo fomentar o amor pola lectura e a importancia das librarías na nosa cultura.

O alumnado, cheos de entusiasmo, participaron nunha divertida busca do tesouro que os levou a explorar cada rincón de catro librarías ourensás (Nobel, Platero, Katedra e Eixo). A dinámica da actividade consistía en resolver pistas relacionadas con libros e autores, o que non só estimulou a súa curiosidade, senón que tamén lles permitiu descubrir novas lecturas e compartir momentos de alegría entre compañeiros.

Os monitores, que se encargaron de organizar a xornada, demostraron un gran bo facer ao guiar aos rapaces e rapazas durante toda a actividade. A súa dedicación e creatividade foron fundamentais para que a experiencia resultase tan enriquecedora e divertida.

Ao finalizar a visita, o alumnado regresou ao centro educativo con grandes sorrisos e cheos de novas historias que contar. Sen dúbida, esta celebración do Día das Librarías quedará gravada na memoria de todos os participantes, reforzando así o seu amor pola lectura e a importancia de apoiar as librarías locais.

O Club de lectura de 6º de curso de Educación Primaria do CEIP Plurilingüe Manuel Sueiro, elixiu como primeiro libro “A Señorita Bubble: Deus salve as raíñas” de Ledicia Costas da Editorial Xerais.

O libro foi traballado na última semana do mes de setembro e nas dúas primeiras do mes de outubro. O libro “A Señorita Bubble: Deus salve as raíñas” trata  de como a señorita Bubble recibe unha carta de Isabel II e ten que viaxar de inmediato ao Palacio de Buckingham. A raíña está en problemas: hai unha invasión de ratas na cidade de Londres. Conseguiron entrar no palacio e roubaron unha das pezas máis valiosas da colección de Isabel II. Os roedores actúan baixo as ordes de Jack White, un cazador de ratas que conseguiu adestralas coa intención de dominar o Reino Unido. A inventora vai ter que despregar todo o seu enxeño para recuperar a peza roubada e tamén para que a paz regrese a Londres.

Actividade 1: Lectura
    Lectura colectiva en voz alta.

Actividade 2: Análise das personaxes
    A presentación das personaxes protagonistas e os comentarios que suscitou a súa chegada deu pé para traballar os prexuízos: entenderon perfectamente que as primeiras impresión son importantes, pero non definitivas e que, a maior parte das veces, as cousas non son o que parecen.

Actividade 3: Traballo de contidos da área de lingua
    O texto serviu como práctica para traballar os contidos que estabamos dando na aula nese momento: os verbos (tempos verbais, conxugacións), pronomes, tipos de oracións.

Actividade 4: Ilustración
    O alumado realizaron debuxos das personaxes en diferentes situación e con diferentes calidades, o que nos permitiu afondar nos contidos relacionados cos adxectivo.

Actividade 5: Elaboración da guía de lectura.
    O alumado realizou dixitalmente a guía de lectura deste libro.

Actividade 6: Concurso sobre o libro.
    O alumado realizou por grupos o concurso sobre a compresión do libro.

Actividade 7: Kahoot.
    O alumado realizou individualmente a compresión do libro a través do Kahoot.

 EN GALEGO:

 

EN CASTELÁN:



Actividade 8: Conclusión/valores
    Despois da lectura fixemos un mapa conceptual sobre os valores que se poden extraer da historia.

________________________________________

 RECURSOS EDUCATIVOS PARA TRABALLAR O LIBRO

________________________________________

• Guía de lectura. Word. Pdf.

• Guía de lectura (castelán). Word. Pdf.

• Preguntas para o concurso de lectura. Word. Pdf.

• Preguntas para o concurso de lectura (castelán). Word. Pdf

• Audiolibro.

O xoves 24 e o mércores 30 de outubro o CEIP Plurilingüe Manuel Sueiro celebrou o Día das Bibliotecas acollendo unha actividade moi especial para todo o alumnado do centro: un contacontos titulado "O señor do castelo", levado a cabo por Sabela Gago. Esta iniciativa, que forma parte do programa de fomento da lectura, tivo lugar na aula de psicomotricidade e contou coa participación entusiasta de todos os nenos e nenas.

Desde o primeiro momento, o alumnado mostrouse completamente enganchado á historia, que os transportou a un mundo de fantasía e aventuras. As risas e os aplausos non cesaron durante toda a narración, e os pequenos participaron activamente, facendo preguntas e comentando as peripecias do protagonista. A emoción era palpable, e os rostros de alegría dos nenos reflectían o ben que o estaban pasando.

Sabela Gago, a contadora, soubo captar a atención dos pequenos con súa narración dinámica e interactiva, animando a todos a involucrarse na historia. Ao finalizar a actividade, os alumnos expresaron o seu desexo de repetir a experiencia, destacando que foi unha das actividades máis divertidas que realizaron ata o momento.

Os docentes do CEIP Plurilingüe Manuel Sueiro valoraron moi positivamente esta iniciativa, que non só fomenta o amor pola lectura, senón que tamén contribúe ao desenvolvemento da imaxinación e a creatividade dos nenos. Sen dúbida, esta xornada de contacontos quedará gravada na memoria dos pequenos, que xa están desexando que Sabela Gago volva ao seu colexio para seguir compartindo historias máxicas.

A comunidade educativa do CEIP Manuel Sueiro continúa comprometida co fomento da lectura e a creación de espazos onde a imaxinación e a diversión se entrelazan, sempre co obxectivo de ofrecer experiencias enriquecedoras aos seus alumnos.

24 de outubro de 2024

30 de outubro de 2024.

Nun emocionante acto que reuniu ao alumnado, profesorado e persoas afeccionadas á lectura, a Biblioteca do CEIP Plurilingüe Manuel Sueiro celebrou con éxito, hoxe 24 de outubro o Día das Bibliotecas Escolares. Este día converteuse nun día inesquecible para fomentar a lectura e o amor polos libros entre os nenos e nenas do noso cole centrados no horto escolar e nos bos hábitos de alimentarios.

A nosa horta transformouse nun auténtico paraíso literario para celebrar este día tan especial. Os alumnos e alumnas dde todo o colexio vestiron os traxes de diversos personaxes da nosa horta escolar pasando polo teatro grego e rematando cunha bonita canción do noso coro.

As actividades comezararon a primeira hora da mañá coa representación dun contacontos levada a cabo por "Sabela Gago" coa obra O señor do castelo, na que relata a historía duns fantamas que chegaron a un castelo máxico.

Ademais, a biblioteca ofreceu unha ampla selección de novos libros que pasaron a encher as Mochilas viaxeiras que o alumnado de todo o centro levará por quendas para ler nas súas casas.

A xornada culminou cunha representación teatral do alumnado do colexio centrada no PDI Anual "No Sueiro plantamos as sementes dunha convivencia diversa e multicultural, para recoller os seus froitos no noso horto escolar" no que as persoas protagonistas das obras ían facendo un percorrido por cada unha dos traballos que realizarán cada unha das aulas: xerminación, códigos QR, plantas aromáticas, plantas sanadoras, denominación de orixe, hotel de bechos e a importancia dos hortos escolares na Axenda 2030.
A celebración do Día da Biblioteca Escolar no CEIPP Manuel Sueiro non só promoveu a importancia da lectura, senón que reforzou o vínculo entre a comunidade escolar e a biblioteca. Este evento deixou unha impresión duradeira no corazón e na mente dos alumnado, inspirándoos a continuar a súa viaxe literaria e explorar novos mundos a través dos libros.

A biblioteca do CEIP Plurilingüe Manuel Sueiro segue a desempeñar un papel fundamental na educación dos nenos e nenas, e eventos como este subliñan a súa aposta polo fomento da lectura e a aprendizaxe permanente.

No curso escolar 2023/2024, a hora de ler, no 4º curso de Primaria , realizouse todos os días en horario de 12:00 a 12:20 horas, tendo como obxectivo prioritario Contribuír ao fomento do gusto pola lectura.

A configuración da hora de ler estivo deseñada polo titor D. José Antonio Regal Vázquez ( sesións de luns, xoves e venres ) e a profesora de P. T. do centro , Dna. Patricia Ramírez  Mancebo ( sesións de martes e mércores).

Obxectivos:

• Mellorar a lectura (comprensión e expresión lectora).
• Afianzar valores (amizade, verdade, respecto, empatía,...) .
• Favorecer a expresión plástica.
• Coñecer algo sobre os distintos tipos de texto.
• Coñecer e aceptar a propia identidade.
• Valorar a amizade e o compañeirismo.
• Ampliar o vocabulario a través dos contos.
• Actuar con autonomía na  vida cotiá e nas relación de grupo.

Actividades.

• Ler o conto en distintas versións (lectura en voz alta e en voz baixa)
• Dramatizar algún episodio do conto.
• Colorear debuxos do conto.
• Escoitar o conto.
• Participación no CONCURSO DE ANIMACIÓN Á LECTURA que tiveron lugar ao remate da lectura de cada un dos libros elixidos a tal efecto.

Temporalización.

Na hora de ler, que se realizou todos os días , utilizáronse os seguintes libros:

• 1º trimestre: libro común a todos os nenos e nenas.
  
  RITA E OS LADRÓNS DE TUMBAS de Mikel  Valverde. O libro cativou aos nenos e ás nenas participantes do club de lectura, e agora buscan estender o seu entusiasmo  a toda a comunidade escolar. A obra, escrita  por Mikel Valverde, transporta aos lectores a unha emocionante aventura chea de misterios, amizade e valentía.

• 2º trimestre: libro común a todos os nenos e nenas.
  
  MIÑA AMIGA INVISIBLE  de Eduardo Santiago.
  Cando a súa familia abandona a cidade para vivir nunha aldea preto de bosque, Uxía descobre un mundo descoñecido onde nada é o que parece ou non parece o que é. O veciño máis próximo é un apicultor rabudo que, no canto de criar abellas, semella poñer trampas para apreixar fadas. A nova escola tampouco é como esperaba, tendo que soportar o acoso e as burlas dos máis brutáns simplemente polo seu aspecto (e por ser máis intelixente que todos eles). Coa inesperada aparición dunha amiga invisible intentará superar todos os atrancos que a realidade teima en poñer no seu camiño.

• 3º trimestre: libro común a todos os nenos e nenas.
  UNA BOLSA DE PATATAS FRITAS  EN LA POLINESIA  de Jordi Sierra i Fabra.
  Shiya vive tranquilamente en Takuu, unha pequena illa da Polinesia, ata que a subida das augas por mor do cambio climático ameaza con facer desaparecer a illa. Shiya atopa na agua unha bolsa de patacas fritidas que vén de moi lonxe. Xunto co seu amigo o gran paxaro de as vermellas viaxará ata a fábrica de patacas tratando de descubrir a orixe da bolsa... Unha historia sobre as consecuencias que teñen os nosos actos, por insignificantes que podan parecer nun principio.

Ademais dos libros mencionados , que serviron como base para os distintos CONCURSOS DE ANIMACIÓN Á LECTURA, traballamos con diferentes textos como CONTOS,  LENDAS,FÁBULAS , CREACIÓN DE POESÍAS e achegámonos ao mundo do CÓMIC, realizando cada alumna e alumno as súas  propias viñetas.

A  hora de ler realízase todos os días, de 12:00 a 12:20 horas e a súa configuración está deseñada pola titora Eva Vidal Ferro (3 sesións) e por María Concepción López Martínez (2 sesións). Aínda que moitas das sesións deste curso tamén contamos coa inestimable colaboración da responsable de biblioteca.

Nas diferentes actividades que se fixeron procuráronse cubrir os diferentes gustos do noso alumnado, polo que buscamos que as lecturas e as actividades ao longo do curso fosen variadas en contidos, xénero, tipoloxía e complexidade. Para isto utilizamos diferentes soportes: impresos e electrónicos (libros de lectura propiamente ditos, prensa, libros de consulta, cómics, folletos, obras de teatro, Internet… tanto en galego como en castelán. 
No curso escolar 2023/2024  realizamos as seguintes actividades:
1º trimestre: lecturas comúns a todos os nenos e nenas.

•    Castelán: La vuelta al mundo en 80 días. Ed. Almadraba. O Club de lectura de 6º curso de Educación Primaria traballou o libro durante o mes de setembro e outubro. O libro Trata sobre o cabaleiro inglés Phileas Fogg quere demostrarlle á sociedade do seu tempo (1872) que se pode dar a volta ao mundo en só 80 días. Durante a viaxe, Fogg e o seu servo Passepartout teñen que loitar contra todo tipo de obstáculos e, sobre todo, contra o paso do tempo. Este libro foi a escusa perfecta para que o alumnado de sexto sentise curiosidade pola vida no século XIX, polas diferencias culturais en todo o mundo, polos fusos horarios e o seu funcionamento, polos medios de transporte e a súa evolución ao longo da historia... e mesmo polos debuxos animados que vían os seus pais e a súa titora cando eran coma eles. Os medios tecnolóxicos facilitáronnos descubrir todo isto... a continuación deixámosvos dous enlaces que empregamos ao longo da nosa lectura. As actividades que realizamos foron as seguintes:

• Debuxos animados: “Willy Fog: la Vuelta al mundo” (canción)
• Realizamos a viaxe de Phileas Fogg co Google Earth

•    Galego: Obra de teatro “SuperLeo e os personaxes máxicos”.(Día das Bibliotecas). Este ano, como os maiores do colexio, tocounos levar o peso da celebración do Día das Bibliotecas Escolares, o 25 de outubro. Pero para que esta festa puidese ser posible os nenos e nenas de 6º dedicáronlle moitas sesións de lectura a memorizar e a ensaiar a obra que escribiu para eles a responsable da nosa biblioteca. Despois chegaría o momento, tan esperado, de vestir os traxes dos seus personaxes literarios favoritos, desde Harry Potter ata os protagonistas dos contos clásicos, dando vida ás historias que lles gustan. O ambiente estaba cheo de maxia e aventura, e a ilusión polos libros estaba no aire. As actividades deste día comezaron a primeira hora da mañá coa representación da obra titulada “Superleo e os personaxes máxicos” na que dunha forma lúdica e divertida ían inculcando nos nenos e nenas a formación de usuarios. A xornada culminou cun concurso no os protagonistas da obra ( os nenos e nenas de 6º EP) ían facendo preguntas ao público infantil sobre diversos aspectos do funcionamento da biblioteca. A celebración do Día da Biblioteca Escolar no CEIP Manuel Sueiro non só promoveu a importancia da lectura, senón que reforzou o vínculo entre a comunidade escolar e a biblioteca.

•    Castelán: Folletos/ trípticos publicitarios elaborados polo propio alumnado. Cando planificamos a organización da hora de ler tiñamos claro que un dos obxectivos ía ser fomentar o gusto pola lectura e, para logralo, iamos ler en diferentes formatos e soportes. O que nunca pensamos é que os nosos alumnos e alumnas de 6º de EP serían capaces de crear eses propios documentos con tanta calidade. A finais do primeiro trimestre cada neno e nena elixiu un tema do que era “experto”, ampliou a información que tiña, organizou o seu tríptico, decidiu como escribilo (se a man ou con ordenador) e creou un folleto que máis tarde lle presentou ao grupo clase. Desde entón todos os trípticos presiden o corredor do colexio baixo o lema (elixido democraticamente) : “¿Qué quieres aprender hoy?”.
    Este foi o modo en que os nosos lectores de sexto se converteron en escritores e publicistas por uns días. Agora toda a comunidade educativa ten a oportunidade de ler o que eles escribiron. Non dubidedes en pasarvos polo noso recuncho!

2º trimestre: lecturas comúns a todos os nenos e nenas:

•    Galego: Segredos Soterrados. Xabier Domínguez Pérez e Alba de Evan Freijedo. Ed. Xerais. O Club de lectura de 6º curso de Educación Primaria traballou o libro durante o mes de xaneiro e febreiro. O libro relata unha aventura nun campamento de Muiños (Ourense) nos traslade a principios do século XX e remova nas nosas mentes o aprendido no primeiro trimestre sobre a II Guerra Mundial. Pois isto foi o que lograron os seus autores ao escribir a historia de Anxela, Sabela, Jorge e a “especial”gata Morriña.    Os protagonistas deste libro conseguiron que nos mergullásemos nunha trama onde se entrelazaron os intereses económicos e corruptos dunha poderosa multinacional, coa defensa do medio ambiente e coa presenza nazi en Galicia. Unha trama que lle encantou aos nosos lectores de 6º e na que afondamos grazas ao Kahoot que crearon os nosos compañeiros de 5º EP e do encontro que tivemos cunha das súas autoras: Alba De Evan. Este foi un  dos libros que máis nos gustou este ano.

•    Galego: O destino de Kameko de Abel Alves Ed. Aira. O Club de lectura de 6º curso de Educación Primaria traballou o libro durante o mes de marzo. A iniciación no universo da banda deseñada en galego  chegou a sexto a través do libro “O destino de Kameko” do escritor Abel Alves e con Jorge Campos como ilustrador. Este libro naceu nunha “fabrica de soños nada en Allariz”: Aira editorial, unha desas xoias coas que contamos en Ourense e que as veces non valoramos o suficiente. A historia de Chiharu, unha moza orfa, salvada da morte por unha misteriosa guerreira, cativou aos nenos e nenas de sexto. Eles tan acostumados ao mundo do “manga”, á cultura do Xapón e ó mundo oriental, explicáronlle a esta titora as reviravoltas desta obra... Quen era a nena que levaba sempre unha tartaruga no alto do cocorote? Por que quere apreixala o máis despiadado asasino do imperio? Eles axudáronme a entender esta banda deseñada e eu, como agradecemento, ensineilles os debuxos animados máis orientais e orixinais da miña época e recomendeilles os “mangas” baseados neles: “O doutor  Slump e Arale”. Este libro foi outro acerto na nosa selección, non só porque gozaron moito léndoo senón porque lles deu ás para realizar os seus propios cómics.

•    Galego: “Miña casiña, meu lar” de Rosalia de Castro (poema) convertido en banda deseñada. Continuamos coa lectura en todos os xéneros e formatos. Agora, aproveitando a iniciativa da Fundación Rosalía de Castro conmemoramos o día da escritora, o 23 de febreiro, para lermos o poema “Miña casiña, meu lar” de Follas Novas, no que unha muller pobre conta un capítulo da súa épica diaria: a de sobrevivir. Esta muller que vén de Santiago a Padrón e chega á casa mollada e esfameada, a pesar de que carece de todo e de que os seus avaros veciños lle negan o que lles sobra, consegue o milagre da supervivencia: facer un humilde caldo de gloria e un bolo do pote.
    A comprensión do poema, o análise do léxico e a morfoloxía do mesmo fixeron que fósemos capaces de facer o noso primeiro comentario de texto. Despois virían a memorización e o recitado posterior a carón do resto dos compañeiros do centro. E non podemos esquecer, a parte máis divertida, transformalo nunha banda deseñada como a que acababamos de ler na historia de “Destino de Kameko”.
    Ademais descubrimos que Rosalía, a do XIX, non deixa de sorprendernos e este ano lemos unha adaptación (da man da coordinadora de Normalización Lingüística), na clase  e para o resto do colexio, do que se considera o primeiro manifesto feminista da historia: Lieders.
    Rosalía sempre universal, como ponte de unión entre o feminismo, a banda deseñada e a solidariedade das persoas e dos pobos... outro gran descubrimento para os nosos lectores.
 
•    Castelán/ galego: novas sobre “pioneiras galegas”.

3º trimestre: lecturas comúns a todos os nenos e nenas:

•    Galego: obra de teatro: “Leo chega do espazo”. Os alumnos de sexto volvéronse a converter en actores e actrices neste terceiro trimestre. Tiveron que dedicar moito tempo e esforzo para memorizar e ensaiar a obra escollida para conmemorar o Día do Libro. Esta vez para representaron: ” Leo chega do espazo”, unha obra adaptada e dirixida polo equipo de biblioteca, que narra a historia dun libro espacial que, perdido e triste, chega ao noso planeta. Ao chegar, atópase co Libro de Rexistro da biblioteca do CEIP Manuel Sueiro, que se converte na súa guía neste novo mundo. A través dunha viaxe máxica polas instalacións da biblioteca, Leo descobre a organización do espazo, a clasificación dos fondos documentais e a gran variedade de libros que ten á súa disposición. A obra, chea de humor e valores como a amizade, a curiosidade e o amor pola lectura, foi un completo éxito. Representouse en varias funcións ao longo do Día do Libro para que todo o alumnado puidese gozar con ela.

•    Castelán e galego: contos do apadriñamento lector para o día do libro.

•    Galego:  “A Balada dos Unicornios” de Ledicia Costas. Ed. Xerais. O Club de lectura de 6º curso de Educación Primaria traballou o libro durante o mes de maio. Non podía rematar o curso sen lermos algo da escritora por excelencia na actualidade da narrativa infanta-xuvenil en Galicia. Sí, a mesma, Ledicia Costas. Esta vez escollemos o libro a “Balada dos Unicornios” da ed. Xerais.    A obra transcorre na Escola de Artefactos e Oficios, onde os mozos e mozas máis brillantes son capaces de crear casas motorizadas, sombreiros voadores e outras proezas abraiantes. Ágata McLeod é unha das mellores alumnas, pero hai moitas cousas que descoñece da institución... e do seu pasado. A inventora terá que viaxar á orixe do mundo nunha travesía ateigada de aventuras e perigos. Fantasía e ciencia mestúranse nunha loita sen cuartel que enfronta corvos e unicornios. A verdade é que dende o inicio a historia esta tan chea de intrigas que os nosos nenos e nenas de sexto estiveron a piques de perderse. Pero unha lectura ao aire libre e  en contacto coa herba fresca foi suficiente para reconectalos co que Ledicia lles quería contar. A ver se deixa de chover e podemos repetir a experiencia!

MEMORIA PAL 2023-2024. ÁREA LINGUA ESTRANXEIRA.

As liñas de acción programadas ao inicio do curso tomaron forma tal e como se describe a continuación:
I.- EDUCACIÓN DOCUMENTAL:
 Remitimos aos apartados de fomento de lectura, hora de ler, e PDI de centro para ver as accións concretas.
II.- FOMENTO DE LECTURA:

II.1.- Promover a lectura.
 A xustificación que demos na programación de inicio de curso e os obxectivos que nos marcamos foron o punto de partida para as actividades desenvolvidas co noso alumnado.
Desde a nosa área as lecturas estIveron integradas nos diferentes centros de interese programados para este curso, e sempre dependendo da capacidade de reading do noso alumnado.
A base dos nosos títulos está en lingua inglesa, aínda que incluímos textos en castelán e galego, fomentando o plurilingüismo no noso centro.
O desenvolvemento completo das accións levadas a cabo para promover a lectura foron as seguintes:
- E.Infantil
A very lazy ladybird
Colin colours
- E.P.: Nos diferentes cursos integraremos algunhas lecturas nas diferentes unidades didácticas.
1º: “Blippy the robot” e colección bilingüe “Pepe en Inglaterra”.
2º: Colección bilingüe “Pepe en Inglaterra”.
3º: Colección “Winnie the witch”
4º: Colección “Clara secret”.
5º e 6º: - Lectura de letras de cancións, unha por mes e Lectura de “tongue twisters” no 1º trimestre.
II.2.- Hora de Ler. Club de Lectura Sueiriños.
As lecturas desenvolvidas no club de lectura foron as seguintes:
- “La puerta secreta del Museo del Prado”. ( Ed. EDEBÉ)
http://www.edu.xunta.gal/centros/ceipmanuelsueiro/node/2323
https://www.edu.xunta.gal/centros/ceipmanuelsueiro/node/2493
   A información documental atopámola nas seguintes direccións:
•    La guía visual del Museo del Prado.
https://www.museodelprado.es/recurso/la-guia-visual-del-museo-del-prado/882d7e55-f30c-f0fb-5c62-cf1134af615a
•    Las Meninas en pictogramas.
https://www.museodelprado.es/recurso/las-meninas-en-pictogramas/c561e5aa-e78b-965f-2230-ae880052456c
 •    Audioguías infantiles.
https://www.youtube.com/watch?v=PC_NxAhTlZc
https://www.youtube.com/watch?v=3cqdOhuboC4
- “The world’s greatest heroes: Matin Luther King Jr.”   ( Banda deseñada )
 http://www.edu.xunta.gal/centros/ceipmanuelsueiro/node/2380
 III.- PDI de centro.
A nosa achega ao PDI de centro foi desde a área de plástica en 5º E.P. co proxecto desenvolvido ao longo de todo o curso escolar, titulado “MIS PIES JUNTO A LOS TUYOS”.
- Educación documental:
   - 16 de octubre. Día mundial de la Alimentación.
https://www.fao.org/home/es
https://www.fao.org/world-food-day/es
https://www.wfp.org/stories/growing-peace-break-vicious-circle-hunger-and-conflict
 - 20 de noviembre. Día de los Derechos de la Infancia.
https://ciudadesamigas.org/20n-2023/
https://www.unicef.es/educa/mural-derechos
https://www.unicef.es/causas/derechos-ninos
- Recursos bibliográficos:
• El cielo de Afganistán. ( Ed. Cuento de Luz )
• Cuentos alrededor del mundo. Mali. ( Ed. Vaughan )
• El sueño de la pequeña Efna. ( ING Ed. )
• Lolota da la vuelta al mundo. ( Kailas editorial )
• Lolota en los Balcanes. ( Kailas editorial )
• O lapis máxico de Malala. ( Ed. Xerais )
• Iqbal, niño valiente en Pakistán. ( Ed. Juventud )
• La escuela secreta de Nasreen. ( Ed. Juventud )
• La bibliotecaria de Basora. ( Ed. Juventud )
- Avaliación PDI:
Participa todo o alumnado? SI
Os nenos/as foron protagonistas? SI
Cal foi o sentir do alumnado? Sentido pertenza ao grupo
O alumnado expuxo o seu proxecto? SI
As actividades resultaron atractivas? SI
Participaron as familias? Si, na aportación de materiais.
O proxecto sae da escola? SI
Acadáronse os obxectivos específicos propostos? SI
Desenvolvemos as comp. clave iniciais? SI
Os recursos proporcionados pola biblioteca foron axeitados? SI
Foi axeitada a temporalización? SI
A metodoloxía de aprendizaxe por proxectos resulta ben? SI

HORA DE LEER

O curso escolar 2023/2024, a hora de ler, realizouse todos os días despois do recreo co obxectivo prioritario Contribuír ao fomento do gusto pola lectura.
A configuración da hora de ler estará deseñada pola mestra Marta Herrán López, titora de 1º E.P. os luns, xoves e venres e Mª del Mar Pereira Gil os  martes centrándose nos seguintes obxectivos
Obxectivos:
•    Desfrutar dos nosos contos preferidos.
•    Reducir o estrés, mellorar a concentración e incrementar o benestar emocional do alumnado a través de prácticas como o mindfulness e o yoga.
•    Traballar os valores de respeto á natureza, amizade, tolerancia e compañerismo entre outros.
•    Mellorar a lectura (comprensión e expresión lectora)
•    Desenvolver a súa creatividade a través da expresión plástica.
•    Ampliar o vocabulario a través dos contos.
•    Traballar as emocións a través dos contos.
•    Traballar a poesía.
•    Coñecer as partes do cómic.
Actividades.
•    Selección dos contos que lle gusten aos nen@s para traballar a saude e benestar un dos obxectivos de desenvolvemento sostenible.
•    Lectura dos contos que @s nen@s traen da súa casa para compartilos cos seus compañeiros.
•    Actividades de mindfulness antes de empezar a lectura para que l@s niñ@s estén máis concentrados e atentos na tarefa.
•    Actividades de ioga para traballar os medos e inseguridades.
•    Ler o conto en voz alta entre todos, a mestra ou algún compañeiro.
•    Dramatizar algún dos conto.
•    Actividades plásticas e creativas dos contos que traballamos.
•    Escoitar o conto contado por outras persoas.
•    Lemos poesía.
•    Creamos poemas para o día da poesía.
•    Iniciamos no cómic coñecendo as súas partes: viñetas, globos, espazo do narrador, onomatopeas, símbolos e liñas de movemento.
•    Ler os contos que traemos para os nosos proxectos  e aproveitalos para traballar algún contido que nos interese.
Temporalización.
Na hora de ler, que se realizou todos os días despois do recreo, de  12:00 a 12:20  traballamos  os seguintes contos:
1º trimestre:
O primeiro conto  que traballamos foi "Luuume".  Comezamos coa xestión de emocións:  Mama Pinza, Papa mestra Novelo e os seus amigos apagan o lume de Mixto e fanlle entender que enfadarse non é malo, o que non está ben é que a ira se apodere de ti. Como unha das mensaxes centrais destacouse a importancia de comprender as emocións e aprender a xestionalas. Despois de moitas lecturas, de comprender o conto, traballamos os personaxes (como falan, como se moven...) fomos a realizar unha representación aos compañeiros doutras aulas na biblioteca. Tamén fixemos unha bonita manualidade de todos personaxes que podedes ver neste enlace:https://www.edu.xunta.gal/centros/ceipmanuelsueiro/node/2343. E comenzamos as técnicas de respiración, aprendendo a manter a calma mediante prácticas de mindfulness.
Tamén fixemos durante o Samaín 4 sesións  de ioga para traballar os medos.
1º SESIÓN: Cando temos medos estamos fronte a algo que pensamos que é perigoso. Os medos son moi importantes porque nos protexen dos perigos, pero claro, as veces temos medos de cousas que non existen, que están na nosa imaxinación, algo que vimos nunha película pero que non ten nada que ver coa nosa realidade (de onde estamos e do momento no que nos atopamos). De aí a importancia de usar os ANTIMEDOS para que o medo non chegue a paralizarnos. Cando temos un pouco de medo o noso corazón vai un pouco máis rápido e aparécenos pensamentos negativos e con un pouco de drama (imaxinamos o peor que nos poden pasar). Cando temos un pouco máis de medo xa nos sentimos máis nerviosos, o noso corpo está máis tenso pero ainda podemos saír correndo e actuar. Pero cando sentimos moitísimo medo, este paralízanos e deixamos de facer cousas que nos gustan por esta emoción, aquí tamén nos poden axudar os ANTIMEDOS. Imos facer unhas sesións de IOGA para que estos medos non nos paralicen pero antes elaboramos unha lista de cousas que nos dan medo. Xa tes a lista feita? Pois agora imos coller 3 cores e rodeamos cunha cor o que nos da moito medo, con outra o que nos da pouco medo e coa última o que nos da medio medo. Unha vez teñamos feita a lista deixámola e comezamos a nosa clase de IOGA. Levantados e estirados na postura da montaña pomos a man dereita no noso corazón e aí respiramos. Cando temos medo sentímonos moi pequeniños e deixamos de confiar. Para confiar tapamos os ollos cun pano, comprobamos que non vemos nada e camiñamos se temos esterilla no borde da esterilla cos pes descalzos e senón arredor das mesas da nosa aula. Despois colocámonos no medio da esterilla e facemos un saúdo ao sol cos ollos pechados (entro no meu corazón, saúdo ao sol, saúdo á terra, como un sapo que salta a auga, arrástrase como unha serpe sssssssss, camiñando subo cara a montaña, ráscome as  pulgas dunha perna, logo da outra e o sapiño volve saltar, adeus terra, adeus sol e volvo ao meu corazón) Que tal foi? Cada vez que facemos algo cos ollos pechados temos que confiar moito e entón é un ANTIMEDO moi efectivo.
2ª SESIÓN: Como podemos facer co noso corpo para non sentir tanto MEDO? Posturas fortes e valentes. Queredes aprender alguna? Precisamos un dado e respiramos na postura as veces que nos saen no dado.
1º Postura da árbore: é unha postura de forza e equilibrio que nos axuda a enraizar e sentirnos tan seguros coma umha árbore. Tiro o dado e respiramos as veces que nos toca. Unhas respiraciones nun lado e otras no outro.
2ª Postura do/a bailarín/a: Podemos usar a parede se perdemos o equilibrio (collemos o pe dereito coa man dereita e inclinámonos un pouquiño cara adiante, despois co outro pé)
3ª Postura  do avión: unha perna estirada e a outra apoiada e os brazos na cadeira, primeiro cunha perna e despois coa outra. Tiramos o dado.
4ª Esta última e a máis complicada e tamén nos vai axudar a superar os nosos medos. Sentámos coa espalda apoiada na parede e tocamos os talóns. Despois colocamos as nosas mans onde están os nosos talóns na parede. Colocamos o interior dos cóbados mirándose e despois subimos con coidado a parede. Xa atemos máis confianza co noso corpo.
3ª SESIÓN
Quen é o animal máis valente? O LEÓN. Pois imos respirar coma él para sacar os nosos medos que non son reais. Sentados coas nalgas nos talóns collemos moito aire e ao exhalar soltamos un ruxido de león quitando todos os medos do noso corpo (mirando cara arriba e sacando a lingua cara abaixo) Repetimos as veces que nos fagan falta ata que xa non quede ningún rastro de medos.
4ª SESIÓN:
E coa nosa MENTE que pasa?
Cando temos moito medo temos moitos pensamentos e a maioría son negativos. Para limpar todos estos pensamentos a min axúdame moito RESPIRAR.
Temos 4, 5 obxectos por exemplo unha piña ou calquera cousa do outono que atopamos no bosque, unha pedra ou unha concha que colleramos na praia, un pauciño, unha folliña. Colocamos os obxectos nun lado e coas pernas dobradas en postura de ioga imos collendo os obxectos, colocámolos entre o peito (onde colocamos as mans para facer o aummm) e respiramos e imos deixando os obxectos no outro lado. A pedriña ten unha mensaxe moi especial, está escrito (Non teño medo, moi valente son) Esta frase vainos a axudar para os nosos medos así que repetímola varias veces (non teño medo coas mans no peito, moi valente son levantamos os brazos cara arriba e coas mans estiradas) Repetimos as frases por dentro e sen xentos. Repetir estas frases axúdanos a ter menos medos, a ter pensamentos máis positivos e sen medos no noso corazón. Teño máis confianza incluso se camino cos ollos pechados. Agora que xa fixemos estas actividades ANTIMEDOS volvemos a coller a nosa lista e agora podes ver se estas cousas che siguen dando tanto menos coma antes ou se alguna xa non che da medo. Revisámola e guardamos esta lista na nos casa nunha caixiña ou nun sitio para sacala e apuntar os novos medos que van aparecendo e seguimos revisándoa. Acórdate de facer as actividades ANTIMEDOS para que fuxan. Para rematar a sesión cantamos: Eu son único, eu son magnífico/ non hai ninguén coma min.Ti eres único, ti es magnifico/  Non hai ninguen coma ti.
2º trimestre:
Grazas. Historia dun rueiro; conta a historia sobre a convivencia e as relacións humanas. Unha historia sobre todos nós. Por mor dunha avaría inesperada, a vida do rueiro vai mudar totalmente. Grazas á curiosidade e á empatía, os veciños e veciñas van chegar lonxe, moi lonxe. E farano xuntos. A partir do conto, ademais de desfrutar da súa lectura, traballamos a comprensión e a descrición dos seus personaxes (como son, como van vestidos, que é o que lles gusta facer, onde viven…) e aproveitamos esa actividade para coñecer a nosa contorna, onde vivimos nós, como é a nosa casa  nosos/as compañeiros/as.Disfrutamos coloreando e facendo os debuxos dos seus maravillosos personaxes que despois levamos para casa e así contarlle a historia a nosa familia.
3º trimestre:
Como neste trimestre a escritora de Xela. A superheroína de aldea Inma Soto ven a visitarnos a nosa escola traballamos antes o seu conto. Como Xela disfruta do espazo amable no que vive,o entorno rural xogando ao aire libre, observando os animaliños e coidando deles e da importancia de alimentarse ben (os vexetais da horta, os ovos das pitas, a carne da veciña e a mel do seu avó) para ser unha nena sá e forte. Traballamos o texto, a súa comprensión e fixemos un kahoot para avaliar a comprensión do conto, que elaborou o titor de 2º e que aos nen@s encantoulles. Tamén traballamos os animais que saían no conto facendo unha ficha de cada animal facendo un dibuxo, características físicas, tipo de animal, alimentación, maneira de desprazarse, forma de reproducirse e así traballamos  o currículo de ciencias naturais. Durante todo o curso os nenos foron traendo os seus contos favoritos, que por suposto contáronllo os/as seus compañeiros/as. Estos contos foron:
- A toupiña que quería saber
- A xoaniña rosmona.
-La pandilla de los 11
-La montaña de libros más alta del mundo
- Erase una vez una sirena.
Tamén durante todo o curso fixemos todos os días unha actividade de mindfulness que @s nen@s xa necesitan e piden. Entre os exercicios realizados mostramos os seguintes:
-    RESPIRACIÓN: Inhalo nun tempo e exhalo en dous e imos aumentando inhalo en 2 e exalo en 4 sempre cos ollos pechados… (a exhalación o dobre ca inhalación)
-    OS CINCO DEDOS DA RESPIRACIÓN: Levanta a túa man e estira os dedos como una estrela. Co dedo índice da outra man traza ou dibuja imaginariamente a man que tes estirada. No proceso inhalas, sosten o aire uns segundos, retes arriba e exhalas baixando. Tomas una pausa corta nos puntos e vales da túa mano. Sacude agora as túas mans e avalia como te sentes. Senteste máis calmado? Ou necesitas facelo outra vez? Se é así, toma 5 máis.
-    RESPIRACIÓN PRANAYAMA: nesta respiración obstrúense as fosas nasais cos dedos, primeiro unha e logo otra, inspirase pola dereita, retense o aire e logo exhalase pola esquerda, e despois en dirección contraria.
-    RESPIRA MENTRES FAS FIGURAS: Imaxina un triángulo de tres lados: co dedo índice inhala subindo o triángulo, baixa retendo o aire e exhala completando o triándulo.
Ahora facemos un cadrado: inhala facendo o lado darriba, reteño metres baixo, exhala mentres fago o lado de abaixo e reteño mentres subo. Primeiro facémolo co dedo índice e despois coa mente.  Por último facemos un círculo comezamos inhalando mentres facemos media circunferencia hacia a esquerda e exhalamos soltando o aire ata chegar a completar o círculo.
-    RESPIRACIÓN DE PRETZEL : A respiración é a de Pretzel ou do Nó. O primeiro que imos facer é estirar os brazos cos polgares cara abaixo, cruza os brazos, entrelaza os dedos e sostén as mans. Pasa as mans por debaixo cara o corazón. Imos a soster o nó aquí, apreta ben e toma aire, aguanta o aire e logo relaxa completamente. Se estás de pé, tamén podes cruzar as pernas antes de tomar aire para facer o nó completo. Estas respiracións practicamolas  mentres estén calmos, de esta maneira, será máis sinxelo usalas cando estén en momentos de alta ansiedade ou estrés. E canto máis vexan modelar estas respiracións, máis te imitarán.
-    RESPIRACIÓN DE S.T.A.R.T.: As próximas respiracións son de Disciplina
Consciente (Conscious Discipline), un programa que ensina aos nenos a regular as   emocións. E unha das cousas que ensinan é respirar co ventre ou diafragma - o cal chaman ser unha estrela.
Chámase a ESTRELA, en inglés, STAR, que polas letras significa Sorríe, Toma Aire e Relaxa.
Trátase de respirar profundo para inflar e desinflar a túa barriga. Para facelo ben vaite a axudar por unha man na túa barriga. O primeiro paso é sorrír, o que relaxa os músculos na túa cara e axuda a sentirse mellor no mesmo momento. Logo, toma aire (sinte como a túa barriga énchese e sae para fóra), e relaxa (deixa ir o aire e sente como a túa barriga vai cara adentro).
E concéntrate nunha exhalación máis longa, deixando que todo se vaia coa respiración: deixa ir o medo, a ansiedade, o estrés.
-    Audios: Tranquilos y atentos como una rana como una rana de Eline Snel.. 3 Atentos á respiración. 4 O exercicio do spaguetti  5. O botón da pausa 7. Un lugar seguro…
-    O MEU LUGAR SEGURO: (visualización)
Pechamos os ollos e pensamos nun lugar onde     vivimos unha emoción onde estábamos moi a gustiño (na praia, no campo, na montaña, no parque…) Benestar edónico.
Unha vez que estás aí contempla: que estás vendo?, Gústache o que ves? Que escoitas? (o son da auga, a avoa batendo ovos para facer unhas galletas…) A que cheiras? (ao mar, a comida da mamá, o cheiro verde do campo….) Que sintes? Nas mans, nos pes, hai brisa… Recordamoslle o ben que se sinten. Esto podemolo repetir varias veces para desois cando estén mal vaian ao seu lugar seguro e así poder relaxarse. (É un METAMOMENTO)
-    EXERCICIO COMER UNHA UVA PASA CON ATENCIÓN PLENA (KABAT ZINN)
-    Entre outras.
Como conclusión, destacar a  motivación que tiverom @s nen@s na hora de ler non só polos contos senón polas actividades de mindfulness . A valoración foi moi positiva tanto para nós como para eles e despois desta primeira experiencia pensamos continuar nos anos posteriores.

O curso escolar 2023/2024, a hora de ler, realizouse todos os días en horario de 12:00 a 12:20 horas, tendo como obxectivo no que buscamos espertar e realzar o gusto e o pracer por ler.

A configuración da hora de ler estivo deseñada polas titoras Mª Dolores Nieto Merino e Iria Pérez Rodríguez, esta última só durante o primeiro trimestre, xunto a profesora de AL Natalia Castro Martínez, centrándonos nos seguintes obxectivos

Obxectivos:

•  Crear hábitos de lectura saudable ao establecer rutinas regulares de lectura.
• Traballar as competencias clave, principalmente: Comunicación Lingüística, Aprender a aprender, Conciencia e expresións culturais e Social e cívica.
• Compartir as nosas lecturas con outras persoas.
• Potenciar a creatividade estimulando a imaxinación ao estar en contacto con distintos xéneros literarios e estilos narrativos.
• Promover a lectura como fonte de diversión e aprendizaxe.
• Mellorar a través da lectura, o vocabulario, a comprensión lectora e a expresión oral e escrita.
• Fomentar a empatía e a comprensión humana
• Coñecemento de persoas escritoras e obras literarias galegas.
• Fomentar o traballo en equipo a través da biblioteca escolar.

Actividades.

• Participamos no club de lectura a través de libros como Xela, Lume, descubramos o océano, etc.
• Fixemos uso dun caderno persoal de lecturas para rexistrar os libros lidos.
• Dramatizamos algún episodio do conto.
• Traballamos o vocabulario descoñecido creando un pequeno dicionario que quedou plasmado no caderno de lecturas.
• Actividades e xogos para coñecer o entroido galego a través dos “Bolechas”
• Colorear debuxos dos libros.
• Escoitar contacontos, actividades organizadas polo centro.
• Traballamos con revistas educativas analizando artigos para expoñelos aos seus compañeiros. Miraremos, asemade, como a mesma noticia pode ser interpretada de diferentes xeitos dependendo da persoa que a lea.
• Traballamos o teatro.

Temporalización.

Na hora de ler, que se realizou todos os días  utilizáronse os seguintes libros:

1º trimestre: libro común a todos os nenos e nenas.

• REVISTAS:  Caracola e Reportero Doc”
  As revistas foron traballadas no mes de setembro do curso escolar 2023/2024, onde analizaron artigos para expoñelos aos seus compañeiros. Miraremos, asemade, como a mesma noticia pode ser interpretada de diferentes xeitos dependendo da persoa que a lea.
• LIBRO 1º: “Luuuume”
  O libro foi traballado nos meses de outubro onde nos centramos na xestión das emocións, prestando especial atención á ira.
• LIBRO 2º: “Sabela e os zocos máxicos” .
  Seguindo no mesmo mes, neste libro rexistramos o vocabulario galego descoñecido a través da historia dunha nena no rural.
•  LIBRO 3ª: “O cazo de Lorenzo”
  Durante o mes de Outubro e Novembro do curso escolar 2023/2024, este libro tiña o foco en tratar a diversidade.
• LIBRO 4º: Libros de temática relacionados co nadal. Cada neno puido escoller un libro da exposición que se puxo na Biblioteca relacionada con esta festividade,

2º trimestre: libro común a todos os nenos e nenas.

• LIBRO 1º: “Mercedes quiere ser bombera”
  O libro foi traballado no mes de Xaneiro. A temática principal é a igualdade de xénero. Este libro deu moito para reflexión e debate sobre a situación de xénero na actualidade.
• LIBRO 2º: “Pregunta a Dra Peteiro sobre o tempo”
  O libro foi lido nos meses de Xaneiro e Febreiro. Con este libro traballamos conceptos do tempo xa que este tema está ligado ao noso PDI “Acción polo Clima”
• LIBRO 3ª: “Descubramos o océano”. Como este ano se conmemora o “ano do cómic”, durante os meses de febreiro e marzo traballamos o coidado dos océanos a través dun cómic.
• LIBRO 4º: “Os bolechas no entroido”. A través do caderno que ten este libro, os nenos aprenderon sobre o entroido e as súas peculiaridades.
• POEMA  DE ROSALÍA: “miña casiña, meu lar” pola conmemoración do día de Rosalía analizamos este poema como parte dunha actividade organizada a nivel de centro.

3º trimestre: libro común a todos os nenos e nenas.

• LIBRO 1º: “XELA”. Este libro foi lido en Abril. Deseñamos un caderno de actividades onde os nenos facían comprensión lectora xunto con xogos onde o alumnado coñeceu o nome de animais da fauna típica galega. Ao rematar, tivemos o privilexio de ter como invitada a autora do libro representándonos o conto e firmando aos seus cadernos.
• LIBRO 2º: “Te necesitamos” Un libro que trata o tema dos animais en perigo de extinción. Ao igual que o libro da Dra Peteiro, que mencionamos anteriormente, este libro está ligado a temática do noso PDI.
• LIBRO 3º: “Quen me quere adoptar?” O mes de maio comezamos lendo este libro coa finalidade de enganchar aos nenos na lectura a través dun divertido relato corto.
• LIBRO 4º: “Estrela...fugaz?” Seguindo no mes de maio e como aínda non traballáramos nada de teatro, escollemos esta obra para enganchalos a outro estilo de libro onde cada neno poderíamos practicar a dramatización.
• REVISTAS:  Caracola e Reportero Doc”
  As revistas foron de novo traballadas no mes de maio e xuño, onde analizaron artigos para volver a traballar a selección, concreción e exposición oral.