Un ano máis, continuamos realizando a Hora de ler todo o alumnado do centro ao mesmo tempo, nunha sesión estipulada no horario escolar lectivo, entre as 12:00 horas e as 12:20 horas, tocando o trimbre do colexio ao inicio e ao final da mesma.

Parte das actividades realizadas ao longo do curso 2021/2022, na Hora de Ler, pódense ver na seguinte ligazón:

• http://www.edu.xunta.gal/centros/ceipmanuelsueiro/taxonomy/term/86

Premendo nas seguintes imaxes podemos ver un resumo das actividades realizadas por cada curso:

	4º e 5º de Ed. Infantil
5º Ed. Infantil.	1º de Ed. Primaria.
2º de Ed. Primaria.	3º de Ed. Primaria.
4º de Ed. Primaria.	5º de Ed. Primaria.
Hora de ler de 6º de EP	6º de Ed. Primaria. Inglés

Durante a metade 2º trimestre, o alumnado de 4º de Educación Primaria traballou o libro Luuume! escrito por Andrea Freire e ilustrado por Laura Miranda Moreno para Antela Editorial.

Este álbum ilustrado narra a historia de Misto, achegándonos á súa personalidade. O pequeno Misto está sempre enfadado. Cando sente rabia e malia que o intenta, non consegue controlarse. De feito, cada vez que o embarga a ira, acéndese e prende a chispa.

Tanto a súa familia (mamá Pinza e papá Tapón) como as súas amizades (Mestra Nobelo, Resorte, Botón e Parafuso) tentan axudalo, pero mentres Misto non sexa quen de xestionar a súa ira, non poderá autocontrolarse e gozar.

Este magnífico álbum presenta – de forma moi atractiva- valores tan necesarios como o autocoñecemento e o autoconcepto, imprescindibles para conseguir a aceptación da propia personalidade e un autocontrol das emocións.

Non estamos ante un “típico” libro de emocións, pois tanto historia, como a selección de personaxes (obxectos da vida cotiá), a tipografía e as ilustracións, axudan a achegarse de forma sinxela e motivadora a temas difíciles de explicar e de comprender.

Actividade 1: Lectura

Lectura individual en voz baixa, lectura grupal en voz alta e lectura grupal dramatizada.

Actividade 2: Emocións e autoconcepto

Análise do contido da historia para traballar diferentes emocións e ideas como o autoconcepto e mecanismos de autocontrol.
Traballamos ademais a expresión plástica para plasmar como se vían eles mesmos cando estaban rabiosos e desenvolvemos mecanismos para intentar autocontrolarse e recuperar a calma.

Actividade 3: Análise das personaxes

Análise das personaxes para chegar ao concepto de autoaceptación das características propias de cada un. Elaboraron un libriño coas personaxes do conto.

Actividade 4: Contacontos e taller coa escritora do conto

Como actividade final, o alumnado de 4º asistiu a unha sesión na que a escritora do libro veu facer unhacontada. Despois, fixeron un taller sobre “autocontrol” no que traballaron a respiración e o autocontrol e elaboraron á personaxe principal da obra, Misto, con materiais de aproveitamento.

Os alumn@s de 2º de primaria para conmemorar o día do libro recordamos todos os contos favoritos que lemos durante  este curso na hora de ler e no club de lectura e plasmámolos nas ramas da nosa árbore de lecturas.

A árbore seguirá medrando e seguiremos gozando de cada unha das follas das maravillosas historias dos contos da nosa biblio.

O 25 de abril, como actividade do Día do libro, e dentro do tempo dedicado á Hora de ler, o alumnado do cursos de 3º, 4º, 5º e 6º de Ed.Primaria apadriñou ao alumnado máis cartivo do centro coa lectura de contos adaptados á idade destes últimos.

A actividade desenvolveuse nos espazos exteriores do centro: polideportivo, zona de xogos, patio infantil e entrada do centro.

O resultado da experiencia foi moi positivo xa que os lectores conseguiron que os seus afillados non deixaran de estar atentos ás historias que lle foron contando.

Xa estamos desexando realizar o próximo apadriñamento lector!!

O Clube de lectura de 5º de curso de Educación Primaria do CEIP Plurilingüe Manuel Sueiro, elixiu como terceiro libro  “Formigas. Misión Rosalía” de Pere Tobaruela da editorial Xerais.

O libro foi traballado nos meses febreiro e marzo do curso escolar 2021/2022 e conta a historia da FORMOS4, FORX4N, FORNEL4 e FORM4IL que son os catro integrantes dos FORMIG4S, unha brigada especial que vai ata calquera recuncho do mundo para esclarecer os casos máis enigmáticos e complicados.

En «Misión Rosalía» os FORMIG4S son alertados de que a obra da célebre poeta se está a esvaecer. Para investigar este estraño suceso han viaxar no tempo ata o século XIX por Compostela e a súa contorna. Alí vivirán unha trepidante aventura para salvagardar o legado e a propia vida de Rosalía de Castro.

Despois da lectura do libro, o alumnado traballou a súa comprensión a través de diversos mapas nos que intentamos representar a historia e os diversos lugares polos que tiveron que atravesar as formigas.

O alumnado de 5º de Ed. Infantil, aproveitou o San Valentín para celebrar o amor e o cariño que nos temos uns e outros, amigos e familiares, con este fermoso conto "Crocodilo namorado" e o seu canto con linguaxe de signos.

Somos moi diferentes, coma a Xirafa e o Crocodilo, pero a pesar de todo o que os separa e os diferencia, quérense moito, por iso aprendemos a respectarse e a quererse...

O alumnado de 2º de  Educación Primaria seguimos desfrutando das nosas historias favoritas e, nesta ocasión, foi a quenda de Carlota quen escolleu o libro “Se eu tivera unha púa” de Eva Clemente para contarllo ao resto da clase.

O seu protagonista, Pepincho Repúa, quere atopar amigos cos que xogar. Pero canto estás disposto a pagar para tentalos conseguir? Un raposo con peculiares afeccións, un can moi presumido, unha aguia que non merenda, un sapo que soña con coroas... Estes son algúns dos personaxes que atopará este entrañable ourizo no seu camiño polo bosque. Unha viaxe cargada de aprendizaxe que che levará a descubrir o que é a autoestima e o importante que é aprender a coidarse e dicir que non de cando en vez.

O Clube de lectura de 5º de curso de Educación Primaria do CEIP Plurilingüe Manuel Sueiro, elixiu como segundo libro  “A folla azul” de Andrea Maceiras da editorial Xerais.

LIBRO 2º: A folla azul de Andrea Maceiras da editorial Xerais. 

O libro foi traballado nos meses decembro, xaneiro e febreiro do curso escolar 2021/2022 e conta a historia da Amazonia que é un mundo verde e único. Tamén é o fogar de moitas tribos indíxenas que viviron alí desde o inicio dos tempos. Algunhas delas manteñen relación coa civilización, mentres que outras decidiron permanecer voluntariamente ocultas no corazón da selva contando a historia de de Husu Aké, membro da tribo dos Tacaré, filla da Nai Terra e habitante do mundo verde. Na selva amazónica do Brasil vive a nena da tribo Tacaré, Husu Aké. A avoa de Husu Aké ten poderes adiviñatorios. Intúe que o home branco chegará ás terras dos Tacaré causando grandes problemas, por iso decide compartir coa neta todos os seus coñece- mentos, incluídos aqueles que adquiriu de nena cando viviu entre os brancos como a lingua portuguesa.

O día que os brancos chegan á aldea, a avoa de Husu Aké pídelle á nena que abandone o poboado. Os brancos, portadores de virus descoñecidos para os Tacaré, contaxian a poboación. Todos menos a avoa caen enfermos.

Cando Husu Aké regresa á aldea, o xefe noméaa guerreira para que parta en busca de axuda aos habitantes do poboado. A nena, tras ter a enigmática visión dunha folla azul, percorre os confíns da selva ata dar co home branco. O que alí atopa espántaa. O home branco está a destruír a natureza para conseguir ouro. Por sorte, tamén hai brancos bos. Husu Aké coñece unha familia que a axuda. O pai é médico e canda a nai, que é avoga- da, forman parte dunha ONG cuxo símbolo é unha folla azul. A familia viaxa coa nena á aldea e, grazas aos coñecementos médicos do pai, consegue curar a enfermidade que decimaba a poboación.

Husu Aké salvou a súa xente, pero algo nela cambiou para sempre. A nena acabará deixando a aldea para vivir coa familia branca. Alí converterase en avogada e nunha activista polos dereitos dos pobos indíxenas.

Despois da lectura do libro o alumnado traballou a súa comprensión a través de diferentes preguntas e temática:
Temas e valores

• Os dereitos dos pobos indíxenas. A novela reivindica a vida dos indíxenas e os seus dereitos como pobos.
• A destrución da natureza. A novela evidencia o forte contraste entre o estilo de vida sostible dos indíxenas e a civilización depredadora do home branco.
• Encontro entre civilizacións. A novela aposta pola posibilidade dun encontro non traumático  entre  as  civiliza- cións indíxenas e a moderna civilización occidental.

Actividades

Antes da lectura

• Imaxinar un argumento partindo da ilustración da portada.
• Vendo a ilustración da portada, en que parte do mundo pensan que estará ambientada a novela?

Despois da lectura

• Reflexionar sobre que podería suceder no mundo se desaparecese a Amazonia e outros espazos arborados do planeta.
• Que opinan das ONG? Cren que fan un bo labor? Por que?

• Actividade 1. Describe que ilustración alternativa farías para o libro tendo en conta o texto da contraportada. Sitúa a Amazonia nun mapa. Que Estados teñen territorio nesa inmensa masa arborada?
• Actividade 2. Coa axuda do dicionario, define as seguintes palabras. Lóstrego (10), mandioca (p. 12), recender (p. 16) e premonición (p. 19).Constrúe unha frase ou un parágrafo no que apareza o maior número posible de pa- labras da pregunta anterior.
• Actividade 3. Coa axuda do dicionario, define as seguintes palabras. Orela (p. 20), don (p. 24), térmite (p. 27) e calafrío (p. 29). Constrúe unha frase ou un parágrafo no que apareza o maior número posible de pa- labras da pregunta anterior.
• Actividade 4. Coa axuda do dicionario, define as seguintes palabras. Gabear (p. 32), amorear (p. 43), escondedoiro (p. 47), e chicharra (p. 47). Constrúe unha frase ou un parágrafo no que apareza o maior número posible das pa- labras da pregunta anterior.
• Actividade 5. Que quere dicir a nai de Husu Aké cando afirma: «A avoa era como unha árbore arrincada e plantada de novo e que por iso algunhas veces non atopaba o seu lugar na aldea»?
• Actividade 6. Cres que é posible combinar o modo de vida occidental co xeito respectuoso coa natureza dos pobos indíxenas? Razoa a túa resposta.
• FICHA DESPOIS DA LECTURA.
• Actividade 7. Como é o peiteado que a nai de Husu Aké lle fixo á nena cando cumpriu 5 anos? Que simbolizaba?
• Actividade 8. Coa axuda do dicionario, define as seguintes palabras: Racionar (p. 48), reflectir (p. 53), lapa (p. 54) e cinsa (p. 57). Constrúe unha frase ou un parágrafo no que apareza o maior número posible de pa-labras da pregunta anterior.
• Actividade 9. Escribe cinco palabras que describan a personalidade de Arumi, a avoa de Husu Aké.
• Actividade 10. Que é a folla azul empregada como símbolo pola ONG da familia que acolleu a Husu Aké?
• Actividade 11. Busca información sobre a ONU, o organismo no que fala Husu Aké cando se conver- te en avogada. Que é? Cando se constituíu? Cales son as súas funcións? Escribe aquí un resumo das túas pesquisas.
• Actividade 12. Como chaman ao home branco no poboado dos Tacaré?
• Actividade 13. Que habilidade tiñan os Hummi, un dos pobos da Amazonia que atopa Husu Aké na súa viaxe á procura da folla azul?

As actividades realizadas durante o 11 de decembro de 2021 e o 3 de febreiro de 2022 concluíron coa realización dos debuxos sobre o conto así como a visita da autora, Andrea Maceiras. 

No mes de febreiro tivemos un encontro con Andrea Maceiras, autora deste libro.Na seguinte ligazón recollemos esta actividade:

O alumnado de 2º de E.P. seguimos disfrutando cos nosos contos favoritos.

Esta vez foi Maia a que elixiu o seu: Grazas. Historia dun rueiro de Rocío Bonilla; conta a historia sobre a convivencia e as relacións humanas. Unha historia sobre todos nós. Por mor dunha avaría inesperada, a vida do rueiro vai mudar totalmente. Grazas á curiosidade e á empatía, os veciños e veciñas van chegar lonxe, moi lonxe. E farano xuntos.

A partir do conto, ademais de desfrutar da súa lectura, traballamos a comprensión e a descrición dos seus personaxes (como son, como van vestidos, que é o que lles gusta facer…) e aproveitamos esa actividade para coñecernos nós e que nos coñezan un pouco mellor os nos@s compañeir@s.

O conto tamén tiña un xogo co que o pasamos moi ben.

Ao longo deste curso os nenos e nenas de 2º de Educación Primaria imos traballar no Club de lectura e na Hora de ler cos nosos contos favoritos.

O primeiro conto foi escollido por Marco: "Cocorico" de María Luisa Núñez. Cocorico é unha adaptación libre dunha historia tradicional birmana sobre a necesidade de escoitar bos consellos, o importante que é cumprir as promesas e o difícil que é aprender a compartir.

Despois de moitas lecturas e de traballar os personaxes (como falan, como se moven...) fomos a realizar unha representación ás aulas de Educación Infantil.

Foi unha experiencia estupenda, xa que tod@s quixeron participar e disfrutaron moito.

Estamos desexando volver a repetir!!