YOU´LL NEVER WALK ALONE

Neste día, no que conmemoramos o International Day of Peace,
As nenas e nenos do CEIP Manuel Sueiro
Queremos camiñar, non en solitario, senón en boa compaña.

Na nosa escola nunca camiñamos sós,
As nosas mestras e mestres camiñan ao noso carón
Compartindo as incidencias no noso camiñar.
GRAZAS PROFES!

Pero hai moitas persoas que camiñan en soidade
Fuxindo do horror, da fame, da dor, …
E descalzos ao longo dese camiño

Non queremos que camiñen en soidade,
Compartimos o noso agarimo, e os nosos zapatos.
Un calzado moi especial, cheo de esperanza.

Son os nosos SHOES FOR PEACE,
Que nos permitan WALK WITH THE REFUGEES
E berrar ben forte YOU´LL NEVER WALK ALONE!!!

GALERÍA DE IMAXES

O simbolismo da grúa.

A grúa é un ave maxestosa que se asocia coa vida e é extremadamente leal co seu compañeiro. A ave é forte, agraciada e fermosa. Por mor da súa gran importancia, os xaponeses creen que si unha persoa fai 1,000 grullas pode cumprir o seu desexo máis preciado.

A grúa, unha ave venerada en todo Xapón.

A aura de espiritualidade que rodea á figura da grúa é famosa no Oriente. Esta estilizada ave resalta pola súa elegancia e por estar cargada dunha serie de boas connotaciones que a fixeron ser parte integral da cultura nipona.

A grúa xaponesa, é unha singular ave zancuda de máis dun metro de alto, agudo pico, longo pescozo, cabeza cun tinte vermello, extensas ás e propietaria dun fermoso plumaxe branco e negro que a destaca fronte aos seus outras irmás plumíferas. Os seus movementos elegantes, a súa axilidade e a súa forte reacción ante o perigo, foron inspiración durante centos de anos para os seguidores das artes marciais e artistas da pintura, literatura e poesía.

Unha das primeiras características que os filósofos orientais exaltaron nesta fermosa ave é a lonxevidade. Algúns estudos falan dunha idade promedio de 40 anos, o cal para unha ave é un rango bastante considerable. No antigo Xapón, o feito de vela regresar cada ano trala súa migración fixo crer que podía chegar a vivir ata 1.000 anos. En textos da antiga Chinesa aparece relacionada aos sabios máis anciáns, a quen acompañaba de cerca na procura do seu longo camiño espiritual.

Distribuída na illa de Hokkaido, ao norte de Xapón, a grúa ademais é famosa pola súa fiereza ao momento de defender o seu niño ante posibles atacantes como os corvos e as aguias. Grazas a esta calidade a xente considéraa un animal 
protector da familia e portador de boa fortuna. Outra das características que resalta neste nobre animal, é que a grua elixe unha parella e mantense con ela toda a vida; por esta razón é habitual ver representacións desta ave en teas de kimonos matrimoniais e arranxos para as vodas. Como símbolo de fidelidade e lealtade.

A Grúa o paxaro de Apolo

É a grúa unha ave que se asocia coa vida e a lealtade cara ao seu compañeiro, fermosa á vista humana e de gran fortaleza. A gran importancia que adquiriu esta ave para os xaponeses permitiulles crer que si unha persoa logra facer ao redor de mil grullas, poderá cumprir o seu soño máis preciado.

Deste xeito, a grua foise convertendo, ao longo de todo o Afastado Oriente, nun paxaro de bo augurio. Recoñecida hoxe con varios nomes, entre eles: “a ave da felicidade”, “a grúa celestial”, “a ave da paz”. Logo da Segunda Guerra Mundial, en Xapón, comezou a desenvolverse a técnica de origami e isto fixo que a grúa en papel convertésese nun símbolo de paz e esperanza.

Poderiamos pensar na grúa como un símbolo de elegancia, sabedoría, paz e amor por toda a vida. De acordo ao exposto nalgunhas lendas, é a grúa o paxaro máis antigo da terra, captando sempre a atención humana pola súa beleza e gran intelixencia.

O 30 de xaneiro celebramos no cole o Día da Paz e non violencia coa realización das seguintes actividades:

• Recitamos o poema de Neira Vilas "Cantarola dos nenos". Previamente cada curso traballara na súa aula unha estrofa do poema plasmando graficamente o que representaba dita estrofa. Con todas as ilustracións, realizamos un gran libro que pasará a formar parte dos fondos da biblioteca.

• Todo o centro participou na actividade "Grúas pola Paz". Coñecemos a historia deste movemento en prol da Paz. Cada alumno deixou un desexo nuha grúa para achegar ao mural colectivo que creamos na entrada do centro.

• Coa mestra de música, practicamos ao longo da semana a coreografía da canción de Paco Nogueiras "Apertas que voan" que cantamos o Día 30 na entrada do cole.

• Para rematar a nosa teacher organizou a actividade "Walk with the Refugees" na que entonamos a canción que hoxendía o Liverpool ten coma o seu himno.

Xa falta pouco para o Día da Paz. Ao longo destes días imos preparar esta canción de Paco Nogueiras.

APERTAS QUE VOAN

Mans brancas e cara negra
teño os beizos vermellos.
Teño sentimentos novos,
teño sentimentos vellos.

Mans negras e cara branca
teño o meu peito cheo
de bicos e de sorrisos
de apertas que voan no vento.

RETROUSO:
Porque ti es o meu amigo,
porque nos levamos ben,
porque ti es o meu amigo
distinto e igual á vez.
Porque ti es a miña amiga,
porque nos levamos ben,
porque ti es a miña amiga
distinta e igual á vez.

Eu non quero ver fronteiras,
sempre me poño a pensar
en dixar a xanela aberta,
así pode entrar o ar.

Pintar o vento de cores,
deixar as palabras medrar
sen dar máis razoamentos
e así poder cantar.

(RETROUSO)

Un camiño faise a pasiños,
un pasiño comigo has de dar,
ha de ser un camiño bonito
se imos xuntiños da man.

Non hai grandes nin pequenos,
e de feros non imos falar,
dáme unha man, compañeira,
que pouco nos ha de importar.

(RETROUSO)

Paco Nogueiras

RECURSOS

• Descargar canción en pdf
  

O Día 30 de xaneiro celebramos o Día da Paz e non Violencia no centro.

Este ano, como é o aniversario do nacemento de Gloria Fuertes, traballamos a Paz a través da súa poesía.

Durante os os días previos a esta data, cada clase preparou un dos seus poemas, relacionados coa Paz, para ser recitado, na biblioteca do centro, o Día 30 de xaneiro.

O resultado deste traballo de poesía que da reflictido no seguinte vídeo:

Galería de imaxes da celebración:

O alumnado de 6º curso visionou a curtametraxe "O soldadiño de latón".

Na seguinte ligazón está o material para traballar o aniversario do nacemento de Gloria Fuertes.

Os nen@s de 6º EP seguimos ás voltas sobre a terrible situación que continúan a vivir todos os refuxiados. Se o curso pasado reflexionamos sobre o tema a través do conto “La pequeña Carlota”, facilitado por ACNUR, este curso, acompañamos a todos eles na súa penosa viaxe grazas á curtametraxe “Soldaditos de latón”.

Pertencemos á rede do proxecto “Aulacorto” promovida polo Ministerio de Educación, Cultura e Deporte e que intenta achegar aos nen@s ao mundo da curtametraxe. Permítenos mediante o cinema, achegarnos á realidade que, por desgracia, seguen a sofrir milleiros de persoas.

Pero, como os nen@s da curta, sorriamos ante un futuro incerto aínda que cheo de esperanza.

O proximo día 30 de xaneiro celebraremos o Día da Paz. Este ano adicarémosllo a Gloria Fuertes, por ser o centenario do seu nacemento.

Na seguinte presentación podedes ver unha presentación da súa biografía.

O luns faremos un recital de poemas de Gloria Fuertes, non faltando entre eles "Sólo tres letras"

Ao longo da semana do Día da Paz traballamos nas aulas con recursos educativos compilados polo equipo de biblioteca.

O alumnado de 5º e 6º curso traballou sobre o exilio e as diferenzas culturais a través da unidade didáctica "La pequeña Carlota"de ACNUR. O alumnado de 2º traballou sobre o respecto, a educación e a tolerancia. O alumnado de 3º e 4º volveu a traballar sobre a historia de Malala e a súa defensa da educación para todo o mundo.

Unha das actividades centrais foi a interpretación da canción BLOWIN IN THE WIND de Bob Dylan polo alumnado de 1º,2º,5º e 6º na biblioteca do centro.

Durante a última semana do mes de xaneiro celebramos no centro o Día Internacional da Paz e Non Violencia coa realización de diversas actividades que prestenden inculcar no alumnado valores que deben de estar presentes ao longo do ano, e non só na data da conmemoración do aniversario da morte de Gandhi.

Entre as actividades realizadas destacamos as seguintes:

• Creación de mensaxes de Paz para decorar a entrada do colexio.
• Elaboración dunha pomba de Picasso.
• Lectura e investigación sobre Malala, premio Nobel da Paz 2014.
• Unha pequena representación teatral sobre a palabra Paz.
• E un karaoke onde versionamos múltiples cancións con mensaxes de Paz.

Asemade, elaboramos un karaoke, personalizado con imaxes do noso cole, da canción de José Luis Perales "Que canten los niños".

Na seguinte galería podedes observar parte das actividades realizadas.

Galería de imaxes