Skip to Content

Escolares

Concurso fotografía: Emociónate co meu libro

Mér, 14/04/2021 - 13:04 — admin

Leo e máis o equipo de biblioteca organizan un concurso de fotografía para celebrar o Día do Libro, titulado: “Emociónate co meu libro”.

Os participantes tiñan que realizar unha fotografía da portada dun libro que os emocionara e outra na que se caracterizaran como a personaxe do libro nesa portada.

O folleto de publicidade do concurso informou das bases do mesmo.

Traballos presentados

Na seguinte galería podedes observar as imaxes da entrega dos premios aos traballos máis votados polo alumnado.

Lingua inglesa en Ed. Infantil

Mar, 21/04/2020 - 04:48 — admin

Actividades recomendadas polo profesorado para realizar mentres dure o Estado de alarma. Se precisas poñerte en contacto co profesorado podes facelo a través do seguinte correo ceipmsueiro@gmail.com

En principio, estas tarefas serán actualizadas semanalmente os luns.

TAREFAS

RECURSOS

  • A editorial MacMillan ofrece na súa web contos en directo todos os días ás 11:00 h.  que se poden visionar a calquera hora premendo na seginte ligazón macmillan story corner. Moitos destes contos foron traballados na nosa aula.

EXERCICIOS INTERACTIVOS NA AULA VIRTUAL

Como complemento a estas actividades poderás practicar cos exercicios interactivos da aula virtual do cole

Para acceder aos recursos deberás entrar como convidado.

 

Somos mensaxeiros da Paz

Ven, 01/02/2019 - 04:22 — admin

PHOTOCALL

Día da Paz 2019

Mér, 30/01/2019 - 19:58 — admin

Ao longo da semana da Paz, realizamos durante a Hora de ler diversas actividades para conmemorar dita data.

Visita dos Reis Magos de Oriente

Sáb, 22/12/2018 - 18:56 — admin

Como colofón, ao traballo realizado neste primeiro trimestre de curso, tivemos o privilexio de contar na nosa biblioteca coa presenza dos tres Reis Magos de Oriente, grazas á colaboración da ANPA Limiar.

O alumnado tivo ocasión de achegarlle as súas peticións de agasallos para este Nadal e de departir con eles de todo aquilo que quixo.

Como agradecemento a súa visita, interpretámoslles varias panxoliñas que foron do seu agrado.

Todas as nenas e nenos recibiron un agasallo das súas maxestades. Agora, xa só falla que atendan as peticións que lles fixemos por escrito.

Chocolatada de Nadal

Sáb, 22/12/2018 - 18:43 — admin

O último día de clase, do primeiro trimestre, a ANPA Limiar do noso cole agasallou cunha chocolatada con churros, no comedor do colexio, a todo o alumnado e profesorado do centro, para repoñer forzas despois do gran traballo realizado ao longo do curso.

Desde o centro, agradecemos a colaboración prestada nesta actividade a todas as persoas membros da ANPA.

Festival de Nadal 2018

Ven, 21/12/2018 - 19:46 — admin

O 20 de decembro realizamos o Festival de Nadal no salón de actos do IES As Lagoas que desinteresadamente nos facilitou o seu equipo directivo, desde aquí queremos agradecer a súa colaboración e a do persoal laboral do IES.

A asistenca ao Festival foi todo un éxito grazas á participación da maioría familias da nosa comunidade educativa.

Na seguinte galería de imaxes podedes observar o ben que o fixeron.

 

 

 

Pista de xeo

Mar, 18/12/2018 - 07:48 — admin

O pasado 5 de decembro, todo o alumnado de Ed. Primaria, visitou a pista de xeo do centro comercial Ponte Vella para patinar sobre xeo.

Algúns de nós era a primeira vez que nos puñamos uns patíns, aínda que non foi obstáculo para que fósemos que de mánternos en pé.

Estamos desexando repetir a experiencia.

Pasámolo xenial!

Día das bibliotecas 2018

Mar, 23/10/2018 - 17:46 — admin

Título do programa

O  24 de outubro, celebrmos no cole o Día das bibliotecas Escolares. O alumnado de cada curso presentou ante os seus compañeiros e compañeiras o traballo que van  a desenvolver ao longo deste ano dentro do PDI "Pasaxeiros Con destino Dinamarca... Última chamada" co que pretendemos traballar o modelo de organización da nosa biblioteca por medio da CDU ao tempo que pescudamos información sobre este fermoso país.

Os proxectos presentados foron os seguintes:

  • "A Sirenita". Alumnado de Ed. Infantil.
  • "O parrulo feo". 1º Ed. Primaria.
  • "Contos de Christian Andersen". 2º Ed. Primaria.
  • "O soltadiño de chumbo". 3º Ed. Primaria.
  • "Biografía de Christian Andersen". 4º Ed. Primaria.
  • "Os Wikingos en Dinamarca". 5º Ed. Primaria.
  • "Dinamarca: O país máis feliz do mundo". 6º Ed. Primaria.
  • "Crenzas relixiosas en Dinamarca". Ed. Relixiosa.
  • "O Xardín dos deuses". Aula de apoio e 2º e 4º de Ed. Primaria.

Presentación do PDI.
Trailler do PDI.
"O xardín dos deuses".

 

Comezo do curso escolar 2018/2019

Mér, 12/09/2018 - 17:21 — admin

O 12 de setembro deu comezou o curso escolar 2018/2019 e tivemos o privilexio de contar coa presenza das autoridades locais para inicialo.

O Alcalde, a Concelleira de Educación, a Delegada da Xunta, a Xefa Territorial de Educación, O Inspector Xefe e o noso Inspector visitaron as aulas do noso centro e intercambiaron impresións con todo o alumnado.

Diferentes medios de comunicación locais e autonómicos deron cobertura á nova en diferentes espazos:

 

Distribuir contido


by Dr. Radut