Skip to Content

Actividades

OS MAIOS. AFA LIMIAR

Mér, 10/04/2024 - 12:01 — admin

AFA

A AFA Limiar do CEIP Plurilingüe Manuel Sueiro anima a todas as familias a participar na festa dos Maios 2024.
O Maio do CEIP Manuel Sueiro será un Maio cargado de flores feitas con papel de cores, revistas ou calquera papel colorido para reciclar. As flores faranse na casa en familia.
O venres 3 de Maio a partir das 16:00 horas xuntarémonos no colexio para xuntar as flores e montar o Maio.
O domingo 5 de maio presentarase na Rúa do Paseo. AS familias que o desexen poderán vender coplas e o diñeiro recadado será para a AFA Limiar.
As coplas elaboraranse no cole coa colaboración do profesorado. Máis información no enlace https://sites.google.com/view/afalimiar/inicio  

cartel_maio

 

O domimngo 5 de maio de 2024 a AFA Limiar presentou o seu traballo a toda a cidadenía de Ourense. Magnífico traballo realizado por todos os compoñentes da Asociación de Familias do CEIP Plurilingüe Manuel Sueiro.

afa_maios

 

A continuación expoñemos a copla do maio elaborada e cantda pola AFA Lmiar.

copla

 

 

Chocolatada de despedida

Lun, 25/12/2023 - 20:20 — admin

Peche do 1º trimestre con Sabor a Chocolate e Diversión

Un ano máis, o último día de clases do trimestre e, pola súa banda, do ano 2023, foi unha festa de ledicia e sabores no noso colexio, grazas á iniciativa AFA Limiar. Co obxectivo de despedir este período educativo cun toque doce e festivo, todos os membros da comunidade educativa foron convidados a gozar dunha deliciosa degustación de chocolate con churros no comedor.

O ambiente festivo impregnou o colexio mentres o seductor aroma do chocolate e dos churros recén preparados encheron o aire, creando unha sensación acolledora e festiva que se estendeu a todos os presentes.

A galería de imaxes recolle a esencia da xornada: risas, sorrisos e a pura expresión de felicidade nos rostros do noso alumnado. Dende os máis pequenos ata os maiores, todos se mergullou na experiencia, deleitándose co exquisito sabor do chocolate quente e dos churros.

A AFA Limiar, como sempre, demostrou o seu compromiso coa creación de momentos especiais que reforzan os lazos comunitarios e xeran recordos inesquecibles. Esta iniciativa puxo o peche do cuadrimestre.

A dirección e todo o persoal educativo agradecen a AFA Limiar a súa dedicación e esforzo para facer deste evento un peche inesquecible. O chocolate con churros non só alimentaba o corpo senón tamén o espírito, lembrando que a unidade e a festa son fundamentais na nosa comunidade educativa.

O colexio despide este cuadrimestre e o ano con agradecemento polos momentos compartidos, de crecemento académico e persoal, e coa certeza de que o 2024 nos traerá novas oportunidades para seguir construíndo un entorno educativo enriquecedor e cheo de alegría.

Boas festas e próspero ano novo para toda a comunidade educativa!!

Actividades 2023/24

Sáb, 16/09/2023 - 02:01 — admin

Actividades extraescolares organizadas pola AFA Limiar 2022-2023

Mar, 11/10/2022 - 01:03 — admin

Actividades extraescolares curso 2021/2022

Dom, 03/10/2021 - 18:00 — admin

Actividades extraescolares, ANPA Limiar. 2019/2020

Mér, 09/10/2019 - 12:59 — admin

Concurso de logos para o centro

Xov, 01/02/2018 - 04:33 — admin

Rematado o prazo de presentación de logos para o centro, os membros do xurado tivérono moi difícil para escoller o gañador dada a altísima calidade dos traballos presentados, tanto en calidade como orixinalidade.

Desde aquí, queremos agradecer a todos e todas as participantes o seu esforzo e dedicación.

Na seguinte galería podedes observalos:

 

Este será o logo que identificará ao noso centro, a partir de agora:

Gañador do concurso

Concurso logotipo para o colexio

Sáb, 30/12/2017 - 18:03 — admin

O CEIP Manuel Sueiro non dispón actualmente dun logotipo que o identifique dun modo fácil, integrador, inequívoco e actual. O obxectivo deste concurso é a elaboración dun logotipo que ofreza unha nova imaxe do centro.

O logotipo será destinado a ser a imaxe representativa do CEIP Manuel Sueiro, en toda a difusión de información sobre o mesmo, a través de súa páxina web e outros documentos.

Poderán participar todos os membros da comunidade educativa cun máximo de dous traballos. Estes deberán ser orixinais e inéditos.

O prazo de presentación remata o 27 de xaneiro de 2018.

O responsable do logotipo gañador recibirá unha tablet como agasaio.

Bases do concurso.

Anímate e participa!!

Eleccións ao Consello Escolar 2016

Xov, 03/11/2016 - 16:06 — admin

Ao longo deste trimestre levarase a cabo a renovación parcial dos membros do Consello Escolar segundo a Resolución do 26 de setembro de 2016 (DOG 4/10/16).

Neste ocasión toca renovar os seguintes membros:

  • 3 membros do sector de pais e nais.
  • 3 membros do sector de mestres.

Desde a dirección do centro, animámosvos a participar activamente neste proceso que é fundamental para o bo funcionamento do colexio.

A Xunta electoral aprobou, o 3 de novembro, o seguinte calendario:

  • Do 4 ao 14 de novembro:
    • Publicación provisional dos censos dos sectores educativos citados.
    • Prazo de presentación de candidaturas.  Descargar modelo.
  • Do 16 ao 27 de novembro.
  • Día 29 de novembro:
    • Votacións dos distintos sectores.
      • Pais e nais (3 quendas para votar):
        • De 09:00 a 09:30; de 13:15 a 14:00 e de 15:30 a 16:00 horas.

O día 30 de novembro a Xunta Electoral proclamará aos candidatos electos.

 

Novos membros electos do Consello Escolar:

  • Sector do profesorado:
    • Dª. Inmaculada Lorenzo Cancio
    • Dª. Mª del Pilar Iglesias Gómez
    • D. José Antonio Regal Vázquez
  • Sector Pais/Nais do alumnado:
    • Dª. Ana Belén Fernández González
    • Dª. Marta Ester Rivera García
    • Dª. Mª Teresa Prieto Nogueiras

Festival de Nadal 2015

Ven, 08/01/2016 - 13:41 — admin

Galería de imaxes

 

O xoves 17 de decembro celebramos o Festival de Nadal ás 17:30 horas no Salón de Actos do IES das Lagoas. Desde aquí agradecemos a todos os asistentes a súa participación nesta festa que con tanto esforzo e ilusión prepararon os nenos e nenas do cole para as súas familias e amigos.

O programa de actuacións foi o seguinte:

Na seguinte galeria podedes acceder a todas as imaxes da actuación.

Galería de imaxes

 

Distribuir contido


by Dr. Radut