Durante as vacacións de Nadal o centro estará aberto os días 23, 28 e 29 de decembro e o 4 de xaneiro, en horario de mañá, de 10:00 a 12:30 horas.

Durante este período, por motivo das obras, non haberá atención ao público en secretaría.

As solicitudes de tipo administrativo faranse por correo electrónico e resolveranse cando sexa posible.

A Consellería de Cultura, Educación e Universidade facilitará a entrega de máscaras para o alumnado matriculado nos niveis de ensino obrigatorio e educación especial (ORDE do 6 de novembro de 2020 pola que se regulan os criterios e o procedemento de distribución de máscaras entre o alumnado (...)DOG 13 de novembro).

Beneficiarios: 

1. Alumnado que xa é beneficiarios da axuda para adquirir material escolar no curso 20/21 (non necesita facer solicitude)
2. Alumnado que non foi beneficiario da axuda para material escolar por diferentes circunstancias, pero:
    a) Pertence a familias cunha renda per cápita igual ou inferior a 6.000 €.
    b) Está matriculado en educación especial, suxeito a tutela da Xunta de Galicia ou ten unha
        discapacidade igual ou superior ao 65%.

No documento adxunto figuran os correos electrónicos dos titores e titoras dos diferentes grupos, para que os pais, nais ou titores legais do alumno/a podan solicitar cita (por protocolo COVID preferentemente telefónica).

COVID - Titorías coas familias (determinación dos xeitos de realizar titorías coas familias):

- As reunións dos pais/nais co titor/a ou outro profesor/a serán solicitadas previamente polas canles habituais: correo electrónico, teléfono ou a través do alumno/a.

No documento adxunto recollemos o Plan de Continxencia do IES Santa Irene, no que se establecen os procesos para o reinicio da actividade académica presencial no caso de que se teña interrompido a actividade lectiva como consecuencia da aparición dun abrocho que supoña o cese da actividade presencial nunha aula, etapa educativa ou centro.