ESA 4

Datas matrícula extraordinaria ESA 3 e 4 (Educación Secundaria Adultos) e Bacharelato adultos

31 Xullo, 2024 - 23:37 — dirección

Adxuntamos información: Requisitos Idade (PREMA AQUÍ): Artigo 3 (Pendente das Instrucións para o curso 2024-25)

Prazo extraordinario de inscrición e matrícula a partir do 2 de setembro (ata data por determinar) e datas da Proba de avaliación inicial en setembro para alumnado sen requisitos académicos pendente de publicar segundo as instrucións para o desenvolvemento das ensinanzas básicas de educación para persoas adultas, bacharelato para persoas adultas e ensinanzas non regradas no curso académico 2023/24 pendente de publicar no DOG.

O horario de secretaría para a formalización da matrícula é de 9:00 a 14:00 horas

Datas matrícula ordinaria ESA (Educación Secundaria Adultos) e Bacharelato adultos

23 Xuño, 2024 - 20:36 — dirección

Adxuntamos información: Requisitos Idade (PREMA AQUÍ): Artigo 3

O horario de secretaría para a formalización da matrícula é de 9:00 a 14:00 horas

Prazo extraordinario de inscrición e matrícula a partir do 2 de setembro.

Calendario Fin de Curso 2023-2024 (ESA III e IV)

6 Maio, 2024 - 20:38 — dirección

No arquivo adxuntos aparece a información dos horarios de exames, entrega de notas e revisión de exames o reclamacións das avaliacións ordinaria e extraordinaria da ESA III e da ESA IV correspondentes ao calendario final do presente curso 2023-24. Lembrade que todas aquelas persoas que se presenten aos exames finais deben acudir co DNI ou NIE.

1 adxunto

Probas de acreditación da competencia dixital - Adultos

9 Xuño, 2024 - 16:19 — admin

As probas de acreditación da competencia dixital, nivel intermedio, para o alumnado de 2º Bacharelato (Adultos) inscrito, terán lugar o xoves, día 13 de xuño de 2024, ás 17:00 h, na aula Info 1 do centro.

As probas de acreditación da competencia dixital, nivel intermedio, para o alumnado de ESA IV inscrito, terán lugar o martes, día 18 de xuño de 2024, ás 17:00 h, na aula Info 1 do centro.

Admisión a FP. Curso 2024-2025

8 Xuño, 2024 - 15:53 — orientacion

Publicación das instrucións xerais e dos calendarios do proceso de admisión ás ensinanzas de formación profesional para o curso 2024-2025.

Leer máis

Acreditación da competencia dixital do alumnado para persoas adultas de ESA IV e 2º BAC Adultos (ComDix)

7 Maio, 2024 - 21:59 — dirección

A Consellería de Cultura, Educación Formación Profesional e Universidades ven de publicar as instrucións para a acreditación das competencias dixitais do alumnado que cursa ensinanzas de formación profesional, ensinanzas profesionais de artes plásticas e deseño de réxime especial, e ensinanzas de educación secundaria e bacharelato para persoas adultas na Comunidade Autónoma de Galicia no curso 2023-2024.

Os centros inscribirán o alumnado que solicitase participar na proba de nivel intermedio ou na proba parcial da área de dominio 4 do nivel intermedio, coa data límite do 22 de maio.

Os niveis de competencias dixitais que se acreditarán no curso 2023-2024 son os seguintes:

ComDix Iniciación (Equivalente a nivel A2)
ComDix Intermedio (Equivalente a nivel B2)

O alumnado que obteña o título de graduada ou graduado en educación secundaria obrigatoria obtido polo réxime de persoas adultas recibirá o certificado que acredite o nivel de iniciación. O alumnado matriculado en ESA IV poderá presentarse a unha proba específica co obxectivo de acreditar os coñecementos, habilidades e actitudes propias do nivel intermedio.

A obtención do título de bacharel acredita que a alumna ou o alumno ten os coñecementos, habilidades e actitudes das áreas de dominio 1, 2, 3 e 5 do nivel intermedio descritas no Marco galego de competencias dixitais. O alumnado matriculado en 2º de bacharelato poderá presentarse a unha proba específica co obxectivo de acreditar os coñecementos, habilidades e actitudes propias da área de dominio 4 do nivel intermedio descritas no Marco galego de competencias dixitais. No caso de que unha alumna ou un alumno obteña o título de bacharel e ademais supere a proba específica da área de dominio 4 do nivel intermedio, recibirá a certificación ComDix que acredita o nivel intermedio.

As acreditacións do alumnado terán unha validez de cinco anos a partir da data da proposta de título da alumna ou o alumno ou da realización da proba específica.

O alumnado que desexe participar nas probas específicas deberá cumprir os seguintes requisitos:

Estar matriculado en ESA IV para presentarse á proba específica que acredita as competencias dixitais de nivel intermedio.
Estar matriculado en 2º de bacharelato para persoas adultas para presentarse á proba específica que acredita a área de dominio 4 de competencias dixitais de nivel intermedio.

O alumnado de ESA IV e o alumnado de 2º de bacharelato para persoas adultas que desexe realizar a proba específica solicitará a súa inscrición entregando o impreso adxunto na secretaría do centro ata o día 22 de maio de 2024, incluído. Os impresos serán entregados a todo o alumnado en formato físico, polo que non é necesario que o alumnado o imprima (podedes recollelo en conserxería ou en xefatura de estudos e entregalo na mesma xefatura de estudos ou en secretaría pola mañá).

As convocatorias de probas específicas, no curso 2023-2024, realizaranse consonte ao seguinte calendario:

A proba específica que acredita a área de dominio 4 de nivel intermedio realizarase no centro durante o mes de xuño. Terá unha duración de 20 minutos (con 12 preguntas) e realizarase en horario lectivo.
A proba específica que acredita o nivel intermedio realizarase no centro durante o mes de xuño. Terá unha duración de 90 minutos (con 60 preguntas) e realizarase en horario lectivo.

Informarase do día e da hora das probas coa antelación suficiente para a organización das mesmas según as asignadas ao centro pola Dirección xeral de Formación Profesional.

Aínda que a inscrición nas probas é voluntaria recoméndase a todo o alumnado de 2º de Bacharelato presentarse ás mesmas.

As probas son gratuítas para todo o alumnado.

Resolución do 29 de abril de 2024, da Dirección Xeral de Formación Profesional, pola que se ditan instrucións para a acreditación das competencias dixitais do alumnado que cursa ensinanzas de formación profesional, ensinanzas profesionais de artes plásticas e deseño de réxime especial, e ensinanzas de educación secundaria e bacharelato para persoas adultas na Comunidade Autónoma de Galicia no curso 2023-2024.

Neste enlace tedes a posibilidade de realizar una proba de exemplo do nivel intermedio: https://certificacion-competenciasdixitais.xunta.gal/gl

O contido do Marco Galego de Competencias Dixitais (MGCD) pódese consultar na ligazón: https://ficheiros-web.xunta.gal/comdix/20231213_EstruturaMGCD_v.1.0.pdf

Axudas para o alumnado con necesidades específicas de apoio educativo (NEAE) para o curso 2024-25

23 Abril, 2024 - 12:18 — orientacion

As axudas están dirixidas a persoas que presentan unha necesidade específica de recibir apoio educativo (NEAE) derivado dalgunha das seguintes situacións de tódalas etapas educativas que se cursan neste centro e presente a seguinte documentación xustificativa:

Discapacidade: Certificado de discapacidade igual ou superior ao 25%
Trastorno grave de conduta ou da comunicación e da linguaxe:

Certificado dun equipo de valoración e orientación dun centro base e do Instituto de Maiores e de Servizos Sociais ou órgano correspondente da comunidade autónoma ou Certificado do equipo de orientación educativa e psicopedagóxica, do departamento de orientación do teu centro educativo ou da comunidade autónoma. O certificado debe axustarse ao modelo que obterás cando enchas o formulario.
Informe dun equipo de orientación educativa e psicopedagóxica ou do Departamento de Orientación para indicar que tipo de asistencia necesitas, duración etc.
Certificado do inspector de zona para acreditar que necesitas estes tratamentos porque esta axuda non a ofrece o teu centro ou porque non podes matricularche nun centro no que se preste.
Memoria do centro onde vas recibir a reeducación que informe sobre as características do tratamento, a súa duración e o custo.Declaración responsable da persoa que vai impartir a reeducación. Debe acreditar que ten a formación necesaria para iso.

Trastorno do espectro autista:
Certificado médico dos servizos de saúde sostidos con fondos públicos e Certificado do equipo de orientación educativa e psicopedagóxica, do departamento de orientación do teu centro educativo ou da comunidade autónoma. O certificado debe axustarse ao modelo que obterás cando enchas o formulario.
Altas capacidades:
Presentar un informe do equipo de orientación educativa e psicopedagóxica ou do Departamento de Orientación do teu centro educativo para indicar que tipo de asistencia necesitas, a duración, etc. Este informe debe axustarse ao modelo que aparece co impreso de solicitude cando enchiches o formulario en liña e Memoria do centro que imparte o programa ao que vas asistir que informe sobre as características do tratamento, a súa duración e o custo.

Para ter dereito a recibir as axudas, a túa unidade familiar non debe superar a renda anual (a presentada no 2023) que marca a táboa da convocatoria. Por exemplo, se a túa familia formádela 4 persoas e a renda familiar é menor que 31.801 € ao ano, terías dereito a recibir as axudas.

PRAZO PARA A PRESENTACIÓN DE SOLICITUDES:

Do 30 de abril ao 13 de setembro de 2024.

Avaliación extraordinaria da ESA (1º Cuadrimestre)

10 Abril, 2024 - 21:41 — dirección

No días 22 e 23 de abril de 2024 terá lugar a avaliación extraordinaria para os matriculados no 1º Cuadrimestre da ESA III e da ESA IV (Curso 2023-24). Consulta o arquivo adxunto para coñecer as datas, as horas de avaliación e o día de entrega de notas.

1 adxunto

Bolsas Eurolingua

19 Marzo, 2024 - 19:25 — admin

Infórmase da apertura da 11ª Convocatoria das Bolsas Eurolingua para a realización de Cursos de Inglés en Irlanda de dúas semanas de duración durante o verán nun programa de inmersión todo incluído dirixido a estudantes de Secundaria, Ciclos e Universidade.

Poden consultar toda a información da convocatoria picando nesta ligazón: Becas Eurolingua.

O programa está becado ao 100% e inclúe:
Programa de 20 clases de inglés semanais.
Material didáctico.
Aloxamento en familias seleccionadas e residencia.
Programa de actividades culturais, visitas e excursións.
Certificado de aproveitamento do curso expedido polo colegio.
Teléfono de emerxencia 24 horas.
Non incluído, pero xestionable gratuitamente, o billete de avión.

Os requisitos para solicitar a bolsa son:

Idade mínima 14 anos.
Media académica de polo menos 6 puntos.
Estar matriculado neste curso nalgún destes estudos: ESO, Bacharelato, Ciclos Formativos ou Universidade (masters e doctorados incluídos).
Ter nacionalidade de calquera país da UE.

O prazo de solicitude para esta bolsa finaliza o 21 de abril. Se teñen calquera dúbida pódena consultar no noso apartado de preguntas frecuentes, respondendo a este e-mail ou no noso chat en liña.

Proceso de admisión de alumnado externo para o curso 2024-2025

4 Marzo, 2024 - 18:36 — dirección

O día 1 de marzo de 2024 comeza o prazo para a presentación de solicitudes de admisión para o próximo curso. O prazo ordinario remata o día 20 do mesmo mes.

Nos documentos adxuntos pódese atopar toda a información e documentación relativa ao proceso (lexislación, calendario, impresos...)

Normativa

Decreto 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación

Orde do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación (códigos de procedemento ED550A, ED550B e ED550C)