Clubes de lectura

Clube de lectura de adultos: encontro co autor de "Granito", o escritor Álex Alonso

Xov, 07/10/2021 - 23:27 — IES de Valga

Na tarde do xoves 7 de outubro tivo lugar a sesión inaugural do Club de lectura para adultos deste curso académico 2021-2022. Nesta ocasión, os asistentes tiveron ocasión de ter un encontro co escritor vigués Álex Alonso arredor da súa novela "Granito". O autor disertou sobre a súa obra e respondeu ás preguntas das ávidas lectoras que pertencen a noso Club de lectura de adultos.
En palabras do responsable do Club de lectura, o profesor Víctor González: "Aí tedes a foto. Fixádevos ben nela. Non terá cabida posiblemente nos arquivos da historia, non importa. que é a historia, despois de todo? Pasado. Na foto hai un autor para o futuro, é Alex Alonso, que visitou o IES da Valga invitado polo club de lectura "Veigas de Campaña". Mirádeo, posa no centro da foto xunto co agasallo que recibiu -un dos trovadores de Sargadelos-. Logo, seguindo o surco das agullas do reloxo, Susana, Elena, Rosa, outra Elena, Mª Xosé, un servidor e Lorena. Spiderman, Mafalda eo David de Miguel Ángel, testemuñas mudas da xuntanza, tamén saen retratados. Gañas de saír do marco no que están instalados, saltar ao chan da biblioteca e participar da tertulia non lles faltan. Claro. Eles si que saben, saben o que é bo, porque boa foi a tarde, as raiolas de sol entrando pola dereita, a leria que fumos artellando, o humor, as pastas que comimos. Todo. A foto débese a xenerosidade de Óscar, que a fixo. Ata outra. Será o xoves 4 de novembro . "Panza de burro", de Andrea Abreu nos espera".

Econtro co escritor Álex Alonso na Biblioteca do IES Valga

Mér, 06/10/2021 - 10:58 — IES de Valga

O xoves, 7 de outubro comezan as actividades deste curso 2021-2022, dentro do Club de Lectura da Biblioteca do IES de Valga. Será a partir das 17:00 horas cando se manteña un encontro co escritor Álex Alonso, arredor da súa obra "Granito", Premio Torrente Ballester 2020.

En palabras do coordinador do Club de lectura, o profesor Víctor González:"Ese que vedes na foto chámase Alexandre Alonso Alonso, posiblemente o nome non vos diga nada. Para os amigos é Álex Alonso. Si, xa sei, eu non son amigo seu..., xa me gustaría, pero quen sabe o que o futuro pode deparar.... se seguides lendo, entenderedes porque o digo. Polo de agora, presento algúns datos. Álex Alonso é tradutor e escritor, fixo estudos universitarios en Santiago, e ten obra publicada; pola novela "Granito" gañou en 2019 o premio literario Torrente Ballester. Desde logo non é pouca cousa, pero aínda así, e tendo méritos para elo, non nos consta que visitara os pazos versallescos nin pisara a alfombra vermella dos grandes teatros, tampouco chegounos nova algunha de que visitara os salóns das universidades afamadas, Bolonia, Oxford, Cambridge, igual sí, non consta..., en calquera caso da igual, quen necesita honrar tan ilustres e maiúsculas institucións cando ESTE XOVES, CINCO DE OUTUBRO VISITA VALGA.... ?, si´está ben lido, non estades en alucinación, se acaso en éxtase. Repito, ESTE XOVES, CINCO DE OUTUBRO, ÁLEX ALONSO, VISITA VALGA, que digo Valga, VISITA O IES DE VALGA, que digo o IES de Valga, VISITA A BIBLIOTECA DO IES DE VALGA ao abeiro DO CLUB DE LECTURA "VEIGAS DE CAMPAÑA",. Todo un honor. Que necesidade ten de pisar Aulas Magnas de fastuosas universidades? SERÁ AS CINCO DA TARDE".

Agardamos a vosa asistencia.

Visita a Santiago do alumnado do Club de Lectura

Mar, 22/06/2021 - 08:59 — IES de Valga

Na foto que acompaña o texto vese ao alumnado do club de lectura IES de Valga. Os contempla a praza de Mazarelos, en Santiago. Como non podía ser menos, querían coñecer a facultade de Filosofía, que tanto lles gusta, ubicada en dita praza. Que tamén visitamos a praza do Obradoiro? pois si, e a catedral... en fin, o casco vello, fermoso, sen dúbida, pero ai!!! onde esté a facultade de Filosofía. Pasámolo moi ben.
Na foto, ademais dos alumn@s, están os acompañantes, Fran Godón, profesor de Lingua Galega no IES, e Víctor González que, por si non vos dérades conta, é profesor de filosofía

Clausura do Club de Lectura de adultos do IES Valga 2020-2021

Ven, 18/06/2021 - 08:03 — IES de Valga

O escritor Cándido Duro Domínguez clausurou as actividades do club de lectura para adultos 2020-2021, foi na tarde do xoves 18 de xuño. Cándido Duro, poeta, estivo na Biblioteca do noso centro, nun encontro, por fin, presencial, para brindar polo seu poemario "Luz do abrente outonizo".

Nova sesión do Club de lectura do alumnado

Lun, 12/04/2021 - 22:21 — IES de Valga

Na tarde do luns 12 de abril, o alumnado de 1º ESO do Club de lectura do alumnado da Biblioteca tivo unha nova xuntanza; nesta ocasión foi para conversar sobre o libro "A caixiña dos rancores". de Héctor Cajaraville. En palabras do coordinador dos Clubs de lectura, o profesor Víctor González: "Aí os tedes, Nerea, Paula. Ánxela, Ana e Roi, alumnado todo el do IES de Valga, de primeiro da ESO, nada menos. Boa canteira temos. Están arredor da árbore, con "A caixiña dos rancores", o libro que nos convocou, nunha das súas ponlas. Que máis se pode pedir?, sol, natureza, cultura, amizade, xuventude...non falta de nada; e tamén houbo xantar. Seguro que máis de un que lea estas liñas estase xa arrepentindo de non terse apuntado cando podía facelo... Non me extraña. Que se poña na lista de espera para o ano que ven. Saúde"