Actividades

AULAS DE EMPRENDEMENTO: Visita do alumnado de 1º CB de SOCA e de Agroxardinaría á EDAR de Aríns e ETAP do Tambre con VIAQUA

Xov, 06/06/2024 - 17:48 — IES de Valga

logo aulas de emprendemento

Por mor da conmemoración do Día Mundial do Medio Ambiente, o 5 de Xuño, o alumnado do 1º dos CBs de Agroxardinaría e de Fabricación e Montaxe, fixeron unha visita á EDAR de Arins e ETAP do Tambre, acompañados do profesorado Luciano Rodríguez e Iria Ares. A actividade está enmarcada dentro do programa de Aulas de Emprendemento, coordinada por Yolanda C. Castro e coa colaboración de Marta Clemente Marginet. Xefa de planta de depuración e Diana Peleteiro, responsable de potabilización de VIAQUA (Santiago de Compostela).
O obxectivo foi concienciar sobre a importancia de garantir un bo estado das masas de agua e das infraestruturas, os retos e barreiras aos que se enfrontan os tratamentos para acadar unha calidade de agua óptima para os distintos usos e sistemas de rego, ademais de poder ver de primeira man os procesos de tratamento e identificar as características dos sistemas de tubaxes no proceso de depuración, mantemento e explotación.
Esta actuación inclúese no Plan de Modernización de la Formación Profesional e está enmarcada na compoñente 20 – Plan Estratéxico de Impulso da Formación Profesional– do Plan de Recuperación, Transformación e Resiliencia e está financiada polo Ministerio de Educación, Formación Profesional y Deporte e pola Unión Europea - NextGenerationEU.

Alumnado de 2º do CS de Construcións Metálicas participou nun "Obradoiro de Oratoria" dentro das Aulas de Emprendemento

Mér, 29/05/2024 - 00:06 — IES de Valga

Seguindo coas actividades enmarcadas nas Aulas de Emprendemento, o alumnado de 2º de CS de Construcións Metálicas tivo a oportunidade de participar nun "Obradoiro de Oratoria e presentación de proxectos", o luns 27 de maio de 2024.
A xornada comezou cunha dinámica de grupo, co propósito de afianzar a confianza, identificar o seu estilo e controlar as emocións e a comunicación verbal e non verbal. Posteriormente viron as claves máis importantes para unha comunicación efectiva, aumentar a seguridade ao falar en público e fortalecer as súas habilidades, para mellorar a calidade das súas presentacións para expoñer proxectos con éxito.
A relatora foi Verónica Rodríguez Ruzo, da Consultora PROMOVE, proxectos e persoas, empresa galardonado con distintos premios como o Manuel Beiras como recoñecemento ao esforzo normalizador no uso do galego e o premio de RSE Galicia, de recoñecemento a boa práctica no eido da conciliación e a igualdade laboral, entre outros.
Esta actuación inclúese no Plan de Modernización de la Formación Profesional e está enmarcada na compoñente 20 – Plan Estratéxico de Impulso da Formación Profesional– do Plan de Recuperación, Transformación e Resiliencia, financiada polo Ministerio de Educación, Formación Profesional y Deporte e pola Unión Europea - NextGenerationEU.

AULAS DE EMPRENDEMENTO: Taller de soft skills para o alumnado 1º CM de Soldadura e Caldeiraría

Lun, 27/05/2024 - 23:07 — IES de Valga

logo aulas de emprendemento

O mércores 22 de maio, o alumnado de 1º curso do CM de Soldadura e Caldeiraría tivo a oportunidade de participar nun Obradoiro de Soft Skills baixo o título “Queres mellorar o teu futuro profesional?”, enmarcado dentro do programa Aulas de Emprendemento.
Os obxectivos desta actividade foron reforzar as denominadas habilidades brandas, identificar as distintas competencias sociais que contribúen á mellora profesional e son moi valoradas tanto no mundo laboral como empresarial e desenvolver e fortalecer habilidades interpersoais, técnicas e de comunicación, combinación que lles será de axuda para avanzar nas súas carreiras profesionais, tanto se traballan por conta allea como propia.
A relatora foi Mª Isabel Rodríguez Bermúdez, consultora, con amplia experiencia en empresas do sector do metal da contorna e docente no eido do emprendemento e na formación laboral. Esta actuación inclúese no Plan de Modernización de la Formación Profesional e está enmarcada na compoñente 20 – Plan Estratéxico de Impulso da Formación Profesional– do Plan de Recuperación, Transformación e Resiliencia, financiada polo Ministerio de Educación, Formación Profesional y Deporte e pola Unión Europea - NextGenerationEU.

Alumnado de 1º do C.F.M. de Soldadura e Caldeiraría participou nun taller de primeiros auxilios

Mar, 14/05/2024 - 10:07 — IES de Valga

No IES Plurilingüe de Valga continuamos a traballar no eido da prevención e a protección da saúde co noso alumnado con talleres teórico prácticos de primeiros auxilios.
Nesta quenda, este pasado venres 10 de maio, o alumnado de 1º do C.F.M. de Soldadura e Caldeiraría de mañá, aprendeu como executar de maneira axeitada as accións da cadea de supervivencia e practicaron as súas habilidades na aplicación de técnicas de primeiros auxilios.
O obxectivo é fomentar a prevención de riscos, que o alumnado identifique situacións críticas e saiba ata que punto actuar seguindo os principios xerais de actuación, no que se refire ás medidas do soporte vital básico e o uso do desfibrilador.
A actividade, foi organizada pola responsable do Departamento de Formación e Orientación Laboral e impartida por Ana Mª Buján Martínez, enfermeira, docente e voluntaria de Cruz Vermella de Pontevedra.

Alumnado do 1º curso do SOCA Dual e do Certificado de Profesionalidade de Soldadura participou nun taller de Primeiros Auxilios

Sáb, 06/04/2024 - 20:33 — IES de Valga

O IES Plurilingüe de Valga segue a traballar na prevención de riscos e aplicación de técnicas de primeiros auxilios co noso alumnado.
Nesta quenda participou nun taller teórico-práctico de primeiros auxilios, o alumnado de 1º do C.F.M. de Soldadura e Caldeiraría de Dual xunto co alumnado do Certificado de Profesionalidade de Soldadura TIG e con electrodo, que nestes intres se está a impartir no centro.
O obxectivo do mesmo foi fomentar a prevención de riscos laborais e proporcionar coñecementos sobre as técnicas básicas de primeiros auxilios, que o alumnado identifique situacións críticas e pode actuar, ata que punto siga os principios xerais de actuación e mellore as habilidades na prestación básica de primeiros auxilios e en particular, no que se refire ás medidas do soporte vital básico e o uso do desfibrilador.
A actividade, foi organizada e impartida pola responsable do Departamento de Formación e Orientación Laboral en colaboración co Servizo de Emerxencias de Valga, a tarde do xoves 21 de Marzo.